珏霖仔10個月大喇!!

點解咁快嘅??? 咁快就10個月大喇???

我個小bb已經變左個小朋友仔喇~~~ 日日都周圍爬, 周圍玩, 周圍研究!!! 真係無時停嘅呢~~~

揍住佢好攰好辛苦~~~ 但係又好開心好lumlum~~~ ^.^

而家mami自己同佢去街, 都已經唔可以揹住佢行好耐喇, 行得耐會覺得呼吸困難咁呢.....

而家我會揹住佢, 再揹住個袋, 再攞埋架bb車!! 仲要上落巴士同小巴! 哈哈!!! 真係做左superwoman咁呢!!! 以前攞少少野都覺得好重好辛苦咖嘛.... ^.^

仔仔豬呢個月最叻叻就係學識左爬, 仲爬得好快好叻叻, 又扶野起身, 又扶住野行, 仲爬上爺爺個台上面!!! 不過就未學識要落時要用patpat落先~~~

第二樣就係開始肯飲奶粉奶奶~~~ 而家每朝起身都飲一杯7安明治!!! 係咪打算戒mama milk? 又唔係一定嘅!!! 而家佢早晚都有食mama milk!!! 不過覺得就算唔夠, 佢肯飲奶粉都係好嘅!!! 當加d營養比佢囉~~~ ^.^ 

而另一樣都好叻叻嘅就係而家發現佢玩玩具好叻咁呢~~~ 自己會研究到點玩!!!! 呢兩日比幾位auntie發現同話我知仔仔豬d手指仔好靈活~~~ mami都好開心呢!!

例如: 佢識放個cube入去!!! ^.^

又研究左呢個玩具好耐~~~ ^.^

自己打開左~~~

不過未識match圖形!!! (呀? 有無blog友見到邊度有呢個野賣呀? 我都想買個呢!!! ^.^ )

不過, 咁有研究精神嘅小珏霖當然唔係only研究玩具!!! 櫃筒, 門, 風扇..... 乜都唔放過!!! 唉.....  

希望小珏霖繼續健健康康, 快快樂樂咁一邊玩, 一邊學, 一邊長大啦!!! ^.^ 繼續日日攬住dadi mami黎錫多d啦~~~ ^.^

reamarks:

1. 仍然得2隻牙仔!!! 仲未出晒咖~~~

2. 同埋而家好鐘意睇書同睇圖咭~~~ ^.^

3. 跟doman教學法學緊中文&數學半個月!!! ^.^

4. 至於瞓覺呢, 雖然都係要人暗佢瞓, or臨瞓多數飲住mama milk瞓!!! 不過而家好好瞓喇~~~ 多數9點幾冲涼, 然後飲mama milk, 呢排有時飲住都未瞓到著咁, 就係大床自己碌下玩下坐下企下(mami陪住), 然後瞓著!!! 放佢係床仔, 瞓到天光(5:45-6:30)醒左就會係床仔自己坐起身叫我地, 抱佢過大床飲mama milk再瞓過!! 之後就大約8點幾起身啦~~~ 同mami係大床飲下milk milk, 玩下先出廳正式起身!!!

mami好鐘意呢段起身同仔仔豬一齊玩同錫錫嘅時光咖~~~~