8月31日 ^.^

Happy Birthday to Mingming!!

認識左你十幾年, 成日覺得你生完日第二日要開學好陰公!!

其實你出左黎做野咁耐都無咁諗了, 是嗎?

次次要第二日開學嗰個係我 由幼稚園到小學中學大學then出黎教書都係9月1日開學日!!

今年嘅感覺好特別雖然係唔洗明天一早開工, 但又好似好掛住d學生咁!

唔知道佢地明天開學唔見左Miss Li會點呢?

有d email 聯絡開嘅已經不斷追問點解呀?? 咁點呀? 係咪出年教番呀??????

我都唔知呀.... 親愛的 其實我就算唔走都無得跟番你地升班的....... 乖乖地繼續努力啦!!!

有事email我同打比我啦!! I will be here for all of you!!!

又係失望.....

點解次次都好似係落空咁嘅？

今日爸Ｂ找我，話ＢＧＣＡ個course太多人報了，排waiting list都排到第六個，機會都好微了！

唉！點解辭左工可以去報course嘅時侯又咁多阻礙咁嘅？想讀又無得讀...... 我都唔係悲觀咁諗野啦！要等到11月報Norma嗰個？

係咪應該去揾份工算呢？Play Therapy真係咁遠咩？去加拿大揾表姐讀一年課程？又唔想離開老公咁遠咁耐？而且收唔收都成問題！報左心理學先？上年報postgrad. Cert.都唔收！！！唉......

唔係嘅！！！一定有辦法嘅！！！！！要做個ＴＭ先！！！

開心的兩天

尋日同今日老公都放假！昨晚同老爺奶奶仲加埋叻叻去左「十吓十吓」！食到好飽！

之後上左叻叻屋企，睇番大家識左兩年影左好多相！數碼相機真係好偉大嘅發明呢！大家都好開心！

之後，我同老公成一點幾離開左佢屋企，然後我地兩個去左游車河，去左馬灣碼頭，睇人釣魚！好lum

今日起身就出去買左新電話喇！買左SHARP SX633！粉紅色！而家叉緊電！我會好好鍚佢喇！

今晚又有幾個朋友仔上左黎屋企竹戰！好！去幫老公打氣先！！！

 

Happy Birthday to Lisa

happy birthday to you!

happy birthday to you!

happy birthday to Lisa!

happy birthday to you!

大個女了!! 要開心lumlum呀!!!!!!!!!!

手提離開左我.......

星期六晚去同Mingming慶祝生日! 玩到傻左! 手提電話都頂我唔順! 走左佬

雖然有d唔捨得佢, 不過老公都話最緊要個人無事!!! 所以要去買新電話了! 尋日出去睇過, 又無心水, 無睇中!

好似都係之前嗰部好d咁!! 我鍾意摺機多d~ ! 最新部sharp個面又無相......

出邊部好呢????? 有意見話我知啦!!

仲有呀!! 我張咭出番already!! 所以有我電話no.嘅你快d打個電話比我! 我無晒d電話號碼

晴天霹靂‧‧‧

好唔開心！好嬲！好忟！好激氣！................................

明明話收我９月讀play therapy，連confirmation email 都出埋比我，跟住今日先打電話比我問﹕「你係唔係讀過counselling？有無心理學background？」係咪玩野呀？未有呀！不過我讀Education都有掂過嘅！「唔好意思呀！原來你未meet到個requirement！所以我地唔可以收你呀！」

吓！！！咁你又一早話收左我？教統局仲問我點解要停教書保留住個公積金先！我話想去進修，咁你報左乜野course，有無証明文件呀？有呀！Confirmation Email 囉！咁你寄個副本比我啦！寄出左先話唔收得你呀！誤会左呀！乜ＣＵ咁不負責任？咁點算好呀？唉！

係咪即係唔應該去讀呀？定係有其他好Ｄ嘅在前面？人地準備左９月開始可以讀Play Therapy嘅，而家點算好呀？１Ｏ月嗰個又收唔收我３日嘅workshop呢？救命

I am willing to release all negativities and limited belief that created this situation!! 希望好快又會有新轉機啦！

手寫板

唔知大家用乜野輸入中文呢？

我之前用速成的，但係發覺一邊作野一邊又要諗Ｄ速成字頭尾碼好煩，所以買左個手寫板，

而家就比佢認緊我嘅字了！都幾好唔錯

Drama Course (2)

呢幾日我都有去上堂，一日一個下晝，即刻好似無晒時問咁

但係上戲劇教學班都幾好玩喎！可惜我已經無教書啦！無得番學同啲學生做實驗添！

或者可以番舊校問校長比班我教戲劇！

明天最後一堂了之後要作教案同睇堂，等我試下真係問下校長比唔比我教班比戲劇班啲老師睇堂先！

 

Happy Birthday to 叻叻

又係講生日快樂嘅時候了！Happy Birthday to Janet!!!!

尋晚仲係我地屋企過左１２點，希望你同老公開開心心，快Ｄ生番個ＢＢ比我地玩啦

Drama Course

尋晚又瞓得好差!! 唔通飲百事可樂會瞓唔著嘅? 等我戒下先!!

今日兩點半至五點半去上drama workshop!! 好lumlum! 個黃sir好專業! 同事仔都話好耐無試過咁留心聽書!!

多活動嘅workshop永遠比斎坐好

仲有3日!! 繼續努力!!

老公隻腳條筋拉親

要睇跌打!! 快d好番啦!!

跟住會點呢??? (三)

又一天了!!! 一個人原來唔駛返工係有咁多時間可以做咁多野嘅!!!

