2007年5月4日 星期五

my first 白蓮蘇

今晚老公返夜, 臨返工前返左老爺奶奶度食晚飯, 唔該晒奶奶煲左我人生第一碗"白蓮蘇"比我!!

不過其實我只係飲左 一啖, 怕食埋隻蛋食唔落飯, 所以pack左番屋企, 而家先再番熱佢做宵夜

白蓮蘇"嘅用處係去胎毒, bb皮膚會靚靚同埋話會易生d, 唔洗痛咁耐!!

baby而家30week, 即係8個月喇, 所以可以開始飲!!

有d人仲早開始飲,

7個月開始, 開頭兩星期一次!

8個月開始, 一星期一次!

9個月開始, 一星期兩次!!!  

如果唔落冰糖就會苦, 我今日呢碗而家一路飲一路blog, 好好味!! thanks much, 奶奶!!

ps: 今日同聽日都係監考日, 我又係去番上次嗰間中學, 另一位監考員話呢度好好, 有得坐, 佢上星期嗰間要企足3個鐘頭!! !! 好彩我係呢間咋, 唔係實攰到暈左... !! I deserve the best!! THanks God!!  


張貼者： 於
標籤：

27 則留言:

  1. N2007年5月4日 清晨7:59

    我臨生前一個月都有食白蓮鬚, 但囝囝都有濕疹同頭泥```

    回覆刪除
  2. Cathy2007年5月4日 上午8:24

    我呢D咁鬼涼底既人, 都係第八個半月到先開始飲穩陣呀!

    回覆刪除
  3. Danny2007年5月4日 上午8:53

    嘩！好Sweet喎，   努力工作都要小心身體呀！

    回覆刪除
  4. demon2007年5月4日 上午10:46

    你好幸福呀,有一個好奶奶!!!

    回覆刪除
  5. ka yan2007年5月4日 晚上7:39

    我都係生前一個月先飲白蓮鬚，怕太涼！妳都可以食西瓜喇！

    回覆刪除
  6. Pinky2007年5月4日 晚上7:44

    我生之前一個月先drink,飲左4-5次就生左曈曈出來喇....

    回覆刪除
  7. 墨魚媽媽2007年5月4日 晚上7:51

    我係熱底0既, 8個月時就開始食腐竹雞蛋糖水、 芝麻糊同紅綠豆沙, 不過都係8個半月先敢飲白蓮鬚~~~

    回覆刪除
  8. Jessica2007年5月4日 晚上7:54

    妳就好啦﹐有人煲好野比妳﹐我為左想阿仔快D出世﹐咩都靠自己煲﹐煲左成「餐」野仲係要自己一個「隊」晒﹗坐月更加唔慌有D咩啦﹗淨係湊仔女都夠皮﹗坐鬼坐馬﹗﹖

    回覆刪除
  9. Sherry Yeung2007年5月4日 晚上8:48

    我就無飲啦, 所以有無幫助我又唔知, 不過唔好飲得咁密, 得閒食下西瓜, 都好好架 ~~~

    回覆刪除
  10. Cheuk Wei2007年5月4日 晚上11:01

    我都有飲，但就唔覺得好飲囉！尤其是我唔鐘意食烚蛋。但生就幾容易，唔知係咪有幫助呢，大痛咗二個鐘到就生咗卓蔚啦！

    回覆刪除
  11. Chris2007年5月5日 凌晨12:25

    白蓮蘇我只係飲左5次到, 大楷B出世D面膚都幾滑, 唔知有冇關係呢??? 當時係BA B煲比我飲架

    回覆刪除
  12. SkyBlue2007年5月5日 凌晨12:40

    白蓮蘇有什麼成分？

    回覆刪除
  13. suet yi2007年5月5日 凌晨4:36

    我岩岩丟見完紅,但又未生得, 都唔知飲唔飲好,我驚一飲就生

    回覆刪除
  14. SkyBlue2007年5月5日 清晨5:58

    cary, 我一次都未飲過架! 係咪真係好好味架?

