仔仔豬第一次離開mami嘅身邊, 出去渡假一晚嘅表現係100分呢~~~
10點幾飲左7安奶粉先瞓, 瞓到天光6點又飲左3安奶粉, 玩左一個鐘頭又瞓到9點!!! 好乖好乖呢~~~
爺爺嫲嫲都讚佢好乖好好揍呢~~~
今朝好大雨, mami無飛撲去揍番佢返黎, 由dadi威放工順便去揍佢返黎!!!
返到黎, 仔仔豬都無乜特別喎~~~同mami攪下鍚下玩下~~~ 就玩玩具玩得好開心喇~~~
似乎, 都係mami先咁掛住佢, 覺得唔習慣夜晚見佢唔到!!! 哈哈~~~
佢只係覺得好似平日下晝去左爺爺嫲嫲屋企玩咁, 不過玩耐d咋~~~
都好嘅~~~ 咁mami都好放心喇~~~ 如果唔係要戒奶30, mami都唔捨得無啦啦試下放低個仔過夜, 而家咁樣迫住試左一晚, 知道原來仔仔豬係會咁乖乖嘅, 真係好喇~~~ ^.^
thanks爺爺嫲嫲!!! 辛苦爺爺尋晚讓左張床比仔仔同嫲嫲瞓呀~~ 唔該晒~~~~
而mami今日都好左好多喇~~~ 見到仔仔豬就更加好番喇~~~ ^.^
個傻豬唔見mami就可以咁耐都唔食mama milk, 但係見到mami就食番餐勁嘅~~~ ^.^ 今日下晝任飲左一大餐, mami都舒服晒, 唔洗谷奶~~~ 
個傻豬仔係屋企左玩右玩玩左好耐呢~~~ mami都影左好多相同video呢~~~ 一陣再upload~~~ ^.^
好耐無試過.... 自己一個人夜晚係屋企.....由大肚開始, 日日都有小珏霖陪住一齊....
好耐無試過.... 可以想做乜就做乜....... 無仔仔豬係身邊嘅夜晚.... 可以睇書, 打wii........ 但係乜都唔想做........
好耐無試過.... 谷奶嘅感覺..... 要泵左d mama milk出黎, 倒左去..... 用手擠好似出得好d, 奶泵反而泵唔出, 不過d手指攰到抽筋.......
健康真係好緊要呢...... 唉....... 食左兩次消炎藥, 加埋紅莓汁, 希望快d舒服好番啦~~~
仔呀仔~~~ 爺爺話你好乖乖, 食粥粥又好乖, 10點幾就會同你瞓覺!!! 係咪即係而家開始呢???
mami好掛住你呀~~~ 原來唔係我成日揍住你, 係我地好開心咁一齊做所有嘅野, 原來有你嘅陪伴, 對我係咁重要嘅呢..... 你要乖乖呀~~~ 渡完假, 瞓醒天光mami就過黎見你咖喇~~~ 要乖乖豬聽爺爺嫲嫲話, 瞓得好d呀!!! 愛你呀!!!!! 
哎呀~~~ 真係對唔住呀!!! 仔仔豬!!! 
小珏霖被迫戒mama milk 30小時呀!!!
件事係咁嘅.....
呢兩晚仔仔又瞓得唔係太好, 可能又吽緊出牙仔啦!!!
尋晚4點幾醒左, 扭食奶奶, 咁我餵佢嘅時候, 覺得好急好急喎!!! 去完toilet都仲係又急又痛咁.... 哎呀!!! 係我最怕嘅尿道炎感覺囉......
醫生話女人嘅尿道好短, 比較易發炎..... 個個女人一生都起碼有一次咁濟!!! 我就已經試過幾次喇!!! 知道一發作嘅辛苦, 所以屋企有一盒醫尿道炎嘅藥!!
睇左instruction, 見到懷孕及哺乳不適用, 但係實在太辛苦喇!!! 見仔仔又啱啱食飽左, 諗住食左先啦~~~
最多唔比佢食早餐mama milk, 起身食奶粉奶奶啦~~~ 於是mami5點食左粒藥, 著番件密實tee, 等佢無得自己搵到mama milk食!!!
可憐小珏霖結果喊到6點幾先瞓得番!!! 個傻豬瞓唔著堅持要搵milk milk!!! 喊得超級悽涼呢.... mami心都酸埋, 但又唔可以比佢食milk milk, dadi又無得瞓!!! 哎呀~~~ 一家都好可憐呀!!!
發現仔仔豬真係好少喊得咁慘呢..... 我諗我都係會等佢自然斷奶!!! 好難想像要迫佢戒嘅情況.... 心痛c人.....
唔怪得我嫲嫲話佢地以前sharp一歲就立即戒奶, bb們喊到要落街, 唔好嘈到隔離屋...... 好殘忍咁呢......
好啦~~~ 瞓到8點幾9點, 落去睇醫生!!! 哎呀~~~ 大單喇~~ 醫生話呢隻藥係真係唔可以餵奶嘅......
隔30個鐘頭先再餵就安全d.... 吓~~~ 即係要tomorrow朝先餵得?
