QE 6月份TIMETABLE

6月喇~~~~ 最後一個月去聽揍bb嘅talk喇~~~

暫時打算6月8日同老公一齊去聽"初生嬰兒護理"!! 跟住仲有邊d聽左會好d呢???

去健康院影埋佢地6月份個time table先~~~ 健康院嗰d唔洗咁早同唔洗去咁遠

變形記 (2)

眨下眼又5月尾喇~~~~ 6月1日我就34week喇~~~~ 仲有幾星期就真係做mami喇~~~ 好緊張呀!!!!

上次整變形記時係4月頭嘅時候: 變形記(1), 嗰陣時已經覺得自己開始變左大冬瓜!!

哈哈~~~ 轉眼間又過左差不多兩個月喇!! 個肚又大左好多好多!! 而家已經有40吋肚喇~~~

3張相分別係: 11月尾 ->  4月頭 -> 5月尾!!

呢件衫已經著唔落咁濟喇~~~ 你地睇下隻手臂d橫紋就知我就快撐爆件衫啦~~~

!! 唉, 最慘就係連個pat pat都大左好多~~~ !! 牛仔褲呀, 牛仔褲~~~ 我幾時先可以著番你呢??

尋日同老公一早去左QE聽左陪產一定要聽嗰個"生產過程知多少", 個姑娘都講得好好, 好鬼馬!! 不過，我就聽到有D心寒..... 諗到自己將會經歷佢所講嘅過程.....

..... 到底會有幾痛呢??? 我會唔會發顛呢?? 一路睇片一路覺得個MAMI真係偉大喇~~~~咁痛......, 但係其實自己都將會咁偉大呢.......

仔呀仔~~~~ 我地要合作!! 希望生你嘅過程好順利, 時間好容易過, 少少痛少少痛咁就開到7,8度??? 咁快咁叻?? 然後大痛左一陣就生左你出黎, 咁好...... 聯針個醫生手勢又好好.....

我會努力進行POSITIVE AFFIRMATION~~~ 要RELEASE左FEAR先, 然後諗定最好最快最輕鬆嘅順產先得!!!! 各位MOTHER TO BE, 一齊加油呀~~~諗定D好野先~~~~~ 掉走D驚驚同憂慮先~~~~!!!!

5月28日 - dinner together ^^

逢星期一同星期四都係我同linda兩個大肚妹去yoga嘅日子, 其實都好多謝有佢陪住我一齊去做!!

因為人始終都有隋性, 個腦成日會諗:"今晚落雨不如唔好去啦!!",  "今日咁攰不如偷懶一次啦!!", 哈哈!! 唔知道係人人都會想偷懶定係我真係特別懶呢!! 但係由於我地兩個一齊去, 有個伴, 而且多數都約埋一齊去, 所以我都無偷過懶呀!!! !!

我地兩個有時去yoga前會一齊食野行下, 做完走嘅時候就多數各行各路, 搵番自己個老公!! 點知道尋晚兩個hubby都黎左接我地!! 所以我地就4個一齊去左"魚米之尊"dinner喇!!! lumlum~~~

huggies好抵加厚濕紙巾

好開心呀～～～　其實知道huggies加厚natural濕紙巾做特價幾日咖喇~~~

由原本$49.8折到$24.9!!! 有160張, 而且好多mami都話好用, 所以好想買黎比baby試下, 點知屋企附近manning, 惠康...全部都比人掃晒貨

!! 一包都見唔到.... 星期五係太子見到又唔買, 廢事攞咁遠好似好傻瓜咁....諗住咁多日都應該比人買晒喇~~~ 放棄啦~~~

點知... 尋晚去完church, 同老公係荃灣"小巴黎"dinner, 個香茅豬扒飯好好味呀~~~

!! 食飽飽經過荃豐間惠康, 打算行下睇下有無啦~~~ 嘩~~~ !!　有好多包呀!!! 我地買左3包, 仲有好多咖!!!

