由上星期五開始, 每朝都早起身!! 星期五六同星期一都一早去監考, 星期日又去church!
終於, 今日我同baby可以唔洗較alarm, 瞓飽先起身!!! 
!! lumlum!!
可惜威威又要返中, 要等到今晚12點先返黎!! 
下晝, 我同baby落街食野同去library, 見到都好多學生係自修室溫習!
諗番尋日好想寫下我去監數學會考嘅感想, 但尋日太tired同埋要去yoga, 未寫, 今日有時間可以寫番
!!
*************************************************************************
話說尋日考數學,
有個中五小朋友一入到試場唔去自己個位, 去朋友個位度大大聲約埋一坐夠30分鐘就走人, 仲以為自己好有型!! 
!! 比我媽叉佢返去自己個位!!
一個試場250個學生, 有大約10個係一開始就爬係枱面瞓覺, 除左student no.之外, 一隻字都唔寫!! 等30分鐘之後可以走得就走人
!! 試下都好嘛.....唉....!!
有d仲得意, 又唔早走, 但係就由頭瞓到尾
!! 瞓到口水都流埋嗰隻.....
有d女同學, 化妝set頭大耳環短裙仔...., 考公開試喎??? 
!!
又有d考生, 著背心短褲, 一路考一路凍到震, 考左咁多日都唔知道會考d試場出名冷氣凍? 帶件外套嘛!!! 真係擔心佢地凍病左點繼續考???
又見到一個學生哥, 一路計數一路口up up!! 成個人緊張到好似就快會暈低咁.....!! 無錯佢係好認真咁考, 但又好擔心佢唔知道係咪神經緊張...., 就快癲咁.....
!!
我一路望住試場入面嘅人生百態, 一路摸住肚入面個踢下踢下嘅baby, 到底第日你大個左會點呢??
到時你要考乜野公開試呢??? 會考都只係人生嘅一個階段!! 仲會有好多好多嘅野一個人要面對!! baby你會係一個點樣嘅人呢??? 哈哈! 一個坐係度幾個鐘頭嘅監考員, 就係有好多時間去諗好多野
!!
希望, baby你會係一個健康, 開心, positive, 充滿love & support嘅人啦!! !!
miss : 我個最細妹都係今年考生呀 , 唔知我個妹係你所講嘅邊種考生呢?
回覆刪除爸爸媽媽都希望將來我開開心心,做一個有用的人
回覆刪除見到宜家既小朋友, 有時真係會擔心自己既baby....... 長大後會變成一個點樣既人呢??
回覆刪除你見到o既情景,同我以前考會考時見到o既都差唔多,學生呢家野,真係十年如一日,哈哈哈~~~
回覆刪除唉~~so我有點熟客都話唔生呀
回覆刪除我淨係希望baby將來係一個開心樂觀既人~ 乜依家D學生變成咁， 想當年我去考會考，有D學生著埋校服去添架~
回覆刪除真係一樣米養百樣人, 咩人都有~~
回覆刪除我都整係想小叮叮做個開開心心既小朋友.
回覆刪除fishtissue: 哈哈!! 唔知道呢!! 希望係我無寫嗰種好認真, 好盡力嗰種啦 nicole: 十年如一日!! 哈哈!! 都係咖!! 不過我考嗰時無留意!! 軒媽: 但係我由細到大都希望會生bb咖!! 盡力而為啦!! 墨魚媽媽: 真係咩人都有!! poeny/catcat/sammis/臻臻媽: 大家都要努力!! 希望我地d仔女都係開心積極嘅有用 好人
回覆刪除做咗媽咪就會諗好多嘢，以前自己都經歷過，但而家又好怕卓蔚會咁。
回覆刪除睇到你寫嘅嘢，令我諗起中五會考時D情形，其實我最憎數學，會考時我大摡做佐一個鐘頭到就走人，long question 淨係答咗四、五題，我有數學恐懼症，一見到一大堆數字就頭暈，所以最後「揸兜」，哈哈…都比我預期中好，仲以為會攞「Uncle」添，上天待我算不薄啦！ 其實我都唔明点解有D女仔考公開試時着到成隻雀咁，有D甚至化埋裝，大佬，依家係考試，入战場wor!点解搞到好似搞fashion show,行catwalk咁？唉！
回覆刪除卓蔚媽: 係啦~~ 其實我地自己都細個過, 經歷過好多野!! 但到左自己做阿媽又希望d仔女唔會咁....唔會咁....!! 哈哈!! 希望我地可以做到同仔女好似朋友咁分享分擔嘅阿媽, 唔係嗰d比佢地覺得管住晒, 好鬼煩嘅阿媽啦!! carol: 係啦!! 我都好認同, 唔知道點解要成隻雀咁...今日我去監biology都見到唔少化行妝嘅美少女 !!
回覆刪除唔知點解呢一代d小朋友會咁, 讀書真係好辛苦? 乜做野唔辛苦咩? 無學院做sales, 做低級工咪仲慘 ~~~ 唉 ~~~
回覆刪除