2008.9.27 同mami大學同學玩^.^

2008年9月27日上星期六, 我地一家人出發去左柴灣, 因為約左mami大學同學仔聚吓呢!!!

首先一齊去飲茶^.^ , 仔仔豬食左好多野呢!!!

呢個係仔仔豬二號契媽, 呢一年成日周圍飛, 好少見面呢!! 我地跟住要見多d先得喇~~~ ^.^

食飽飽之後, 我地去左clubhouse玩!!! ^.^

個playground好大呢!!! 仔仔豬玩得好開心呀!!! 

最開心係我地咁多個大人都可以爬晒入去一齊玩!!! ^.^

仔仔豬又好跟mami d朋友仔喎!!! 跟住佢地爬黎爬去!!!!

呢條格仔網橋開頭仔來都有d驚驚地, dadi同佢騎牛牛過左一次, 佢就夠膽自己爬同行過去喇!!! ^.^

大家爬黎爬去玩得好開心!!!

係出面睇入去, 我地好似d金毛鼠咁周圍爬, 好好笑呢!!!

^.^

uncle tea做左安全隊長, 陪住同睇住珏霖玩!!! ^.^

playground仲有其他小朋友同仔仔豬一齊玩呢!!! ^.^

playroom仲有d大lego比小朋友砌呢!!!

又有呢條魚魚, 不過仔仔豬係咁樣用個patpat坐埋去, 唔係騎上去玩呢!!! ^.^

契媽都影左好多相相呢!!! ^.^

哈哈~~~ dadi威自拍哈哈鏡!!! 老公, i love u!!!

之後, 我地上左契媽屋企!!! 仔仔豬彈琴琴!!!

契媽教你啦!!! ^.^

跟住又有個小朋友攞左uncle chuck個銀包, 我地幾個都伸手問佢攞d coins, 佢剩係比mami咖咋!!! 哈哈!!!

之後, 又比左個錢箱佢玩入coins!!! ^.^好多外幣呢!!!

uncle大魔頭都上左黎呢!!! 我地個final year project group又齊人喇!!! ^.^ 

最後, 大家打wii!!! 仔仔豬玩左成日好攰喇!!! 結果同mami坐左係sofa, 瞓著左lu!!! ^.^

同佢地傾計, 發現mami呢兩年無做野搵$$, 但係因為咁而無乜投資, 無乜得蝕錢, 哈哈!! 仲有左個寶貝仔呢!!! ^.^

而同佢地傾完計, 諗深一層, 發現自己真係可能做左"井底之蛙", 困左自己係屋企, 係網上嘅世界???

呢個世界其實好大好美好, 我自己其實好幸福好快樂!! 老公, 我明白咖喇!!! 再一次release & let go!! 希望個lesson快d畢業快d完成!!!

之後下半埸, 我地又約左朋友仔食dinner!!! tomorrow再update先!!! ^.^

太過份.....

前幾日某d blogger嘅blog比人洗板, 竟然又要屈係我同我朋友做嘅??

我地會做d咁嘅野??? 唔好傻啦!!! 有乜證據呀??? 點可以咁樣將d野亂咁up咖??? 雖然其實你地一直都係鐘意點講就點講.... 我地亦一早選擇左唔同你地嘈, 唔理你地.....

不過今次我真係唔想再硬食你地死貓.... 我地唔會講d咁無口德嘅說話!! 連你地d咁過份嘅大人我地都唔會去鬧去人身攻擊啦,  何況你地嘅小朋友!!!

我相信每個人要為自己所講所做嘅野負責任, 同埋相由心生, 惡有惡報, 點可能會做呢d咁嘅野呢??? 

多謝好多好朋友想開口幫我同你地理論, 甚至於鬧過嘈過, 我都係話算啦!!! 我地講一句, 你地又會炒大十倍, 將d野扭曲倒轉, 件事仲煩仲複雜!!! 

其實點解你地咁鐘意做show比人睇呢??? 你地一大班人又有乜未傾晒未講晒呢?? 成日要係blog打到一唱一和咁, 何必咁樣做人呢?? 唔好比d怨恨支配住你嘅生活啦!!!

真係呢.... 有理說不清..... 我真係唔想再理呢件事喇!!

各位好朋友, 如果你真係錫我為我好, 都唔好再同我講有關佢地嘅任何野喇!!  佢地又寫左d乜, 又鬧左d乜,  我真係唔想知, 唔想睇, 唔想理!!! 我唔想再為呢件事煩躁唔開心, 更加唔想影響到仔仔豬呢!!!

bless everyone with love n forgiveness..... 國慶日快樂!!! ^.^

ps: 今日打左一大篇回覆比話我老公嘅舊朋友, 點知好快就比人delete左喇!!  不過我有copy, 我比番部份你睇啦!!!

"其實件事都過左去好耐啦, 5月上你屋企原來得罪左你, 你又唔講, 有乜咪兜口兜面鬧囉!!! 你仲表現得咁friendly真係好難明白你個心諗乜...