慘喇~~~ 仔仔豬如果係屋企對住我, 係會耐唔耐又黎食下milk milk咖, 而且10個幾月大, 每晚都係臨瞓冲涼再食milk milk瞓覺, 咁今日點好呀???? dadi威仲要返night呢.....
咁如果餵左會點呢??? 醫生話都唔知道咖, 無人會攞bb黎試咖嘛!! 可能其實今晚餵都無事, 不過盡量就隔耐d, 安全d啦!!!
而家同爺爺嫲嫲商量完, dadi下晝帶左仔仔豬返去爺爺嫲嫲度玩個下晝先, 而爺爺嫲嫲仲打算夜晚都試下揍仔仔豬係佢地度瞓一晚!!
可能mami唔係度, 仔仔豬可以忘記mama milk一晚先, 唔洗同我兩個係屋企扭到c都無得食!!! dadi又返左工, 怕我地單打獨鬥唔知道會點!! 爺爺嫲嫲真係好喇~~ 唔該晒呀~~~
但係我自己都係好唔開心呢...... 有d guilty自己食左粒藥, 無啦啦要同仔仔分開一晚喇~~~ 係我地第一次夜晚分開呢.... 仔呀仔!! mami而家已經開始掛住你喇~~~ 我都知道咁樣係好d嘅!!!
好過你對住mami, 聞到mama milk味又無得食!!! 唉.... 但係又好擔心你夜晚唔係我身邊會點呢??? 會唔會攪到爺爺嫲嫲都無得瞓咖??? 定係會好乖乖, 好好瞓, 好似平時下晝係爺爺嫲嫲度咁乖乖呢???
總之, 老爺奶奶呀~~ 覺得辛苦難攪嘅話就即刻打我手提啦~~~ 我會即刻飛的黎揍番佢咖!!!!
希望仔仔豬今日同今晚都好乖乖, 覺得好似去左渡假咁瞓得好好, 又玩得好happy啦~~~
我就乖乖食消炎藥, 休息下, 希望好快舒服番晒啦!!!!
dadi, 你下晝都休息下喇~~~ 仲要返夜呀~~~
呢兩日我地無去街街, 無乜特別野寫, 睇睇下呢個月d相, 諗起~~~ 係喎!!!
唔記得update同契媽補祝生日dinner嘅blog呢~~~
呢個係仔仔豬第一次同契媽慶祝嘅birthday, 而且mami好多年都無得同契媽慶祝喇~~~ 我地相隔異地咁多年~~~ 今年可以5個一齊慶祝好開心呢~~~ ^.^
原本我地想去california pizza, 點知之前嗰日book已經無晒枱喇~~~ 所以, 去左意粉屋!!!
仔仔豬一去到就攞左隻spoon玩喇~~~ 不知玩得幾happy!!!
我地整左個水松板+相比契媽做birthday gift!!! 有好多同仔仔豬同我地一齊嘅相!!! 契媽話好鐘意呢~~~ 而家就日日對住我地溫習喇~~~ 加油呀!!! 契媽!!! 比心機考埋6月3日個exam, 我地又可以見面喇!!!
意粉屋有provide兒童餐具嘅呢~~~都好靚靚咖!!!!
阿仔飲水水~~~
食包包~~~
又食麵包條~~~ 好多野食呢~~~
仲想偷食我地d desert添呀~~~~
最後仲上枱面同契爺玩添~~~ 哈哈!!!
最開心好似係小珏霖呢~~~
^.^ i love you 呀~~ 悠~~~ 我地幾時再聚吓呀???? 下年會唔會多個契bb呢??? ^.^
5月25日, 星期日, dadi有野做, mami一早同仔仔豬兩個去荃灣望彌撒, 然後, 就搭地鐵去公公婆婆間新屋!!!
由荃灣去到 調景嶺
, 搭晒成條紅色同綠色線呢...... 廿一個站呀婆婆~~~ 做乜搬到咁遠呀?????
荃灣仲要落大雨添呀!!! 好彩仔仔架車有膠笠!!!
去到喇~~~ 間間房都好大個窗台呢~~~ 仔仔豬勁鐘意睇街街!!!
放左仔仔豬落呢個洗手盤, 又再比個架撞親個"珏霖閣"呢~~~ 陰公!!!
仲有露台~~~ 仔呀~~~ 等公公婆婆裝修好可以落club house玩喇
之後, 我地又搭地鐵藍色線返左去公公婆婆home!! 仲係玩具街買左個水泡仔比仔仔豬呢~~~
阿仔比我地玩, 帶住個水泡周屋爬~~~ 哈哈!!!
呆豬樣~~~ ^.^
好啦~~~開水比你玩下啦～～～
又有水泡又有波波呢～～～
ee同舅父仔都陪住佢玩水~~~
之後又比我地放佢用下個水泡~~~
開頭都玩得好好地嘅~~~
仲捉鴨仔添~~~
點知, 浮得濟, 飲左啖水~~~ 即刻好陰公咁喇~~~ 鍚番啦!!!
之後就唔多肯再玩水喇~~~ 公公都黎呵番喇~~~
dadi威做完野都黎左公公婆婆度喇~~~ 仔仔豬嘆支下午茶奶奶先!!!
