第一個朋友仔

今日有時間整理下d相, 發現我地已經同阿仔影左成差不多成2000張相喇~~~

post番d出院前影嘅相先~~~

呢個係仔仔嘅第一個朋友仔~~~ 我地住同一間QE二等房!! 佢mami仲教左我好多野咖~~~

呢個靚bb大過仔仔豬4日咖~~ 又係0707 BB~~ 第時有gathering可以約埋一齊呢~~~

而呢個姑娘就係我穿左水, 開左2度幾, 痛到就快發顛時, 推我落產房嘅姑娘喇~~~

有人話我地有d似樣呀~~~ 似唔似呀???

係咪一齊戴眼鏡似d???

 

仔仔豬呢幾晚好瞓d喇~~~不過係跟住我地瞓大床先可以瞓到幾個鐘頭~~~ 終於明白點解好多人奶mami都話同bb同床瞓~~~ 因為瞓係度餵mama milk, 然後一齊瞓!!! 唔係再移動下佢又醒晒就大家都唔洗瞓~~~!!!

一直以黎超級鐘意瞓, 而且一瞓就乜都聽唔到嘅我~~~做左阿媽之後, 就成個變晒喇~~~!!! 仔仔一發出少少聲就會醒.....而且又唔會瞓得好"林"~~~ 相信個個mami都會係咁~~~ 所以, 我相信仔仔而家跟我地瞓大床都好安全嘅!!! 不過, 大個少少就要train番佢, 搬番佢去瞓床仔喇~~~ 有無mami有經驗呀???

天生有條尾^^

哈哈~~~ 我個仔仔豬天生就有條老鼠尾仔~~~

好似人地特登留咁咖~~~~ 好攪笑~~~~ ~~~

而D頭髮又好似長左好多咁, 開始係頭頂棟起喇~~~ 就快變洋蔥頭喇~~~

PS: 我今日返QE檢查傷口, 原來係我D皮膚溶線溶得唔好 , 所以痛左咁耐~~~!! 而家拆左線好番好多喇~~~ 多謝各位關心~~~

胎麻？

哎呀～～～　仔仔豬塊面仔生左好多粒粒呀～～～～

不過唔怕嘅～～～　老人家話呢Ｄ係”胎麻”！！　即係胎毒胎熱～～～

生完就會退番，　唔洗擔心嘅～～～

希望８月４日星期六，擺滿月酒嘅時候我地靚仔番啦～～～　

仲痛緊*.*

點解個傷口仲痛咖???

各位mami, 你地個傷口幾時先好番晒咖???

古法去肚風

仔仔豬個肚仔都仍然係咕嚕咕嚕, 不過都好似好左dd喇~~~!!

真係好想怇快d舒服晒, 可以瞓好d!!!

既然醫生都話無辦法咖喇~~~, 等bb大d就會好d咖喇~~~

我地又唔會亂比藥水bb食, 咁就試下d唔洗食落肚嘅安全古法啦~~~

古法一

我諗大家都有聽過用雞蛋包隻銀戒指, 同bb luk 下個肚仔, 可以吸左d肚風出黎~~~~~~

於是嫲嫲今日就買左一隻銀戒指比仔仔喇~~~ thanks~~~

luk肚仔前:

luk肚仔後:

嘩~~~~~~ 真係變左藍色呢~~~ 希望佢真係成功吸左仔仔豬d肚風出黎啦~~~~

(test：　聽日我打算試下放入熱雞蛋一陣, 唔luk肚仔, 攞番出黎, 睇下佢變唔變色先) 

古法二

芙蓉去肚風, 太嫲嫲教嘅~~~ 整碎芙蓉, 搵d熱飯mix埋, 包好, 放係bb肚臍位置吸風~~~

3姑婆前兩日係街市花店買到, 個老板娘教話炒炒佢就可以包好, 唔洗用飯喎~~~ 我地試完, 覺得好快凍晒, 唔多work, 下次都係跟太嫲嫲講, 用白飯keep住個溫度先~~~