6個月大嘅仔仔豬開始試食好多唔同嘅野喇!! 做番個記錄先~~~
首先就係開始嘅南瓜蓉!!! 原來有兩種南瓜咖, 日本嗰隻無中國嗰種咁甜!!! 仔仔就兩樣都咁鐘意!!!
我地而家會溝落米糊度比佢食!!!1 ^.^!!! 唔知道呢張相到底係南瓜糊定紅蘿蔔糊呢?? 哈哈~~~
跟住我地又比左d菜糊比佢, 都係heinz!!! 我見佢食得幾好, 都無試其他糊仔牌子喇!!!
個個餵都食得好乖咖~~~ 仲會坐定定~~~
我地又試過節瓜同埋菜蓉溝糊仔!!! 仔仔樣樣都ok啦~~~
仲愈食愈大碗喇~~~ 由之前2-3湯匙糊仔開, 到而家已經5-6湯匙開喇!! 仔仔豬都係大大啖, 食個不停咖! 係咁呀大個口, 餵唔切比佢咁濟咖!!! 食完飲水仲會喊幾聲, 其實係咪仲未夠嘅呢??? 你地d bb一餐食幾多咖???
比較唔鐘意嘅就係蕃茄蓉喇~~~ 哈哈~~~
食得無咁開心咖~~~~
而食到佢好似反胃咁唔鐘意嘅就係............
白粥~~~~ 真係試左幾次都唔掂!!!!! 好彩係天使mama個blog度見到可以用肉湯or魚湯黎煲粥, 會好味好多, bb會肯食d!!! 嫲嫲話得閒就試下煲比仔仔豬喇~~~ ^.^
而生果呢, 就試過: 香蕉, 萍果, 火龍果, 士多啤梨同埋木瓜!!! 樣樣都食得好happy!!! ^.^
至於牙仔餅呢, 就好似唔多ok喎!!! 除左第一次攞passport嗰日食得好開心, 不過跌左!!! 之後, 試左幾次都食食下就大喊!!! 個樣似整親d牙肉, 痛痛咁喊呢~~~ 可能呢排吽牙仔, 牙肉痛啦~~~
咁就唔食住啦~~~ 遲d先再試啦~~~
蛋黃我打算7個月大就比少少佢試下喇~~~ ^.^
奶粉就仍然好抗拒!!! 唉~~~ 唔緊要啦~~~ 食住mama milk加其他野先啦~~~
仔呀仔~~~ 乖乖~~~ mami同dadi威好開心就見到你食野食得咁叻叻呢~~~ 乖乖呀~~~ 得閒upload個video比大家睇下佢食野食得幾猴擒啦~~~ haha~~~
霖霖食到津津有味喎~嘻
回覆刪除糊仔我係俾多過個罐個份量,因為阿仔要食,我由得佢咯.
回覆刪除不過好似唔好俾蕃茄,要8個月大先好.仲有,'妹'類都唔好住,我老公同事個仔個婆俾咗士多啤梨加奶,個bb肚痾呀.
[版主回覆02/02/2008 11:45:00]oh!! 係咩~~~ 哈哈~~~ 我都唔知添~~~
士多啤梨係之前食蛋糕比少少佢試only!! 咁我遲d先再比啦! thanks!!!
仲有呀~~ 你份交換禮物你我度, send比你好嗎?? 比個address我喎~~~ ^.^
仔仔豬都好擦得下喎!!!!!
回覆刪除[版主回覆02/02/2008 11:46:00]哈哈~~~ 尋日真人表演左你睇啦~~~
仔仔食得好happy呀~ 媽咪緊係整得好好味啦! 原來已經試過咁多種類, 食到lam lam脷喇!
回覆刪除都食得幾叻喎... 我仔好鍾意食純奶米糊，加左野落去就無咁鍾意啦！我阿仔一餐糊可以食到daddy 威手上o個隻碗一隻碗的份量...粥仔我地用瘦肉煲(唔食肉)，阿仔都食，但食得唔多...加過南瓜、甘荀、菠菜、蛋黃，都係麻麻地鍾意 有時食到一碗，有時只食幾啖就點都唔肯再食。
回覆刪除我睇書番茄同士多啤梨較易致敏，你一係遲d 先餵俾仔仔豬食啦，一係就連餵幾日，留意佢有無過敏反應！
[版主回覆02/02/2008 11:45:00]oh!! 係咩~~~ 哈哈~~~ 我都唔知添~~~ 士多啤梨係之前食蛋糕比少少佢試only!! 咁我遲d先再比啦! thanks!!!
