為左阿仔瞓好d, 我地呢排都試左好多野呢!!!
(1)前排太凍, 我地終於買左部暖風機!!! 係葵涌廣場賣成$688!!! 但係我地係荃灣買$298咋!!!
(2)跟住又覺得好乾燥, 去小瑜屋企見到呢部細細部放濕機好似唔錯, 又係jusco用$318買左!!!
(3)仲有支"康漾"oil!!! 冲涼好似好潤咁!!又係小瑜ma介紹! $98!!!
(4)個個mami都話呢個枕頭好, 又用途229買左一個sinimax比仔仔豬瞓!!!
(5)見佢吽牙仔好辛苦咁, ada ee介紹呢隻teething gel, 又試下! $35!!!
洗左好多$$咁呢~~~ 而仔仔就依然係醒好幾次!!! 唉....
仍然係搵mama做奶咀再瞓番, 如果唔比佢or搵個奶咀比佢呢, 佢就會大喊到可能醒晒!! 如果即刻比佢食, 可以食幾啖就瞓番!!! 明顯地就唔係肚仔餓啦~~~ 搵安全感o卦!!!
呢個星期dadi威放假, 唔知我地夜晚可唔可以train下佢唔好咁呢???? 而我睇書同睇網上forum就好多人奶bb都係咁!!! 會自然戒左之後就一覺瞓天光!!! 話比多d安全感佢仲好喎!!!
我自己諗清楚就除左要打側身就住比奶奶佢瞓, 瞓到mami周身骨痛庚外, 都無乜大影響嘅!!! 唉~~~
我地而家係一開始11pm瞓就放佢係床仔, 佢呢幾晚就大約2am醒, 喊搵mama milk, 之後就跟住我地係大床瞓!!! 唔知道會唔會聞到mama係隔離又扭食多d呢??? 之後佢瞓到天光之前都會扭食幾次咖!!! 但係就食下瞓下都瞓到10am, 所以mama跟住佢瞓都夠瞓d喇~~~試下比佢痴住dadi瞓, 聞唔到mami奶奶味唔知道work唔work呢???
哈哈~~~ 真係乜都試一餐!! 希望仔仔豬快d可以瞓長d瞓好d啦~~~ 仔~~~ 瞓多d先長肉嘛~~~
************************************
ps: 好多mami問個美的飯煲仔呢~~~ 佢嘅型號係fd-16!!! 有個"嬰兒粥"function!!! 大約2個hour就煲好!!!
價錢最平係直銷中心, $278!!! 我就係實惠discount買: $288!!! 其他電器舖多數賣$339!!! 你地研究下啦!!! ^.^
個暖風機好岩呀~唔會凍親霖霖~
回覆刪除wow...大出血喎..
回覆刪除Cary收到你張咭了,好靚哦,多謝晒....你真sweet...
I can imagine your frustration. I had the option to keep Julian a different room and in his own bed. So he always slept in his own room since he was born. I hope you can find a solution to this la...
回覆刪除會唔會著得太多衫太熱呀? 我哩幾日淨係比亞女著一件底衫+一件冷衫+一件tee訓, com張被仔......佢好似訓得好d; 至少我半夜醒左見到佢仲訓得好lumlum (真係攞黎衰~ 亞女無嘈醒我...反而我自己醒~)
回覆刪除我女好早訓覺(8點前).....都係一晚醒兩三次...同我地訓都係咁...比支奶奶佢又會訓番....
回覆刪除唔知係咪柯尿醒呢...
一年多喇....我同阿女只係試過一兩次一覺訓天光咋....
Cary, 真係大出血呀~~~~不過為了仔仔都值得既......發濕機, 我地都有用ga, 因為adrian成日流鼻血, 放濕之後, 真係好咗好多. 不過你部發濕器有無放埋暖ga? 因為冬天放暖既濕會好d, 而且間房會暖d ga.....
回覆刪除小 b 都係用呢個枕頭0架, 唔錯呀, bb 大小小又可以加厚啲!
回覆刪除嘩~ 為阿仔買咁多嘢...仔仔一定有覺好瞓啦!
回覆刪除natalie 都係用lee 個枕頭架
回覆刪除之前himhim都有呢個成晚醒既問題，我阿媽教我煲開奶茶而佢的作用係清熱、(0)神定驚，所以我煲左俾himhim飲，飲左幾餐奶之後，唔知係咪心理作用，呢幾晚又好似係11點幾瞓到第2朝6點幾，瞓得好好，不如妳試煲d俾鈺霖試下
回覆刪除我睇d嬰兒雜誌話父母可以係bb1歲左右先考慮用枕頭wor
回覆刪除哈哈...真係買左好多野喎...不過係咁架啦....為左個仔咩都會買...
