諗計仔比仔仔試飲奶粉

仔仔豬一見到個奶樽就喊喇~~~ 而佢又已經識用飲管杯, 我地試過比萍果雪梨湯同竹庶水佢用杯飲, 佢可以一口氣飲到幾安!!! 咁即係好味道佢鐘意就ok啦~~~

於是, 我地試下用飲管杯開左d奶奶比佢!!! 而佢見到我地食野飲野會好想一齊食同飲, 所以, 呢餐最後一set"森永"奶奶(軒吽ma比左3餐我地試, 之前兩次都失敗左喇!), 我地冲好左帶埋仔仔落去食lunch時比佢試!!!

dadi威揹住, 係餐廳開始試喇~~~

啜左一啖~~~~ 嗒下先~~~

再啜多一啖~~~

唔多願吞咁喎~~~~ 漏左落下巴~~~

再比佢, 佢只係咬下支飲管~~~

之後再比佢, 就咁嘅衰樣喇~~~

都係玩玩具好過~~~ >.<~~~

就係咁, 又waste左4安"森永"喇~~~  

其實, 係咪可以唔迫佢飲奶粉, 照飲人奶同食粥仔糊仔就ok呢???

咁6個月大後, 人奶會唔會唔夠營養比佢呢???

係咁食夜奶係咪唔夠飽呢???  

好多呢d疑問, 有時人地問我我都唔知道??

結果就上網search啦~~~ 搵到呢個"寶貝花園"!!!! 安樂晒~~~~~ ^.^

原來好多人奶bb都係夜奶好密~~~ 個個都性格唔同, 有唔同needs!!! 係呢篇度: 見到多數夜奶奶媽都好習慣好輕鬆咁面對, 哈哈!!! 好佩服呢~~~ 仲有呢篇^.^

而且好多人都餵到佢地bb好大個都仲餵緊!!

呢個講得好似好啱聽呢 :

一歲後母奶是副食，以正常大人的食物為主
一歲半開始可以進行階段性斷奶，以溝通為主
兩歲的寶寶其實白天不需要喝奶了  

d人多數主張等bb自動斷奶, 唔由mami特登戒奶!!! 等我再搵下多d資料再share啦~~~

唔該有無blog友奶媽有經驗分享呀??? 恩恩b媽都好似仲餵緊??? 其實bb大個d之後係可以點嘅呢?? 

久違了的.....

尋日同仔仔豬兩個去左alva ee屋企玩左成日呢~~~

不過成日mami都覺得好攰, 呢排仔仔夜晚都係係咁食我, 所以瞓得唔好!!!

而又有d肚痛痛咁喎~~~ 仲諗緊食錯左d乜呢????

返到屋企先知道~~~~ 哎呀~~~ 原來係久違嘅M痛呢~~~~ 哈哈~~~

數下手指: 上次M到已經係2006年9月嘅事喇~~~~

生完仔仔, 做全職奶媽嘅我, 一路都無~~~~ 慳左好多巾巾$$呢~~~~ 哈哈~~~

又話生過仔M到唔痛嘅???? 肚痛到我傻~~~ 又廢事食止痛藥啦!!! 個人又攰到傻~~~ DADI威今晚仲去左返night添呀~~~ 希望仔仔豬今晚乖乖瞓啦~~~

休

dadi威有野做用電腦!!! 休blog一day!!!

2008.2.1 同斯文小野人去街街

真係唔好意思喇~~~ 哈哈~~~ 咁耐先update番我地2月1日嘅小小聚添~~~ hehe~~~

話說嗰日無乜野做, 就打電話問下同樣係fultime mama嘅野人得唔得閒行下街同見下小欣欣啦~~~ 佢地又ok喎!!

於是, 我地就約左去葵芳行下同lunch喇!!!

仲非常之有緣咁撞到另一個放lunch嘅blog友chili喎~~~

好彩 26/1gathering時見過面!!! 哈哈!! 所以即刻相認到!!!

於是就一齊lunch喇~~~

兩個bb未warm up咁喎~~~ ^.^

之後我地行左陣街街就上左屋企玩喇 ~~~

呢張仔仔豬同欣欣講緊野咖~~~ 哈哈~~~ 唔知道佢講左乜呢???

小野人欣欣好斯文咖~~~ 又成日笑~~~ 好乖乖咖~~~

仔仔豬去左小睡一陣時, 佢就自己係地盤玩奶咀玩左好耐喇~~~ 真係乖到呢~~~ 係咪囡囡真係乖d嘅呢??

瞓醒左又比佢地一齊瞓地盤~~~ 哈哈~~~ 小吉!!! 快d見你mami帶你見多d lumlum啦~~~

諗番起嗰日好鬼凍呢~~~ 兩隻糭咁~~~ 哈哈~~~

之後我地仲出左去行深水埗呢~~~ 見到呢個combi玩具勁吸引呢~~~ 7個玩法!!!! 哈哈~~~ 影比dadi威睇佢都無黎反應!!!! 我仲偷雞食左一大碗維記豬潤通呢~~~~ 之前d人話會收奶, 唔好食豬潤!!! 不過一次半次唔怕啦~~~ 哈哈~~~ 我而家都仲有大把milk milk~~~~

呢張係我地嗰晚返到屋企影咖~~~ 仔仔3個星期前同而家比, 好似唔同左樣,  大個左好多咁呢~~~

仔仔豬第一次係大浴缸出浴

哈哈~~~ 成日都想試下比仔仔豬係公公婆婆屋企個大浴缸出浴!!! 不過之前佢太細個!!!尋日見天氣暖左, 仔仔又好似有d身痕咁~~~~ 就決定試下喇~~~ ^.^

公公仲加左d古法止痕野比佢冲涼添~~~ 知唔知道係乜呢????

