無心機~~

好煩呀~~~~

個腦成日好似無得停咁.... 個人好攰呀.....頭都痛埋......

一屋入面有3個我愛嘅男士, 足以令我覺得分身不睱, 頭都大埋~~~

仔仔就尋日日頭瞓得太多, 尋晚4點開始就醒晒喇~~~ 一路到今朝11點先再熟睡

攪到我超攰超唔夠瞓~~~ 個人忟到呢~~~ 唉~~~ 其實佢都唔算好扭計嘅, 係會扭抱only, 不過, 抱到腰酸背痛, 抱左好耐, 而佢仲係唔瞓or明明瞓左一放低又大喊, 真係令人好辛苦好忟憎....

老公返工又好攰.... 返左工嘅時間又好長, 放工返黎大家好似無乜時間溝通咁.... ... 有時都會有d微言我淨係理個仔!!!

我都好掛住以前兩個人好free鐘意點就點, 做乜就做乜就日子!!! 不過, 我地而家去左另一個stage喇~~~ 希望仔仔大少少, 我地又可以多番d二人世界時間啦~~~

我覺得兩公婆最難處就係大家都好攰好忟嘅時候, 無奈地, 生左仔仔之後就成日都要面對呢d時間喇~~~ 以前大家攰都可以瞓醒休息完再傾過, 而家就..... 唉~~~

至於b頭呢, 我而家唔係因為有左仔仔, 無時間而想唔要佢喎!!! 如果佢唔係咬人, 我就唔洗咁煩啦~~~

都係我自己衰, 細個種壞左佢, 等佢覺得自己大晒!!!

我好擔心就算搵野欄住, 隔開佢同仔仔都會有睇漏眼嘅時間!!!

我一直都無諗過唔要佢, 一有左bb就搵rosina同佢溝通比定心理準備佢, 學習信任佢, 唔好咁驚佢咬人!!!

結果呢??? 無啦啦又咬奶奶!! 又再一次令我提心吊膽~~~

我都明白佢係我大仔, 我係佢嘅所有!!! 亦都好明白blogger所講, 唔通第時生多個, 然後個大仔呷醋我又送走個仔?? 但係我有信心教好個仔, 唔會傷害個細嘅, 但我唔知道可以點先能夠確定b頭唔會傷害到仔仔??

就算去完training, 我都未必可以安心... 唉~~~  而家揍住仔仔, 有時間個腦又自動係咁諗b頭到底應該點呢!!! 點先係最好呢???

可能真係去左training先... 乜都唔好諗住.... 咁我都要搵時間去睇左training嗰間pet shop乜樣先咖......

救命........ 我會唔會突然間有d產後抑鬱呀???? 好彩有姑婆同奶奶睇住仔仔比我下晝瞓左一覺咖喇!!希望仔仔今晚瞓好d啦!!!

等等

等等~~~

等乜呀??? 等yahoo video囉~~~

我終於拍到仔仔笑同講野喇~~~~

而家食飽飽之後, 佢會同我地玩一陣講一陣野, 仲自己笑得好happy咖~~~  

B頭坐監??

b頭坐監???

唔係~~~  係坐左我地係SUPERMARKET買完野租嗰架手推車only, 玩下影下相咋~~~ 佢好似又已經忘記左自己做過d乜..... 不過, 比左我嘅fear同擔心就...... 唉~~~

好似好細個嘅B頭~~~ 其實, 你已經就快8歲喇~~~ 到底咁大個先去TRAINING有無用呢???

好想去研究下間寵物店環境如何, D狗仔係嗰度生活如何!!! 但係而家我呢個奶媽又唔係咁容易可以去到咁遠!!! 有無bloggers住得好近筲箕灣呀???  

海狗寵物

如果你係b頭, 你到底會選擇困住係個細嘅地方(maybe露台), 依然同我一齊, 但我都係好似而家咁少左好多注意力比你咖喇~~~ 要揍仔仔嘛~~~仔仔係baby呢咖嘛!!!

定係離開我, 搵個一家真係會錫你, 比好多注意力你嘅人照顧, 而我就只可以有時間去探你咖喇???

我諗我都真係要快d決定喇~~~ 好快就唔可以再好似而家咁, 比b頭自由自在咁周屋行!! 唉~~~

大細威威

仔仔豬大個仔左好多, 不過比大威威抱住時都係好迷你, 好細粒~~~

哎呀~~~ 點解咁似爸爸咖??? 係咪因為陀住你嗰陣日日望住dadi呢???