回覆刪除我地樂少都係用緊 Sinomax既枕頭仔架....好舒服好正呀呵....
嘩,為左阿仔,你地買左咁多野呀,都用得著嘅,係要咩都試下架啦,係呢可唔可以比仔仔豬試下啜手指公呀,我阿仔都係一瞓覺就搵公公架,就算半夜醒左都會搵公公食,好快瞓番架.(食公公好過食你丫嘛)
回覆刪除終於頂到dadi放假啦！總算守得雲開咯！
回覆刪除霖霖仔如果肯食奶咀就好d，行行都晚晚要奶咀先得。你肯做奶咀都係好，但係打開心口，你會好易凍親呢！
大出血呀,不過唔緊要啦,最緊要係對霖霖好呀~ 希望佢可以瞓得"林"d哇~
回覆刪除康漾沖涼液係咪for 皮膚乾用呢?
我阿仔d皮膚又係麻麻地@@同埋佢個頭仲有好多頭泥添!
係呢,你同霖霖用vendome洗頭有冇好d呀?
[版主回覆02/21/2008 00:14:00]好似係用而家呢隻oil好左d!!! 你又試下啦~~~ manning有得賣咖!!!
囝囝豬瞓唔 "林", 你真係想絞盡腦汁買咁多法寶, 希望遲 d 囝囝豬個情形會好 d 啦~~~
回覆刪除我個謙豬仔之前都係好似霖霖一樣,無論我和婆婆點做佢都係每晚醒幾次飲媽媽奶...最慘係每天反工都勁眼訓好似個活死人咁啊. ...但唔知點解佢今個月又無啦啦每晚只醒一次(3:AM)跟住就可以到早上7:00am了. ...
回覆刪除希望你都可以好快就哎過啦...
蝦仔一晚又係會醒幾次, 每次都係合埋眼摟, 只要我瞓喺旁邊, 又比佢啜mama奶, 佢就真係啜兩啖就會瞓番架啦, 如果唔比佢啜, 佢又係會喊醒, 所以如果放佢落床仔瞓, 不單放嗰刻難, 就連夜晚我都要起好多次身.........
回覆刪除所以自蝦仔4個月大時, 已經無咗瞓床仔啦, 晚晚同我地一齊瞓大床, 到5個幾月時連床都收埋添啦~~ 所以雖然每晚佢醒我又醒, 但我只係拉起件衫, 再攬一攬番好佢, 咁就可以瞓番..............
[版主回覆02/21/2008 00:13:00]哎呀~~~ 一模一樣呀~~~~~~ 不過醒咁多次都好唔夠瞓呢~~~ >.<~~~
蝦仔係咪又勁痴身呀????
好勁呀! Cary做咗格價專家呢!
回覆刪除Cary， 你愈來愈Pro噃．點夠你撈呀
回覆刪除希望奶媽同仔仔豬快D渡過呢個階段, 一家人大覺瞓天光喇~~
回覆刪除我哋都有買到你o個隻放濕機啊, $299 咋, 用咗真係好d喎, 囝囝臉仔無咁dry, 可能呢輪食咗藥,佢好瞓咗d 啦.
回覆刪除咁快買 sinomax既.....西田耐唔耐就好似有買一送一架 平d嘛
回覆刪除Dermaveen o係護協買最平呀
回覆刪除個煲好正呀,可以煲BB 粥 : )
回覆刪除個放濕器好勁呀!
我想問你個泵奶機係咩牌子，好唔好用？（我幫人找資料）
回覆刪除[版主回覆02/22/2008 23:16:00]MEDELA swing!!! 好好用~~~ ^.^
蝦仔痴我直頭痴到實咗添呀~~ 無ma不歡, 加上日日得我同蝦仔喺屋企, 真係去廁所都難架 , 雖然阿bu放工番嚟, 蝦仔會好開心, 但同阿bu玩咗陣之後, 佢就又要摟番我架啦~~ 所以真係想抖抖攞番d私人時間都難架.......
回覆刪除瞓覺方面, 雖然一晚醒幾次, 但已經練成拉高件衫之後, 下一秒又可以瞓番嘅絕技, 反而辛苦嘅係又要顧蝦仔又要顧阿bu, 搞到成日都瞓到周身骨痛, 好彩係full time ma唔駛番工, 所以到阿bu起身番工之後, 我就可以同蝦仔霸哂成張床, 所以每日我都同蝦仔瞓到11點12點先起身架............
cary我地之前都一直用暖風機,不過最近轉左用充油爐,真係幾好,成屋都暖晒又唔乾燥,可以考慮一下呀,暖風機而加就同囡囡沖白白時開住成個浴室都暖晒,我地為人父母真係咩都係為仔女出發呀,做左父母先真真正正明白亞媽既辛苦
回覆刪除