    回覆刪除
  15. yu2007年5月5日 清晨6:58

    白蓮鬚去胎毒...我大肚時都有飲...一個星期兩次...好味架... 8個半月可以一個星期食兩次西瓜同埋腐竹糖水, 我覺得容易生d

    回覆刪除
  16. Cary2007年5月5日 清晨7:27

    NAN: 食左幾多次?? 係咪唔夠?? catcat: 即係幾多week先drink?? big dan: 知道!! ^.^ coco媽咪/ 謝茜嘉: yeah!!我都好thank you佢!! 之後坐月都係靠晒奶奶!! ka yan: yeah!! 西瓜!! 我等緊威威買比我食  墨魚媽媽: 我都係熱底咖!! 等我又去食下糖水先 msquare: 咁曈曈係咪好白滑呀?? 大楷B媽媽: 你hubby都好好喎!! 我都攞左d白蓮蘇返home, 下兩個week等老公煲比我飲!! 卓蔚媽: 咁你飲左幾多次呀??? 係咪落得少冰糖呢?? 我尋日飲好好味呀!! 奶奶話落左一舊冰糖喎 sheena媽 & 羨澄媽: 真係唔知道work唔work呢?? 你地無飲又你咁生 !! 不過有我飲就飲啦!! baby彤: um.. 我諗係都係唔好飲喇!! 就快生喇!! 係咪好緊張?? 加油呀

    回覆刪除
  17. Tsz2007年5月5日 上午9:19

    我都未飲過添,好唔好味嫁?

    回覆刪除
  18. Hei Hei2007年5月5日 晚上11:34

    我都無飲過啊~

    回覆刪除
  19. sinmaggie2007年5月6日 凌晨3:15

    我生bb前都有飲白蓮蘇,而且由四個月開始就成日食燕窩...但係bb皮膚都係唔好,有濕疹!! 至於西瓜,我仲有半個月到預產就日日食...但係bb過咗預產期一星期都唔肯出嚟,結果要催生!! 我用咗六個半鐘就生咗我隻臭豬出嚟...

    回覆刪除
  20. 壞人 Family2007年5月6日 清晨6:28

    原來白蓮鬚可以去胎毒同ＢＢ皮膚靚Ｄ架, 我連白蓮鬚係セ都唔喎! 還有3個星期生, 唔知現在開始飲會唔會太遲呢?  西瓜我都有食, 芝麻糊和 腐竹雞蛋糖水我都有飲嘅, 希望真係容易生就好啦!

    回覆刪除
  21. SkyBlue2007年5月6日 晚上10:26

    我唔敢8個月飲呢...因為我寒底啊...

    回覆刪除
  22. Cary2007年5月6日 晚上11:01


    雅妮媽媽, 許bb媽媽: 都幾好味咖! 下一胎試下!
     
    豬媽媽: 6個半鐘頭, 好叻呀!! 希望我都易生d啦!!
     
    馬沙: 你嗰邊有無得賣?? 有都可以煲黎飲下!! 無壞嘅! !!祝你好易好輕鬆生ｂｂ!! 好緊張呀!!!
     
    peony:  咁遲d先飲啦!!

    回覆刪除
  23. Katherine2007年5月7日 凌晨12:47

    我之前都有飲, 不過飲得唔夠多, 攪到我個女好多胎毒出晒黎...唉.....

    回覆刪除
  24. Szeman2007年5月7日 凌晨1:10

    你奶奶對你真好呀! 又白蓮鬚, 又豬腳薑! 好幸福呢~~

    回覆刪除
  25. Ho2007年5月9日 凌晨12:35

    我就無你甘乖,只是飲左一次,所以bb頭幾個月皮肤好差

    回覆刪除
  26. sinmaggie2007年5月9日 凌晨1:38

    好彩豬爸爸喺產房陪我,我先咁叻,六個半鍾搞掂!! 

    回覆刪除
  27. SW2008年12月3日 凌晨12:11

       
            
     
     
    你好! 不好意思打擾了! 小店貨品全為美國購入, Nike / Calvin klein / Ralph Lauren Polo / Gap / OldNavy /Adidas... 
     
      http://hk.myblog.yahoo.com/mamisdevil
     
     謝謝!! Happy Shopping!!
     
     
     
           
       

    回覆刪除

訂閱： 張貼留言 (Atom)