哈哈~~ 想bb似自己多d嘅mum to be記住照多d鏡喇~~~

ps: 我今晚周身骨痛, 唔知道係抱得仔多定係有少少作病呢??? 希望瞓醒就舒服番晒啦~~~!! 奶媽一定要健健康康先得~~~ 我去休息喇~~~ byebye~~~

睇轉轉轉^.^

今晚威威又返night, 得我一個揍仔仔~~~ 所以都係未有時間update喇~~~

upload住一個video睇住先啦~~~ bye

點解好似唔得咁嘅??? 如果load唔到就click住個link睇住先啦~~~

又去左街街~~~

又去左太嫲嫲屋企, 好攰呀~~~!!!

遲d再update啦~~~

第一次過海

第一次著過頭笠

仔仔豬第一次著過頭笠衫仔~~~ 加埋個傻豬表情&無影手~~~ 哈哈~~~ 好cute呢~~~

不過個額頭仔受左傷呢~~~自己r損左~~~

陰公喇~~~ 姑婆立即再幫佢剪左指甲喇~~~ thanks~~~

單泵?雙泵?

回Janice K:

Cary-我都想買 medela swing  pump架..

但我D朋友話單 pump 一面,另外一面冇 pump嘅会漏奶架...係咪真係架?....可唔可以話我知呀?

所以佢地叫我買 double pump...但我就想買 swing輕便d..点好?

其實我只係用過medela swing單泵, 所以, 都唔太清楚其他pump如何!!!

我諗如果係要返工嘅mami, 要係break時候泵奶奶, 就梗係雙泵一次過方便快捷啦~~~ 或者一d全泵型嘅mama都係!!!

但如果好似我咁, 主要埋身餵, 只係一日泵一兩次儲定d貨,  就單泵都夠用喇~~~ 雖然我都想試下雙泵係咪會快d多d, 哈哈!!!

 

而你講嘅漏奶問題呢, 其實, 一邊受刺激時, 另一邊漏係好正常咖!!! 即係bb食一邊時, 另一邊都會漏咖!!! 唔係好似開水喉咁漏嘅, 滴d出黎咁囉!!

所以, 我諗單雙泵各有好處呢!!! 你要諗下自己想要乜先, 同埋都唔好咁急買住啦~~~ 等bb出世, 開始餵先都得!!! 都未咁快開始泵啦~~~

係嗰邊d醫院有無得租機試用咖???

