第十一隻手指

哈哈!! !! 今朝老公放工買左早餐比我食, 食食下發現有隻手指係度!!

同老公隻手指一模一樣咖!! 哈哈哈!!! 一定係佢失散左好耐嘅第十一隻手指!!

希望....

希望奶奶痛風快d好番啦!! 痛左好多日喇...陰公, 最慘只可以食止痛藥, 但止痛藥又傷胃, 變左又多一樣痛!! 我地又睇到好心痛! 希望快d舒服d啦!!

希望威威個堂妹妹比心機考好個A-LEVEL, 不論任何環境, 只要你自己努力專注就一定掂咖喇!! 加油啦!!

希望baby健康開心咁係我個肚度住得舒舒服服!! , 每日都大大力踢下我, 等我知道你好lumlum好健康

希望老公今晚返夜舒服d!!我自己同仔仔兩個都瞓好d!!

希望跟住星期六日一3日嘅小組補習, 對學生們下星期測驗有幫助, 你地要比心機努力d做快d測好d!!

希望個個都心想事成, 所以記住要positive thinking, 剩係諗多d好野!!

而家先至嘔???

上個星期日帶B頭頭打完最後一針, 之後去左"x瑚堡"食lunch, 之後, 個胃好似頂住頂住咁!! 結果, 返屋企嘔左一次

!!  嘔完之後就舒服晒喇!! 我同老公嘅結論係"珊x堡"難食到嘔, 哈哈!! 真係好唔掂咖, 唔好去荃灣廣場嗰間!!

然後, 今日下晝2點幾要去馬鞍山某小學睇人地教ECLASS TRAINING, 於是, 自己食左lunch就出發啦!! 等巴士時, 個胃已經開始頂住頂住, 結果, 我一落車就去左商場toilet嘔!! 又唔係嘔得好辛苦咋喎, 嘔完又舒服晒, 好似無事發生咁, 哈哈!!

其實我星期一去見dr.wong時, 話左比佢知我嘔過, 個胃成日好似頂住咁!! 我話唔係之前無嘔, 而家先嘔嘛?  !!

佢話有bb前期嘔係因為d荷爾蒙同激素影響!! 而我而家個胃頂住同嘔係因為baby大個仔左, 真係頂住左我個胃!! 所以我唔可以食得太飽, 要少食多餐!!

我而家都唔係覺得食到好飽咋, 就頂住同作嘔? 咁好啦, 我試下食份量少d啦!!  !! 順便keep下磅數先, 唔好咁快變左加大碼!!  老公你記住唔好比我食咁飽呀!! 　

ps：今晚去完yoga同linda去左食野傾計, 好lumlum!! thanks baby-kingdom!!

part time jobS...

尋日收到考評局嘅電話, 原來我好耐之前apply嘅監考員post有回音喇!!

所以我又多一份part time job喇!! 4月尾同5月頭有8日時間會去做會考監考員!! 又有得搵錢錢喇!!

*********************************************************

至於part time trainer呢個job真係講多過做... !! 其實由上年12月開始傾, 跟住2月中上左公司傾terms! 然後再去睇下佢地去小學教training嘅demo就應該可以開始喇~~

點知成日打算去睇demo時又話嗰堂要教嘅items唔多, 同我上次去嗰次差不多, 唔需要再去, 於是又過左幾個星期!! !! 成日等email通知, but佢地又好忙...., 唉.....!! 攪到成日要我自己打去催佢地咁，好老土

而家打算明天去一個3 hours嘅training session!! 應該會係好詳盡啦!! 咁就可以等佢地安排d job比我喇!!

睇下之後又點啦!!

**********************************************************

最後呢份part time就好穩定喇!! 而家個個weekend都會補習!!今個week 仲多左一個學生添!! 考試測驗前可以join埋4個學生, 小組咁補都好好!! 佢地又可以互相學習, 我又可以慳d時間!! 希望佢地4月頭測驗測好d啦!!

濕度高... 好忟憎... .

呢兩日濕度好高...!!

呢兩日周圍d人都好似好忟憎...!!

呢兩日d衫好似有怪味...!!

呢兩日d頭髮洗完都係痴立立...!!

希望開冷氣同抽下濕會舒服d!!

3月26日 - 同仔仔見面^^

因為上個月尾同baby去照結構, 所以已經成兩個月無去過dr.wong度檢查喇!!  尋日去到, 阿dr. wong心情大靚, 又講笑又照U/S照耐左, 所以我同威威都睇得好lumlum!!

又係show下d ultra sound時間!! !!

(1) baby頭嘅直徑= 6.46cm 

(2) baby肚圍= 19.5cm

(3) baby嘅大脾仔長= 4.48cm 

(4) 總結個報告!! 見唔見到mouse pointer指住個725g~~ !! baby已經725g喇!! 差不多2磅

之後就係dr.wong例行同我地轉去睇baby個3D樣同用4D睇BABY郁黎郁去嘅樣嘅時候!! 我同老公次次都好期待!! 因為睇得好清楚!!

仔仔豬今次好興奮!! 不斷咁郁!! 兩隻手仔又揸拳頭, 又開又合好得意!! 一時又交叉手, 一時又攞起條臍帶玩!! 好活躍!! 佢今次係成個倒轉左係我個肚嘅右邊, 但唔係調左頭, 佢而家仲可以轉黎轉去,  不過睇番上次, 比較起黎好似已經迫左好多!!!!  

跟住就係好期待嘅照面面時間, 可以睇清楚仔仔個樣, BUT..... 好可惜..... BABY仔今次唔多合作! 繼續郁來郁去!!! 跟住仲用成隻手臂遮住塊面!! DR.WONG都好好心機同我地試影左幾張, 不過愈影仔仔愈走佬, 最後仲索性背住我地!! 繼續玩手指!! 無辦法啦!! 一個月後再照過啦!!

由於佢一路遮住塊面仔, 所以我再play隻DVD, 想capture一兩張似樣d嘅仔仔樣比大家睇下都無喇!! 所以今次無4d樣睇lu!!!

唔緊要啦, 最緊要就係健健康康!! 繼續係mami個肚度盡情咁玩啦!! 遲d再大個仔d就會無乜位比你郁咖喇!!  

ps: 尋晚同linda去yoga傾開, 佢話我次次有DVD拍住成個U/S過程好正!! 我先知道原來DR.WONG咁好!! 我而家都諗緊如果下次可以影清楚Baby個4D樣, 我就唔另外出去比$照多次lu!! 因為其實我地次次都有4D!! 嘻嘻!! GOOD!! loulou, 下次你係hong kong可以跟埋我去照baby呢