首先瞓飽先起身!! 然後上msn啦!! 出去食飯啦!! 還書還碟啦!! 燒番d相比friends啦!! 送愛心外賣比老公啦!! 煲下電話粥啦就1日了!!! 做左好多野咁!! 都好lum好充實!!

而且同表姐loulou講左個幾鐘長途電話! 又好似清楚d條路想點行了!! 首先就係問左自閉小朋友份工嘅意見, 話晒佢都做過!! 佢話好值得試下!! 間公司好好! 同事好!! 而且可以接觸有特殊需要嘅小朋友! 對於我之後想學想做嘅野都有幫助! 學多一套教學法, 多d經驗都好好!!!試下先都唔錯!! 而且時間可以flexible一d! 可以同公司商量做住part time試真d先!!

至於play therapy就有course報course!!! 接觸下教嘅經驗導師! 攞多d意見!!loulou話鍾意左咁多年嘅野, 一定要努力用盡方法去試!! chitchit話香港少甚至無, 但外國有嘅, 就放膽去學!! 可以自己行條路出黎!!! 唔洗擔心讀完無出路

!!! 都係嘅...... 都無得諗咁多!! 加油先!

今日打去confirm左CU個5日course收左我了!!! yeah!!

9月可以開始上堂了!! 5日full day!! 仲係分開3個星期! 開頭諗住實係要上完先可以搵工! 如果真係可以開始去autism嘅training同返住part time先就perfect了!!!

明天開始連續4天上drama course!! 係辭工前同同事仔一齊報的!! 諗住上年帶左套drama咁好玩! 自己再進修下, 出年同佢地出去比賽....... 而家quit左都好唔捨得班小朋友!!

唉! 世事難料........! anyways, 去上drama班都應該好好玩好值得去嘅!!!

加油加油!!!!!!!!!!!!post d lumlum drama 相先

又係happy birthday ^.^

都話多人生日啦!!! 連續都有好朋友生日呢

好彩唔係個個都開party!!

8月19日 happy birthday to BB味!! 一個有bb味嘅大男人! 星期六晚party完有好多相係我度! 快d搵我啦!

8月20日 happy birthday to Kui!! 好耐無聯絡了!! 但都祝你一家人幸福快樂!

8月21日 happy birthday to Annick!! 祝兩個女女快高長大!!! 乖乖地!!! 開開心心!!

幸福的鼻鼾聲

今晚好夜都未瞓著.... 因為今日瞓得太多........ 同老公傾完計佢瞓著左lu......

因為昨晚我的夜歸令佢無覺好瞓

今日又返左成日工, 攰死了, 所以有鼻鼾聲, 仲同阿BB嘅小鼻鼾聲二重奏!嘈住人地

但係令我回想起兩年前突然1月1日入左醫院, 住左5日, 日日夜夜聽住四周圍D人痛不欲生咁慘叫, 咳個不停....... 等等嘅聲音

終於出院回到家瞓番自己張床時, 眼光光瞓唔著(係醫院日瞓夜瞓, too much了), 但係身邊個男朋友(即係而家嘅老公公

)同阿仔終於可以唔洗擔心我, 攰到立即昏迷, 然後發出同我今晚聽到嘅大小鼻鼾二重奏, 嗰一刻覺得好好好幸福!!!

可能因為咁我先至咁快嫁左比佢

健康真係最最最重要嘅!!!! 希望個個都健健康康!! 快快樂樂!!

身心相連, 所以要活得開開心心, 思想正面, 愛自己多d, 錫身邊嘅人多d, 掉走晒release晒五大negative野 :

1. anger !!        嬲人同憤怒會累積住, 然後會生cancer!!!

快d原諒同放開先至健康!!!

2.guilt !! 內疚  唔知點解人成日都怪自己嘅呢! 如果你成日有guilt, 就會整傷自己, 撞親.....去罰自己! 人在世不斷學習, 總有錯誤同失敗之時, 我都試過好憎自己, 唔知想點咁, 覺得不如死左好過, 後來諗下其實只要學識左野, 唔好再犯同樣嘅錯, 原諒當時無知嘅自己, 無事了!!!

3.fear     你最惊最怕什麼? 人人都有好多恐懼! 由細個開始比大人嚇大, 自己行出街因住比人捉左去!!! 而家d報導又係日日嚇人, 大陸出品什麼都有假野, 日日食落肚嘅都唔知有無加料

好得人惊咁...... 但係fear都無用啦!! 盡量release左去相信自己係safe and protected嘅會做人安樂d

4. criticism 批判 人要識得判斷是非黑白, 但係唔係事事都要用一個形容詞去批判人! 一個人應該對事唔係對人去批評! 例如有個學生成日唔記得帶書, 有d老師會鬧佢"你係咪無腦咖???係咪無心向學咖????" 咁就係批判緊個小朋友個人!!用左兩大個好負面嘅形容詞鬧佢!!! 如果針對事去批判就會話"我好唔開心你成日唔帶書, 唔該你記住執齊野先返學, 係你自己嘅責任!!!" 咁就唔會咁傷害性咁解決事情!!!criticism係任何思想對話中都有!!! 要盡量release!

5. stress 人人都有好多壓力要handle同release! 用好多方法可以發洩! 多d同人傾下! 做下運動! 總之記住提醒自己要release左去唔好積埋積埋!!!

要愛自己!! 試下對住塊鏡同自己講i love and approve of myself! 愛自己唔代表自私! 你自己試下就明!!

呢d就係我嘅信念了!! 你日日都會清理屋企d垃圾唔會積埋係度! 而個腦入面d垃圾都要清下喇

咁先至身心健康!!!!

嘩好長遍!!! 如果你由頭睇到尾就辛苦你了!!! 鍾意就回應下我啦!!!