無心機~~

好煩呀~~~~

個腦成日好似無得停咁.... 個人好攰呀.....頭都痛埋......

一屋入面有3個我愛嘅男士, 足以令我覺得分身不睱, 頭都大埋~~~

仔仔就尋日日頭瞓得太多, 尋晚4點開始就醒晒喇~~~ 一路到今朝11點先再熟睡

攪到我超攰超唔夠瞓~~~ 個人忟到呢~~~ 唉~~~ 其實佢都唔算好扭計嘅, 係會扭抱only, 不過, 抱到腰酸背痛, 抱左好耐, 而佢仲係唔瞓or明明瞓左一放低又大喊, 真係令人好辛苦好忟憎....

老公返工又好攰.... 返左工嘅時間又好長, 放工返黎大家好似無乜時間溝通咁.... ... 有時都會有d微言我淨係理個仔!!!

我都好掛住以前兩個人好free鐘意點就點, 做乜就做乜就日子!!! 不過, 我地而家去左另一個stage喇~~~ 希望仔仔大少少, 我地又可以多番d二人世界時間啦~~~

我覺得兩公婆最難處就係大家都好攰好忟嘅時候, 無奈地, 生左仔仔之後就成日都要面對呢d時間喇~~~ 以前大家攰都可以瞓醒休息完再傾過, 而家就..... 唉~~~

至於b頭呢, 我而家唔係因為有左仔仔, 無時間而想唔要佢喎!!! 如果佢唔係咬人, 我就唔洗咁煩啦~~~

都係我自己衰, 細個種壞左佢, 等佢覺得自己大晒!!!

我好擔心就算搵野欄住, 隔開佢同仔仔都會有睇漏眼嘅時間!!!

我一直都無諗過唔要佢, 一有左bb就搵rosina同佢溝通比定心理準備佢, 學習信任佢, 唔好咁驚佢咬人!!!

結果呢??? 無啦啦又咬奶奶!! 又再一次令我提心吊膽~~~

我都明白佢係我大仔, 我係佢嘅所有!!! 亦都好明白blogger所講, 唔通第時生多個, 然後個大仔呷醋我又送走個仔?? 但係我有信心教好個仔, 唔會傷害個細嘅, 但我唔知道可以點先能夠確定b頭唔會傷害到仔仔??

就算去完training, 我都未必可以安心... 唉~~~  而家揍住仔仔, 有時間個腦又自動係咁諗b頭到底應該點呢!!! 點先係最好呢???

可能真係去左training先... 乜都唔好諗住.... 咁我都要搵時間去睇左training嗰間pet shop乜樣先咖......

救命........ 我會唔會突然間有d產後抑鬱呀???? 好彩有姑婆同奶奶睇住仔仔比我下晝瞓左一覺咖喇!!希望仔仔今晚瞓好d啦!!!