我話你個地下濕左再舖d膠墊上去, 因住行上去會冼親你自己, 因為ada ee當時啱啱就係咁整親腰骨, 我先醒起提吓你, 你又扭曲到我要比個仔落地, 要你抺乾塊地咁可憐? 仲有咁多咁多指責... 你想我慢慢同你講番??? 到底你係比怨恨蒙閉左, 記錯左d野, 定係你真係有心要扭曲誇大屈人???

仲有你講到比人強暴咁攞左咁慘嘅呢兩隻膠公仔....

我做乜要貪你搶你呢??? 我係有話好得意喎, 咁多動物, 我個仔剩係玩鴨仔!!! 你話還掂有double比珏霖啦??

唉... 不如我而家寄番比你啦, 等你燒左佢掉左佢都好, 唔好再咁怨恨啦!!

唔好再鬧黎鬧去啦!!! 死好多細胞咖..... 雖然睇落你地好enjoy好享受..... 或者呢d真係你地嘅生活模式, 而網上世界的確好多唔同嘅人, 希望唔好再有人洗你地blog話你地, 祝你地開開心心, 放開唔好成日沈迷左係d是是非非之中..... bless you..... "

2008.9.26 同好朋友仔見面 ^.^

上星期五, dadi返完night係屋企瞓覺覺, 我同小珏霖兩個去左探就快生妹妹嘅linda ee & 明德仔呢!!! ^.^

自從上次music playgroup之後, 珏霖同明德就無見過面喇!!! ^.^

咁耐無見, 佢兩個都係咁friend呢~~~ hehe~~~ 玩到瞓晒地呢!!!

又會攬攬!!! ^.^

珏霖話: "明德呀!!! 一齊玩呢個dup波波啦!!! 我唔識玩呀!!  "

明德: "好呀!!! 我教你啦!!! 嗱!! 先放好個波波係呢度.... "

明德: "再用個鎚仔dup落去!!! 我用個電話示範比你睇喇!!"

珏霖: "係咪咁呀??" (已經dup左喇~~~ 哈哈!!!)

跟住, 兩個傻豬仔又一齊睇書書!!! 係上次半歲gathering明德抽到嘅mother goose書+dvd呢!!! 好好睇呢!!!

linda ee仲教佢地兩個一邊彈琴一邊唱歌仔呢!!! ^.^

明德彈完又到珏霖試吓~~~ ^.^

明德就走左去玩電話!!! ^.^

喂喂??? ^.^

嘩!!! 跟住linda ee開左個叮噹tent比佢地玩波波呢!!! 睇吓明德幾期待~~~

yeah~~~ 有波波玩喇~~~

仔仔豬呢? 佢唔入去喎~~~

明德仔側晒頭, 好得意呢!!! ^.^ 係咪好奇怪珏霖唔入黎呀???

珏霖只係爬左個上半身入去同明德一齊玩!!!

兩個小朋友自己玩得好開心呢~~~ 仲會用bb話溝通呢!!!

我地兩個mami睇住佢地玩, 真係覺得好得意!!!

玩玩吓波波, 明德仲玩腳趾仔比珏霖睇呢!!! ^.^

跟住仲好肉緊咁攬左珏霖入去錫~~~ 哈哈!!! dadi話大個d就唔好喇!!! 而家咁細個無所謂啦~~~

明德仔仲好叻咁爬番出黎, 行去個帳幕後面同珏霖玩peekaboo呢!! ^.^

珏霖見明德出左黎, 終於都爬左入去喇~~~ 跟住明德又爬埋入去!! 哈哈!!! 阿仔個樣咁衰?? 唔知道係咪覺得呢個tent只可以容納一個人呢??

睇吓呢個video先~~~ 佢地真係輪流入去玩呢!!! ^.^

 

一齊玩腳腳!!! ^.^

再一齊玩波波~~~

跟住, 哈哈~~ mami都爬左入去... 阿仔即刻走佬呀!!!! 好迫呀!! linda ee~~~~ 救命呀!!!

最後, 仲玩peekaboo添呢!!! ^.^

peekaboo video:

開餐時間!! 呢日阿仔兩餐都係linda ee度食呢~~~ thanks呀!!! ^.^ 跟住dadi都黎左見吓linda ee, 然後我地去左沙田dinner!!! 打攪晒喇!!! ^.^

ps: 明德夜晚開始有少少慶慶地, 原來佢呢晚發燒呢.... 之後見linda ee個post真係嚇c我呀!!! 幾驚係我地兩母子帶左d菌上你地home呀... 好彩明德仔只係有d燒, 無其他病徵, 醫生話可能係打完針反應or出牙仔??? 希望快d叻叻仔好番晒啦~~~ ^.^ 

pps: 最後post埋呢兩張好溫馨嘅相先~~~ ^.^

linda ee一個攬兩個!!! 明德好錫妹妹呢!!!

妹妹呀~~~ 你乖乖地呀!!! 係最好嘅時間好順利好叻叻咁出世呀!!! ^.^ 

linda ee, 下次黎探你地同妹妹呀!!! ^.^ take care!!!