音樂轉轉轉^.^

多謝康仔堂阿叔同女朋友仔送比仔仔嘅combi轉轉轉~~~

~~~

可以兩用嘅, 掛係bb床邊or放係個座度, 我地就放左係廳張high chair隔離!!!

仔仔呢兩日開始識聽音樂, 望下佢喇~~~ 開頭佢唔"蘇"佢咖!!

係呢~~~ 有d人話唔好比呢d音樂轉嘅野bb睇, 對佢眼仔唔好??? 各位bloggers, 你地有無比bb睇咖??

同場加映: 醜怪豬可憐扭抱樣!!!

ps: 終於有時間update番18/8篇同仔仔去街喇~~~

回各位again(about 母乳)

回IRIS:

你用乜方法pump奶奶??

我用手動Avent pump ...pump唔到..

朋友送了個電pump,好痛但又唔係好pump到...

有無特別技考???

我用medela swing咖~~~ 幾舒服咖, 唔痛咖~~~你個乜電pump黎咖?? 痛就唔好用喇~~ 傷到乳腺就慘喇

回melody媽媽:

我覺得好難一邊埋身餵，另一邊又泵喎？！我對手多數抱住囝囝，等佢唔好食到個人孿哂，而且橫抱佢對腳仔已經係另一邊胸，仲點擺部機埋去呢？

另外我之前唔記得問，你係每次餵1 邊定2邊？因為2種說法都有人講，唔知邊種至啱。每次你又餵幾耐呢？醫生之前就叫我每次餵一邊，食哂前後奶先係最好。而我囝囝通常每次啜30 - 45 min，最耐都試過食成個鐘，但佢又冇話啜住瞓住喎。

其實泵出來餵都有好處，囝囝食得快d，又可以知道佢食左幾多。

我餵仔仔一邊時, 斜佢對腳低d, 不過都係得一隻手free, 要搵人幫我放個泵係另一邊同埋開機, 個樽盡量唔整到仔仔對腳, 跟住一隻手攬住仔仔, 一隻手揸住個泵!!! 都幾攰咖!!!

而我每次係餵一邊咖!!! 除左一開始未上奶時左右都要刺激所以餵兩邊之外, 我好快就開始只餵一邊!!! 每次最多30mins!!!

我都明白泵出黎餵會快d而且又可以比人幫手, 自己會舒服d, 不過, 唔知道你地嘅bb會唔會呢???

我仔仔埋身食mama milk時係成個人好relax, 手腳都放鬆晒, 好似嘆奶奶咁!!! 食得個樣好lumlum好嘆好舒服咁嘅!!!

而用奶樽餵佢呢, 就會手握拳頭, 腳指都屈埋, 好似好緊張咁咖!!! 所以, 我可以嘅, 都好enjoy攬住佢埋身餵囉

回幸福張師奶:

想請教一下, 你坐月時通常食咩多呀? 飲咩湯水? 有無花膠煲湯? 有同事叫我餵媽媽奶唔好食花膠, 會收奶, 你有無聽過??? 我擔心第時坐月食錯嘢搞到無媽媽奶呢~~ 因為屋企未試過有人餵媽媽奶, 無經驗呀!!! thx!!!

我坐月昤全靠奶奶煮野比我食!!! 開頭就以清為主, 清菜豬肉咁, 過左12朝開始就可以補少少, 食薑醋咁!!! 而燉野, 我就主要食"烏雞燉鮮奶"!!!

花膠我都有食少少, 無聽過造會收奶, 反而有mami話怕會塞左d乳腺!! 我諗少少唔怕嘅!!!

而我之前有篇blog有關餵人奶食乜唔食乜, 你click去睇番啦~~~

其實, 我嫲嫲, 威威婆婆佢地再上一代話當時乜都照食, 無咁多禁忌, 都一樣餵到mama milk, 所以, 我諗除左開頭未上奶時小心d飲食之外, 上晒奶之後食錯左少少都唔怕嘅!!! 唔會一收就無晒奶嘅!!!

最緊要心情輕鬆d, 開心d, 而且密d餵, 咁就有好多milk milk比bb食咖喇~~~

回

巨寶大寶小寶寶:

Cary 大奶媽，想請教你點樣訓係到餵阿？咩姿勢？洗唔洗用咕0臣架?

大寶, 威威一見到你個問題, 臨返夜前都畫左幅畫黎答你呢!!! 哈哈~~~

(可能佢驚我upload張走光相比你地睇, 哈哈~~~~ )!!!

我就係咁餵咖喇~~~ 可以用個咕0臣墊住仔仔等佢側臥黎食, 而最標準係要搵個枕頭夾住係大脾度咖!!! 同用一隻手攬住bb!!!

其實, 我之前睇左好鬼多餵mama milk資料, 你地有興趣去望下啦~~~

1.http://www.babysgarden.org/weblist.php?websw=1

2.http://www.breastfeeding.org.hk/bfqna.htm

3.http://home.kimo.com.tw/babygary928/myRm10.html

4.http://www.baby-kingdom.com/modules/newbb/viewtopic.php?topic_id=371344&forum=35&0 (呢個係bk母乳資料庫, 好有用, 不過今晚好似short short地!!)

嘩~~~ 咁重^.^

尋日發現仔仔豬隻豬腳仔黑左一撻!!! 摸佢又唔痛, 唔知道點解!!! 所以, 今日帶左佢去健康院問下姑娘!!!

姑娘話無乜野嘅,bb仔d皮薄嘛, 你自己密切留意下會唔會愈來愈黑先再算啦~~~!! 真係唔該晒~~ 不過都應該無乜事嘅!!!

哈哈~~~既然去到健康院, 我當然要磅下隻豬仔而家幾重啦~~~  你睇佢個樣幾開心

嘩~~~~  佢好似問我地: "你地個個做乜咁驚訝呀???"咁!! 因為你竟然有5.06kg呢!!!

"乜原來我咁重呀??? 唔怪得知你地成日話抱我抱到腰骨痛啦~~~ "

哈哈~~~~~~ 都話佢係大食仔仔黎咖啦~~~ 個半月人仔已經重左4磅喇~~~ 而家11.1磅喇~~~

仔呀仔!!! 唔好成日扭抱抱喇~~~ 我地真係抱到手軟喇~~~

ps: 仲有呀~~~ 我邊係瘦番晒呢~~~ 仲有好多磅未減番晒呀!!!  !!! 你地唔好比我塊面呃到啦~~~