霖霖幾擦得播, 咁大碗食晒仲想加, 咁大碗你要餵幾耐先食完ga? 有咁多正野食, 當然唔要奶粉同白粥啦 蕃茄, 橙, 奇異果, strawberry容易致敏, 遲d先試wor
回覆刪除[版主回覆02/02/2008 15:53:00]大約15 min啦~~~
其實係隻碗大, 因為5-6湯匙糊開出黎個細碗又太細, 所以用個大碗囉!!!
原來係易致敏.... 我仲掙d打算試下比kiwi佢添~~~
Lum Lum好擦得呀..呀女依家食到大半碗米糊咋...
回覆刪除好羨慕妳呀﹗仔仔豬咁鍾意食﹗娉娉細個咩都唔肯食﹐餐餐擺幾樣野響檯﹐仲係我自己親手整﹐啖啖都噴﹐噴到我由頭髮到腳趾﹑地氈﹑檯凳﹑牆……統統無一倖免﹐餵三個鐘頭至餵到兩﹑三安士﹐情況持續到一歲後至慢慢好轉﹔依家唔會揀飲擇食﹐但一個鐘頭先食到半碗仔既食物。軒軒雖然肯食﹐但食咩都嘔。所以妳話妳幾幸運﹗不過對仔女健康﹐我已經好滿足﹗
回覆刪除我煮鹹既野除左會落湯﹐有時會加芝士代替﹐例如西蘭花加芝士攪爛﹐或者免治牛肉加芝士都得﹐食物夠熱既話﹐一片片D卡夫芝士好方便﹗煮甜既野會落100%維他命C果汁(有D果汁好少維他命C﹐最好無防腐劑﹐要擺雪櫃果種)﹐例如妳下次煮番茄可以試下加D果汁﹐甜甜酸酸咁。食物太稀我會加 cheerios 落攪拌機一齊攪爛﹐杰D容易餵﹐又多D營養。淨係滑豆腐唔食﹐我加左香蕉蓉就食﹐香D好味D。食綠色既菜唔好食奶/芝士﹐醫生話草酸鈣吸收唔到﹐食左等於無。蛋黃好刺激﹐越遲越好﹐我仔女一歲前試親都嘔﹐一歲後會好D﹐第一次最好試少少。一歲前唔好俾 citrus ﹐例如橙汁。
頭先打好一次﹐仲長D﹐但成篇野無左﹐要再打過﹐其實唔記得剛剛打過D咩﹐都係唸到果句講果句。
[版主回覆02/02/2008 15:51:00]唔該晒呀~~ 辛苦你喇~~~ 打完又打~~ yahoo耐唔耐就short.... 唉~~~
我最初轉食固體食物時就俾純米糊芯諭bb食，但係而家已經沒有了，因為改了食粥仔，有時魚粥，有時就食瘦肉粥，不過整瘦肉粥會辛苦d，因為要將d肉打到好爛先可以俾bb。至於蔬果，我都有俾蘋果、香蕉同南瓜bb食。
回覆刪除Hi Cary,
回覆刪除I have posted some 0707 gathering photos in my blog. Pls check it out.
澤澤豬都係啱啱開始食固體物無耐,但係我好懶,無你咁好心機,我無煲過粥仔,無煲過菜蓉果蓉...,我淨係開罐頭baby food 過佢食吓,一日一罐,每罐大概100g,今日食咗薯仔 南瓜加牛肉
回覆刪除好叻叻呀, lumlum都試左好多野食喇喎~~
回覆刪除小吉食野, 我會由得佢食幾多, 佢食到唔食就會想作嘔咁, 我就會停架喇~
珏霖仔食得好好喎! 條大笨象口水肩好得意呢!
回覆刪除