片糖是也~~~~ 好似煲糖水咁呀~~~~ 哈哈~~~ 不過我之後都試冲左一次, 唔會痴同唔會甜嘅??? 唔知有無用呢??

開始脫喇~~~ 現場有好多人圍觀咖~~~ 哈哈!!!! 仲有兩部camera影左佢好多相!!! hehe~~~~

ee仲比左隻發光鴨鴨陪佢冲添呀~~~ 仔仔不知幾鐘意~~~~ ^.^

睇下佢冲得幾lumlum~~~~~ ^.^

下次可以再多d水都得呢~~~~ 哈哈~~~~

2008.2.23 同婆婆&舅父仔預祝生日

尋日一早11點就同仔仔豬返左過海喇~~~  返去同婆婆&舅父仔預祝生日!!  仲有呢個ee都係2月生日咖~~~ 一齊慶祝!!!

好多人好熱鬧呢~~~ 呢d auntie係婆婆嘅中學同學仔呢咖!!! 全部睇住mami大!!! 哈哈!!! 而家就到睇住仔仔豬大喇~~~ 全部升一級做e婆喇~~~!!! 同我同輩嘅就升級做uncle喇~~~ ^.^

咁多人係度, 仔仔豬好興奮呢~~~ 玩到好high!!! 眼瞓到不得了都唔肯去瞓呢~~~

結果捱到5點幾, 終於食mama milk暈左喇!!! 係ee房陪住ee溫習瞓左一個hour!!! ee而家考緊mock喇~~~ 下個月就開始a level喇!!! 加油加油呀~~~

dadi威有d野要做, 5點幾先上黎!!! 一黎到, 比部相機我睇下~~~ 咦~~~~ 乜撞到呢個靚仔呀???? ^.^

跟住我地就切蛋糕喇~~~ 3位壽星!!! happy birthday!!! 大家都開心健康, 心想事成!!!!

大合照~~~~

加埋dadi威嘅我們一家~~~ (哎呀~~~ 仔仔豬sleep緊添!!)

醒喇~~~ 醒喇~~~ 外甥似唔似舅呀???

晚飯喇~~~ 好多野食呀~~~ 仲有2種salad!!! (爸b, 我都好鐘意薯仔沙律咖~~~ 下次我又要外賣~~~ hehe~~~)

臨起筷前大合照~~~ 仔仔豬嘆緊米餅呢~~~

食飽飽自拍一家3口先~~~ 仔仔真係識自拍望鏡頭呢~~~ 哈哈!

晚飯後, 又有一個auntie自製蛋糕呢~~~~ 又切一次!!! 哈哈!! 今次有仔仔豬份喇~~~

好開心好快就過左一日喇~~~ 仔仔豬仲係公公婆婆屋企出浴添呀!!! 等我開多篇blog先~~~ ^.^

哎呀~~

今日我同仔仔豬返左外家同婆婆&舅父仔慶祝生日~~~ 好多AUNTIE一齊玩!!!

仔仔豬都玩得好lum好開心, 仲興奮到唔肯瞓覺豬添~~~

希望今晚佢會瞓得好好~~~ ^.^

又影左好多相!!! 不過而家先過緊相!!!

哎呀~~~ 有好多野都未得閒寫呀~~~ 連新年之前同野人小yanyan一齊玩嗰d都未寫真係唔好意思呀!!!

仲有天真lin好心急嗰d又未得閒執喎~~~ 哈哈~~~ 再等下我啦~~~

我有時間就會努力update咖喇~~~

估唔到dadi威買左新相機之後...... 因為太多靚相, 所以反而令我寫一篇blog嘅時間長左, 又要揀相, merge相!!!

************

另外, 我諗好多blog友都好關心cary對於某件事嘅反應!!!

我一知道左嘅反應係:

(1)吓~~~ 咁都得??? 做乜事呀?

(2)睇真d就覺得有d唔lumlum, 個心有d唔舒服!!! 關我乜事??? 乜原來我可能比人係背後咁多野講我都唔知咁戇居??

(3)哈哈哈~~~  一笑置之~~~ 把口係人度, 我對是非無興趣!!! 寫blog係為左自己同仔仔豬嘅回憶!!! 唔鐘意嘅請唔好黎睇!!

我選擇"唔理, 唔回應, 唔參與"!!!

亦都祝福大家blog友都開開心心寫blog睇blog!!! 唔開心嘅就唔好上心, 唔好參與咁多!!! 等事件快d告一段落!!!

試下將心比己, 做個有口德嘅人啦!!!

做個欣賞人地多d, 少d批評嘅人啦!!!