立即行動

尋日無心機好煩惱之後, 決定都係快d行動, 好過成日諗諗諗咁煩~~~

尋晚同老公決定, 如果仔仔豬瞓得乖乖地, 今日起身唔太攰, 就等姑婆黎左之後, 出發去筲箕灣睇下想比b頭去training間pet shop!!!

結果, 仔仔都幾乖, 所以, 我地就可以出去research下喇, 順便拍下拖啦~~~

經過都好轉折嘅車程, 巴士完再地鐵再行左幾條街之後, 終於去到

"海狗寵物"喇~~~

um... 其實好細間, 好多狗同埋狗籠!!! 唔係好乾淨整齊嘅舗頭, 完全無門面裝飾!!!

一去到就見到好出名嘅鄧偉林!!! 係老板&train狗狗嘅師傅!!! 同隻狗狗剃緊毛毛!!!

同佢傾完計, 覺得佢都真係好專業嘅, 好熟d狗脾性, 而佢幾隻攞獎狗都好聽話好乖(當然啦!!)!!!

不過, b頭去完一定會變左灰色!!!

狗仔去訓練到會先學基本指令, sit, stay, down....., 而如果b頭去最主要就係學識自己其實係隻狗仔, 係要聽主人話, 我地先係大佬, 唔係佢大晒!!!

而平日佢r個玩具櫃門我就開比佢玩玩具, 佢望下d零食再望下我, 我明白左就比野佢食呀....等等就係完全錯晒喇~~~ 因為係我地人聽晒佢話, 而唔係我地控制佢, 教佢.... 唉~~~

所以其實要學野嘅人係我地, 佢教完b頭再教番我地點做主人!!!

我話怕佢係嗰度就乖, 返屋企又變番原來咁.... 佢話唔會嘅, 最緊要我地都要改變!!!

比5000蚊去training, 佢話會教到b頭服從, 知道自己係細嘅為止, 最少3星期o卦!!!

我地隨時可以去探, 佢一定又唔會打佢, 而如果帶左b頭返home, 覺得佢仲未乖晒, 又可以帶佢番去again!!! 再train好d先喎!!!

當然, 就算train完, 仔仔同佢仍然係要分開, 唔係話train完就可以好安全!!!

不過, 我諗而家我首先可以做嘅, 就係比佢去train左先!!! 然後再睇下佢點再打算啦~~~

嗰度好多其他狗, b頭亦都要學識同佢地相處!!! 希望真係會見到b頭同其他狗好好相處啦~~~ 佢一直都見到其他狗就好惡死!!!

有朋友話覺得5000蚊好貴, 我今日去完又覺得除番咁多日都ok嘅, 有d上門train一個鐘頭都要800蚊, 不過唔知道有無其他camp型式嘅training又可靠又平d嘅呢??