2008.11.25 遊大埔 part 1 - 同人唔同命

上星期見到好朋友同兩個囡囡去左科學園, 見到rainbow!!!

兩小妖第一次睇彩虹啊!!! 

個心諗: "嘩~~~ 好靚呀!!! 如果可以同仔仔一齊睇就好喇~~~ "

點知... 星期一晚, 接到電話, tamama約我地去科學園行吓喎!!! 嘩!!! 好開心呢~~~ 即刻應承兼期待呢~~~

彩虹彩虹, 如果我地可以見到你就好喇!!!!

結果, 我地去到..... 影左好多相呢.... 好多好多... part2先慢慢post...

但係... 個水池無噴水喎.... 應該見唔到彩虹喇!!! 仔.... 下次先啦... 預備走人之際... 

嘩嘩嘩!!!  見到喇~~~

珏霖即刻指住研究呢~~~

乜黎咖???

咪mami好想同你睇嘅彩虹囉~~~

mami~~~ rainbow呀!!!!! 快d過黎睇吓啦!!!

係喎~~~ 真係啊~~~ 睇吓睇唔睇到7隻色???

^.^ 雖然同人唔同命, 我地只係見到呢條咁細嘅~~~ hehe~~~ 不過我都好lumlum呢~~ 仔~~~ 算唔算係我地第一次睇彩虹呢???

多謝tamama一家邀請埋我地一齊去玩!!! 仲唔該晒tamapa你唔係拍八達通入閘, 我地先會hea左係個lobby度見到little rainbow呢~~~ ^.^

得閒再出多幾篇part 2,3,4先得~~~ 好多相呢~~~ ^.^

似成咁.... >.<~~

尋晚dadi放工我地去左食pizza~~~ ^.^

阿仔食完自己d飯飯, 又再食我地d pizza!!!

今晚睇番d相.... 乜係兩個真係咁似樣咖????

一齊食住望鏡頭~~~

然後下一張, 一齊向左反白眼!!! 哈哈~~~  mami日日夜夜揍住你都唔似番我少少~~~  衰豬!!!

飲檸水飲得好開心~~~

唔用飲管, 成杯飲~~~

好味道~~~

開心側頭傻樣~~~ ^.^ 

love u ~~~

2008.11.21 blog聚下半埸 - BBQ

嘩~~~ 眨吓眼又過左幾日喇~~~ 話咁快又星期五喇!!! 快d update埋上星期五嘅開心下半埸先~~~

係clubhouse happy完之後, 唔該晒mr.lee車左妮媽, dadi威同仔仔豬去左shopping bbq嘅野!!! 我地就送左糖糖一家上車, 然後慢慢行過去bbq埸!!! ^.^

去到時, 阿仔仲係車上面大覺瞓呢!! 我係停車場嗰邊睇住你地玩, 都不知幾想join埋, 哈哈~~~

出到黎啱啱見到3位男士成功起到火~~~ 天使爸爸剛剛行開左? 影唔到添~~~ ^.^

大家就開始燒燒燒喇~~~ ^.^ 妹妹仲有私家車添呢!!!

小珏霖是晚dinner係kewpie babyfood +糊!!! 再加半包麥精!!! ^.^ 坐係街邊度餵仔我都係第一次呢~~~

真係燒得好開心呢~~~ 成日覺得同埋小朋友bbq唔安全, 不過, 又唔係喎!!! 佢地個個都周圍行周圍玩, 不過唔會好近個火呢~~~

小珏霖呢日仲第一次食燒腸仔呢!!! 而且妮媽仲有一班朋友仔係隔離打緊邊爐(係呀!!! 室外hot pot呢~~~), 所以, 妮媽仲攞左d烏冬, 魚片..... 仔仔豬係咁食, 係咁食呢~~~ ^.^

之後仲有個特別節目, 就係....同李太補祝生日~~~ ^.^

唔見晒d爸爸嘅大合照~~~ ^.^

呢日有人問: "咦!! 妹妹又係11月20日生日喎!!! 到底個星座話呢日出世嘅人係點咖??"

有人答:" 係天蠍座, 好似話係大眼, 靚女, 身材好, 幸福..... 咁囉!! ^.^ "

hehe~~~ 兩位靚女~~ 補祝生日快樂喇!!!! 最緊要健康快樂呢!!!