而個盒裝我就係之前係manning買嘅, $27.5, 又平過惠康($29)咖!! 哈哈~~ 我已經變左一個c奶仔喇!! 之後我地仲去左"健康工坊"飲果汁慶祝!!! hehe~~~

朋友....

突然間發現有好多朋友仔都好耐好耐無見喇~~~

好多mami都話要襯baby未出世前好好enjoy一下自己嘅生活, 一出左世開始就會忙碌到暈, 而且一切都會以bb為中心, 瞓都唔得閒瞓, 莫講話出街, 見朋友..... 

而家眨下眼已經33weeks喇, 只係仲有7星期, 我就真係做mami喇~~~

今日係度諗.... 仲有乜想做呀?? 就諗起好多朋友仔都好耐無見囉....

自從有baby開始, 就戒左夜蒲, 好多個生日party等嘅聚會都無去, 好多朋友仔都無見lu~~~ 原來人大個左, gathering嘅時間愈來愈少...., 往往都係生日, 節日....嘅理由先至會聚一聚....

喂喂... 乜原來我地只係酒肉朋友???? 一唔出黎玩就連飯都唔洗一齊食餐?? 就唔記得左我喇?? 成日話搵我, 又唔見晒人??

或者人生嘅stage真係一路一路咁改變, 我呢兩三年嘅轉變都好大..... 結左婚, 搬離開左香港島, 而家有埋baby, 又無做miss....., 唔知道跟住又會點呢???

anyways, 我都好enjoy而家嘅生活, 只係突然有d掛住好多好多嘅朋友仔, 希望大家都好好地, 開開心心, 健健康康啦~~~~

另外仲發現自己其實多左一班一齊陀bb嘅mami朋友仔, 同埋多左好多bloggers朋友仔~~~~

5月25日 - 4人行 = 8人行

連續作反兩晚嘅"反清清地dinner聚會", 繼ruby tuesday之後, 星期五晚又去左pizza hut!! 而且仲係同另外3個大肚mami一齊去!!

由於佢地怕羞嘅關係, 所以大家可以見到我係同大左肚嘅Hello Kitty, XO同埋MIFFY一齊去食咖~~  大家都係7月mami, 大家個肚都差不多40吋喇~~~, 大家一邊食一邊傾, 眨下眼就2個幾3個鐘頭喇!! 好happy~~~ !! 多d約埋我一齊食飯啦!!

4個咁大個肚嘅大肚婆一齊食pizza都好壯觀好驚人咖, 哈哈~~ 我地其實可以叫8人餐, 因為實際上有8個人係度!! 而且咁啱我地4個陀住嘅係2個仔仔同2個女女, 所以一經比較, 終於明白中國人話乜野"陀仔個肚就尖d, 向前d"而"陀女個肚就橫d喇"!! 原來真係有d唔同咖!! 好得意呀!!!

我地4個都打算順產嘅會去QE生, 如果可以差不多時間一齊生一齊住同一間2等房就發達喇!!

希望所有0707 mami都好容易好輕鬆好舒舒服服咁過埋呢幾個星期bb係肚入面嘅日子, 然後又好容易好輕鬆咁就生左bb出黎, 跟住bb又好好揍好乖食奶奶好叻..........!!!

5月24日 - dinner w/ phoebe

尋日公眾假期, 同phoebe去左沙田食ruby tuesday! !

都話我呢3個月有半價咖啦, 如果想去食就記得約我喇~~~ !!! yummy, yummy~~~~!!!

哈哈~~ 我嘅清清地計劃呢兩晚都係破晒戒, 唔緊要啦~~~ baby, 我地一定健健康康, 啱啱好, 唔會過大&超重嘅~~~

花師奶~~~

今日買左個花師奶散紙包～～～　lumlum~~~ !! 雖然佢好醜怪但係好好笑~~~

大家有無睇過呢套卡通??  叫"我們這一家"!! 好攪笑咖!

有興趣上youtube睇下啦~~~