之後同ee & 舅父仔玩得好happy呢~~~
夜晚, 我地食pizza~~~ 仔仔豬仲攞住罐凍冰冰coke玩左好耐~~~ 乜唔覺得好凍咖咩????
又有得自己攞意粉食~~~
都食得好叻呀~~~ ^.^
就係咁~~~~ 又過左個開心星期日喇~~~ mami搭車搭到好攰呀!!!所以馰晚一早sleep左, 無寫blog~~~ ^.^
今日係仔仔豬第一次上幼潛playgroup嘅大日子呢~~~
其實係仔仔豬第一次正式比錢上嘅playgroup, 唔係試堂或者free嘅playgroup呢~~~ 呢個playgroup好多mami都推介呢~~~ 又勁多人報~~~ 之前仲辛苦左幾位mami晨早去排隊先至可以有機會上到呢~~~ 再一次唔該晒呀~~~ ^.^
我地8個0707 bb組左一班!!! 有angs仔, 明德, hoho, 小瑜, 妹妹豬, 小吉同埋珏霖!!! 其實仲有tama仔, 可惜佢今次病左黎唔到, 希望你快d好番晒, 我地下星期見啦~~~
今日嘅lesson plan!!!!
首先要多多謝妹妹豬一家, 今朝一起身, 啱啱放工返黎嘅dadi威就話pigletcoco打黎, 話靚仔慈父黎車埋我地一齊去呀~~~~ 嘩!!! 真係唔該晒呀~~~ ^.^ (之後下晝又車埋我地去uncle tony度攞字咭同埋車左我地返home!!! 真係超級唔該呀~~~tamama, 你d咭係佢地車上面呢~~~ ^.^)
好喇~~~ 開始上堂喇!!! 我地去到時開始唱歌仔~~~
然後就第一個活動: 小熊遊花園!!! ^.^ 仔仔豬比ee遊手仔, 又比mami遊腳仔!!! 好痕呀~~~~ 哈哈!!!!
中埸休息~~~ 玩大波波~~~ 一班小朋友追住個大波好興奮呢~~~ 明德仔同珏霖搶波搶到兩個責住左呢~~~ ^.^
仲有angus嘅daddy, 出名嘅baby killer瞓身同佢地一齊玩呢~~~ ^.^
好喇~~~ 第二個活動: 練手力~~~ 見唔見到ee用個熊bear示範呢???
原來係咁, 用腳夾住, 只係用對手嘅力支撐身體!!! 小瑜最叻叻, 對手好直呢~~~ ^.^ 妹妹豬就好陰公咁喊住玩呢!!!
bb們撐住時, ee就張個波波碌黎碌去, 分散佢地注意力!!! 同埋訓練佢地條頸. 因為bb們真係會左右望住個波波!! ^.^ 睇下~~~ 個個bb都好專心咖~~~
第二次玩就由dadi威扶住仔仔~~~~ ^.^
第三個活動: 一手揸住2塊積木!!!
仔仔豬試左好多次先成功左一次咋~~~ ^.^ 要再練習多d先得呢~~~ ^.^
第四個活動: 放d波波係bb們左右邊, 要佢地試下擰個身去左右攞!!! 仔仔豬擰左一兩次就攬住兩個波波唔放喇~~~ 哈哈~~~仔呀!!! 你個pose....... 
玩下波波bb們又一齊玩下食下餅餅~~~
hoho仲表演佢嘅軍人爬行呢~~~ 真係超快呀~~~ 6月爬行比賽一定sure win呢~~~
呢個星期見左明德仔兩次呢~~~ 兩個開頭好似好friend咁, 點知... 發現暪德同小吉好close喎(有相為證)~ 兩個好兄弟爭d大打出手~~~ 哈哈!!! mami作嘅!!!
哎呀~~~~ 今日小吉同仔仔豬零交流添~~~
係咪因為小吉鐘意企同埋行而仔仔豬仲係爬, 兩個唔同左eye level呢??? 幣啦~~~ 會唔會真係同蝦爺私奔咖???
最後一個活動: 向後輕輕推跌小bb, 睇下佢地會唔會用手臂支撐身體!! 由100分開心小瑜示範~~~ 真係愈大愈可愛呢~~~
仔仔豬呢個活動時已經好攰好眼瞓喇~~~ 所以都做唔到!!! 下次再試過啦~~~ ^.^
最後, 返home睇相時見到~~~
咦~~~ 有兩個肚close up喎～～～ 哈哈!!! 比百厭仔dadi威影左你兩個第二任mam個肚呢!!!! ^.^
睇見你地個肚入面又有一個小生命, 真係好開心呢~~~ 雖然而家同頭一兩年會辛苦d, 不過好快就會捱過, 然後一家就好開心喇~~~ 恭喜恭喜~~~ ^.^ 兩個肚入面嘅小bb, 要乖乖地呀~~~ .
第一次playgroup就係咁好開心咁完左喇~~ 下星期再見~~~~
健康健康, 好番好番, 舒服舒服!!!!!!! 