2009.10.24 lumlum豬今年第一次幼稚園面試!!!
之前嗰日有黃色鼻涕同咳咳, 怕佢好唔舒服, 睇左次醫生!!!
醫生話去面試前都食半份藥啦, 廢事佢真係好咳就唔好啦~~~
食完藥嘅lumlum豬, 呆ing~~~ 陰公~~~
去到又一城~~~ 有少少笑容咁啦~~~
坐低睇吓食乜好先~~~
小吉吉一家到喇~~~ ^.^
我地報完名, 發現佢地兩個小朋友interview時間一樣, 我諗係同佢兩個只係相差3日出世有關~~~
突然要著smart casual, 對我呢d揍仔揍左幾年嘅師奶仔黎講, 都幾惆悵!!!
仲要生完兩個, 又餵mama奶, 無得keep fit住, d衫褲仲著得到都偷笑lu!!!
又唔想買過, 所以, 係著左西裝褸~~~ 著唔落d窄恤衫!!! 哈哈!!! 
兩隻小朋友, 食飽就落地行行行~~~ ^.^
有dadi威幫佢地影影影~~~ ^.^
呢張黑左, 但係mami幾鐘意呢~~~ 幾好feel喎~~~ ^.^
偷雞著緊拖鞋嘅mami~~~ 哈哈!!! 好樣衰, 不過舒服緊要d!!! =p
仲有d時間, 去左玩具反嘔城行左陣~~~ ^.^
去到幼稚園, 兩個mami填問卷, 聽校長講野好!!!
校長好好心機, 講左好多節學校介紹!!! 我覺得佢好知道自己做緊乜, 學校定位係邊, 教學理念又清晰!!! ^.^
教左幾年書, 真係好怕d唔知自己講乜同想點嘅校長!!! ^.^ 呢個校長比我嘅感覺幾好!!!
而且我自己就好鐘意佢小班教學, 唔會多過20人, 而我見佢d老師都好nice, 好有愛心咁!!! ^.^
我真係好希望好希望lumlum可以係好愉快咁學習呢!!! 呢幾年對返學嘅感覺同學習嘅態度好重要!!! ^.^
而家返左兩個月學, 佢日日自己起身就飲奶換衫衫, 然後由dadi or我揍, 大家邊行邊傾去返學!!!
去到學校門口自己開開心心咁bye bye我地行入去!!
日日放學問佢今日開唔開心呀?? 佢都話好開心~~~
口頭嬋係: "返學好好玩!!! ^.^"
真係好感恩佢入左呢間nursery~~~
可以比lumlum豬做到自己真係好好!!! 有d小朋友可能返學會好乖, 係屋企完全唔同樣!!! 可能係老師要求佢地坐定定留心聽書!!! 但係其實放左學係屋企個小朋友係好活潑嘅!!!
但係lumlum豬呢, 就係返到學校都係同係屋企對住我都差不多咁, 有時會扭吓嗲吓老師, 有時又有d百厭野, 會同老師合作係因為鐘意老師, 乖比老師睇!!! ^.^ 我覺得佢返到學校都好有安全感!!! ^.^
好希望就算想搵到間課程連接上d比較好嘅小學都跟得上嘅幼稚園, 但又可以比佢繼續咁愉快咁返學!!! ^.^
整體黎講, mami都好鐘意呢間!!!
雖然佢唔係呢區最最最top嗰d學校, 但係我覺得佢老師好, 開心學習, 課程又ok, 中英數都平均, 日日有英文外籍老師, 放學又可以有得上普通話班, 學費又ok!!! 最最最緊要係開心學習, 小班教學嘅環境~~~ ^.^
睇吓呢兩個星期有無消息先~~~ ^.^
我地聽完校長講野, 出去見到兩隻玩到成身濕晒嘅小朋友~~~ ^.^
佢地玩得好盡興呢~~~ ^.^
差不多到佢地入去interview前, 坐定定睇陣書冷靜吓先~~~
兩個對學校d halloween佈置好有興趣~~~ 一d都唔驚, 一人一隻老鼠!!! ^.^
叫名喇~~~ 加油呀!!! 小吉~~~
我地3個自拍吓先~~~ ^.^
到叫我地喇~~~ 又係嗰間房添~~~
都有d擔心佢地兩個會分心呢~~~ 不過無計啦!!!
入到去, lumlum豬好似無叫老師, 老師問佢叫乜名: 佢答得勁細聲!!!
其實頭半個interview都好細聲...... 老師話佢玩到濕晒呀?? 我話係呀!!! 玩到個人無晒電, 聲都無埋~~~ 哈哈!!
老師一d都唔嚴肅, 好似同佢傾吓計, 玩吓咁, 玩畢波仔, 問生果名, 叫佢比唔同生果dadi mami等, 都係一d比較簡單嘅野~~~
問佢邊個同佢黎啦~~~ 等等~~~
之後問mami, 點知佢地間學校, 我話有朋友仔女係度讀, 好推介~~~
佢問邊個家長呀??? 嘩~~~ 乜真係會問得咁仔細?? 好彩真係有人介紹, 一講個名, 老師仲好熟添, 希望有分加!!! hehe~~~
又問邊個揍lumlum, 我話自己揍~~~ ^.^ 等等~~~
大家好似好relax傾吓計咁, 唔知老師們係對個個都咁nice, 定係因為我地係呢日闣last兩個小朋友, 就收工好relax呢??
之後, 一上mtr, lumlum豬就暈左lu!!!
辛苦dadi抱住佢係茶餐廳瞓左個幾鐘, 因為之後要同佢上playgrou呢~~~
我就返去揍妹妹先喇~~~ ^.^
希望, 有好消息啦~~~ ^.^