嘩~~~ 仲有李生香吻一大個~~ 又有得切番個蛋糕, lum番晒啦!!!  happy birthday呀~~~

好鐘意呢張~~~ ^.^

天使媽呀~~你睇吓我地兩個仔... 睥到幾行... 哈哈~~~

2008.11.21 又blog聚 ^.^

上星期五, 我地一家人又出發去左卜聚呢~~~ ^.^

睇吓珏霖幾嘆~~~ 我地去左邊呢???

咪就係妮媽book呢個超級適合比小bb們一齊安全咁玩嘅cinema囉!!! ^.^

又要比靚靚妮媽肉緊吓先~~~

今次仲見到第一次見嘅aaliyah老表 - 立然仔呢!!! ^.^

幾個月無見妹妹喇~~~ 一歲囡喇!! 大個左好多呢, 已經可以拖惶一隻手仔企喇!!! ^.^ 上星期日出席唔到你個生日會真係唔好意思喇, 今日見到補番個birthday kiss先!!! hehe~~~ 

當日其實有成6個family係度~~~ 認唔認到妮媽抱住呢個咁cute嘅bb??? ^.^

有dadi威係度, 有好多好多合照~~~ ^.^ 

又見到天使仔一家呢~~~ 天使仔愈來愈叻仔呢!!! 天使媽, relax relax!! ^.^ tobia好乖乖呢!!!

今日嘅主角其實係佢地一家呢~~~ ^.^ 就係識左好耐嘅糖絲包!!!

好開心你地今次返hk特登call我地聚吓呢!!!

糖糖原來你係咁文靜咁斯文嘅呢, 同我一直睇你個blog嘅感覺好唔同呢!!! ^.^ 不過都係好似dora the explorer!!! hehe~~~

3個女孩子慢慢熟絡d, 一齊玩呢!!! 霆霆真係好家姐仔feel呢!! ^.^

男孩子就同男孩子玩~~~ 珏霖同立然有d火花呢!!! 

睇番d相先見到.... 你兩個, 唔係夾埋一齊蝦軍賢呀嘛???  >.<~~~

9個bb真係好熱鬧呢~~~ ^.^ 係呢個cinema裡面可以任佢地大家一齊鐘意點玩都得, 真係好正呢!!! thx呀妮媽!!! ^.^

下半場, 我地出左去clubhouse嘅playground!!! 立然仔走左喇, 剩番我地5個女人係咁傾傾傾!!! ^.^ 兩個未識行嘅bb就陪住我地!!

而其他小朋友仔就各自各精彩!!! 唔該晒dadi睇住阿仔, 我呢日傾得好輕鬆好開心呢~~~ ^.^

然後我地又去左clubhouse restaurant tea一tea!!!

小朋友都有份嘆吓餅餅~~~ ^.^

後來豬媽&細川都黎左呢~~~ 因為我地仲有夜埸節目呢!!! ^.^ 

糖包一家就要走先喇~~~ ^.^ 祝你地一家返加拿大開心平安, 下次有機會再見喇!!!

好豐富好開心好充實嘅一日呢, 仲有下半埸好節目得閒再update先!!! ^.^

PS: 加入相關blog友加左半個鐘頭... 睇左幾廿次invalid data structure先加到兩個咋... >.<~~~ 天使媽, 李太... 我下次先再加喇... >.....#$@^@&%

^.....

冬眠....

所有之前可以用黎睇blog寫blog嘅時間, 我都攞晒黎瞓覺....

阿仔每晚瞓左之後, 好想立即上床瞓...

阿仔倒塔咁早醒左, 我眼瞓到c, 而佢終於肯瞓晏覺之時, 我又立即爭取時間陪瞓....

而家唔抱佢瞓, 同佢一齊係床碌碌碌到瞓.... 多數都係我瞓著先....

原來... 一向我寫blog同執相嘅時間 = 阿仔瞓覺嘅時間!!! 而佢清醒之時, 我就陪住佢玩, 同佢出左街..... 都唔會放低到佢自己上到網......

呀!! 仲有.... 爺爺嫲嫲揍左佢一日or半日之時, 我以前可以寫到好多野, 執到好多相.... 而家.... 我又會即刻瞓覺叉電.... 多數仲瞓到4-5個鐘頭先自然醒.....

我諗... 我揍仔真係揍到好攰.... 真係好需要好需要瞓覺....

blog呀blog~~~ 我要瞓夠先再同你親密番喇!!!

cary今年要冬眠呀~~~ 一日一blog變左得閒有時間有電先寫lu~~~