每一日, 我們一家都好充實!!! ^.^
mami我就仍然係一個full time mami, 不過多左份都做左兩年嘅生意仔part time ^.^
好似今日咁, 就係一早揍左妹妹出去行吓街食吓野, 然後帶埋佢返公司, 下午哥哥放左學想見我, 就同姐姐兩個一齊黎埋公司, 齊齊玩到夜晚!!! ^.^
mami就做野做到一半, 陪完佢地, 一齊dinner完, dadi同姐姐帶佢地返屋企bath & sleep, 我就係公司做埋野先返屋企!!! ^.^
有自己嘅事業又可以揍到佢兩個, 雖然做野時送效率低d, 但係都好開心好感恩~~~ ^.^
而仔仔豬都唔係今日開學, 佢係8月24日已經開左學喇~~~ 已經係k2嘅大個仔喇
個暑假係由7月1日開始放~~~
開頭諗, 點算好呢, 放咁耐....... 點知.... 好快又放完暑假咁.....
我地呢個暑假, 同佢兩個寶貝豬玩左好多好多野~~~
7月頭去左長隆同佢地慶祝生日, 今年無開生日會, 一家4口去動物園玩玩玩!!!
然後, 去左好多好多次游水同埋去沙灘, 去左幾次disneyland!
又好多謝朋友仔有免費tickets, 叫埋我地一家去睇左兩個musical,
又一家4口一齊睇左"藍精靈"~~~
仔仔豬就參加左YMCA一個綜合暑期班, 玩左好多遊戲同埋玩左攀石等歷奇遊戲!!! 學識左玩"紅綠燈"同'狐狸先生'等MAMI年代嘅好玩遊戲!!! ^.^
到8月時又同埋兩個姑婆去左 深圳灣動物園!!! 呵呵!!! 今個暑假首尾都係玩動物園!!! ^.^
妹妹而家2歲喇~~~ 哥哥間NURSERY唔收佢(因我地k1轉左校=p)..... MAMI又無報其他...
所以, 妹妹2歲無書讀 =P
去吓唔同嘅PLAYGROUP玩吓就算喇~~~
佢嘅發展都唔錯, 可能真係第二個, 乜都有得跟!!!
所以講好多好多野, 而大小肌肉都發展得唔錯!!! ^.^
最緊要健健康康, 快快樂樂!!! ^.^
兩個小朋友有時好相親相愛, 有時就打交喊到傻~~~ 相信, 好多好多兄弟姐妹都係咁!
dadi係獨仔, mami嘅細佬妹就相差十年以上, 所以, 我地小時候都無同兄弟姐妹相處嘅經驗, 只係睇書, 同埋盡力陪伴你兩個成長!!!
希望, 仔仔豬學識用說話教妹妹, 唔好吓吓都好忟憎好嬲, 手腳快過把口!!! =p
希望, 妹妹再大少少, 開始識同哥哥玩角色扮演遊戲, 唔洗哥哥成日捉住我 !!! =p
呢排, 爺爺身體唔係太好, 兩隻小寶貝好少到爺爺嫲嫲家玩喇, 最多都係飲個短茶, 食個晚飯!!! 希望爺爺快d好番, 舒服舒服!!! 兩隻小寶貝係真係掛住爺爺嫲嫲咖!!!
有時我要返工, 下晝請姑婆黎屋企睇住妹妹, 姐姐就陪住哥哥!!! 有幾次一知道呢個安排, 珏霖就問, 我可唔可以同妹妹去爺爺屋企玩呀??? 好耐無去過爺爺嫲嫲度喇!!
妹妹就好多次同我去葵芳, 落巴士就問我, 係咪搵爺爺呀??? 以為我地又約左飲茶 =p
希望爺爺嫲嫲你地快d好番晒啦~~ 兩個乖孫好掛住你地呀!! ^.^
呵呵, 打左好多好多字!!! 先發現自己仲未upload相添~~~ =p
好~~~ 揀相先~~~
希望, 快d快d再寫多d blog先~~~~
ps:到底up 唔update去新version好呀?????
2011. summer. pics
