攰得濟???

自從mami第一日去監考, 仔仔豬起身只係見到dadi唔見左mami之後, 佢而家每朝都好alert!!!

唉~~~ 好似驚我又會走佬咁, 朝早7點已經好醒瞓, 我地轉下身佢又醒, 拉番張被佢又醒...... 

已經成個幾禮拜咁鬼早7點幾起身喇~~~ 以前可以瞓到9點幾10點咖嘛.....如是者, mami去監考又一早一齊起身, mami唔洗監考又要咁早起身揍仔......

尋日dadi同mami都放假, 佢又係7點幾起身!!!

難得dadi威一齊, 我地又搵地方去下啦!!! 下晝過左海同uncle基&包包ee一齊去左水塘餵魚魚同玩船仔!!! 好happy呢~~~

夜晚就返左公公婆婆home同ee慶祝考完A -LEVEL!!! ^.^

突然間..... mami眼好花呀???? 有好多野閃閃下..... 又有d反胃.....婆婆話我梗係攰得濟啦..... 一係去返工, 一係揍仔, 一放假又周圍去玩.... 

可能呢幾日又整印咭嗰d file, 又監考, 分配時間分配得唔好啦!!!

即刻返左home, 揍左仔仔豬瞓就自己拿拿聲瞓喇!!! 之後仲好鬼頭痛添呀...

諗番好耐之前試過一次教教下書又係眼花好暈, 以為自己對眼有事, 即刻去左睇眼科醫生, 點知.... 佢問我: "你有無頭痛呀?

?"  原來呢d好可能係偏頭痛引起嘅.......

今朝起身好d喇~~~ !!都係好攰咁囉.. 因為仔仔豬尋晚又瞓得唔好!! 唉.....

原本下晝又約左ada ee同gloria咖, 不過明朝同後朝又要去監考, 今日都係休息下先喇!!!

下晝仔仔去左爺爺嫲嫲, mami抖下先喇~~~ 

有時間先upload番尋日去玩d相先~~~ ^.^ 好開心咖~~~ byebye