係咪好多baby都會咁咖???
日頭瞓得好"林"~~~ 拍都唔醒~~~
夜晚就一放落床就喊?? 要抱住先瞓到?? 
咁mami咪好攰??? 好無得瞓??? 
我知道bb未有日夜concept, 不過, 真係好攰呢~~~
係咪10日大嘅bb開始識得扭抱抱???
好多人話日頭唔好比佢sleep咁多..... 不過, 佢想瞓唔通唔比佢瞓???
今日下晝我mami ba b地黎左探我地, 就見到個衰豬一放落床就喊喇~~~明明瞓著左咖..... 
不過, 因為下晝好多人係屋企, 仔仔豬今日日頭真係瞓少左, 希望佢今晚會好瞓d啦~~~
你有無試下日頭推佢出廳呀?我朋友話日頭推佢出廳或者瞓喺搖椅度，佢會快D分到日夜架~
回覆刪除我個b都係咁啊, 今日連續瞓咗好幾個鐘啦, 唉!唔知今晚又要起幾多次身呢, 我都知日頭唔應該比佢瞓咁多,但係佢真係叫唔醒喎, 希望我地都快d tune 好bb o既作息時間啦
回覆刪除我個Ryan B初出世都係咁架,每晚零晨兩点開始就唔肯瞓直至早上,當然要Papa抱住至肯瞓,不過真係好辛苦,但我相信每個bb都係咁,過咗頭兩個月就ok架啦,放心wow
回覆刪除記得掙取時問BB瞓你就瞓喇,隔多半個月你就自自然然摸得熟嫁喇,新手係辛苦d嫁喇,你比d心機啦,同BB改時間每四個鐘先餵一次奶你會好D嫁
回覆刪除Cary,因初生BB比較多肚風,只要過了頭2個月後你便可以有得瞓！你可睇番子謙頭2 個月時的Blog!加油！
回覆刪除庭庭小姐由細到大訓覺0既時間都唔係太長, 所以0個陣我都好慘架!! 不過實實呢個只係一個階段黎0既0者, 你只要俾多d信心自己同俾佢一個"你一定要訓床仔" 0既概念佢, 佢好快就會習慣架啦~~ 而家d bb都好聰明架, 細細粒就知俾人抱好舒服, 所以一定會扭抱~~ 我以前0既做法係: 抱佢一邊聽音樂一邊跳舞 (佢淨係聽kelly chan) , 跳下跳下跳入房, 再放佢0係床 我見以前d人會整個米袋俾d bb~~ 用唔係好多米入落個袋度, bb訓落床0既時候就將個米袋放係佢條腰上面, 咁d米就會流向佢兩邊腰, 好似有人抱住佢咁, 聽講d bb會好訓d架~~ 加油加油!!
回覆刪除彤彤寶出世頭一個week,我都係晚晚訓得個幾兩個鐘,真係好累 不過而家大左小小就已經好好多,唔洗擔心,+油呀
回覆刪除In the beginning, indeed they don't know day and night yet. However, I was lucky in some ways. Julian cried mainly during the day, and would sleep thru the night. Hm... I don't believe that babies know how to get spoilt yet. Only when they are some 5 months old (research proven) that they know the cause and effect idea. I did hold Julian a lot when he was as little as your son. I held him on top of me in my bed and he would sleep fine. He needed to feel being held in the beginning. The only thing is of coz you need to know for sure you don't move to drop him or suffocate him. I had a wound at that time, so I couldn't move anyway. But yes, maybe you should wake him up more often during the day to feed him. It's also possible that when he doesn't get enough feeding that he would cry more at night due to hunger.
回覆刪除好多 bb 都會扭抱, 可能因為無乜安全感.... 我墨魚仔都係抱住先瞓到0架, 不過佢日頭瞓完夜晚都瞓到~~
回覆刪除我臭b剛從醫院接返啦時, 都係好似你個b咁架~~ 於是我地諗佐一個方法, 就係响佢臨瞓前兩個鐘左右, 放佢入去房到, 自己喊到攰, 咁夜晚我地就會有覺好瞓, 好work! 但係有d殘忍囉!
回覆刪除俾心機呀...一開始係會比較辛苦,慢慢就會有改善架喇!! 我隻臭豬日夜都瞓得少,我捱足三個幾月先叫做有得瞓下咋...你要加油呀!! 你bb仲咁細,佢日頭要瞓,就由得佢瞓啦...唯有佢瞓你又瞓,咁先可以有足夠休息架!!
回覆刪除sheena第一個月都係咁 ~~~ 日頭係酒樓嘈到嘔都訓到, 夜晚小小聲就醒, 好慘...... 過左一個月就會好d ~~~ 同埋佢喊就忍心d啦 ~~~
回覆刪除咁多人俾左意見, 我都不多講了。 總之b訓, 你又訓啦!! take care
回覆刪除辛苦晒喇cary!! baby 第日一定要好好孝順媽咪至得呀!!
回覆刪除我個b 都係咁個喎，成日扭抱 但好彩佢唔係成日都係咁，有次倦極訓床仔都肯o既 但要扭抱都無計，多數都唔係我搞，係我老公、奶奶同陪月搞 (我淨係負責做奶媽) 我都發覺只要唔好俾bb 在日頭訓咁多，佢夜晚會訓得耐d... 其實無咩計，我睇衛生署出o個本書「共享育兒樂」話日頭夜晚的燈光要有明顯的分別，同埋你在日頭多d 同阿b 玩同講野，等佢唔好在日頭因為太無聊而訓多左，咁漸漸佢的作息就會有規律d，夜晚就肯訓。你都試下啦
回覆刪除我大囝果時都係咁, 後尾比我亞姨幫手, 即刻改到佢既日夜癲倒喇........
回覆刪除卓蔚BABY時都係咁，日頭就瞓得好好，但係夜晚就成日喊，食飽喊、抱住又喊、抱住行嚟行去都喊，總知就煩C人。我媽就話晚上八點後就唔好俾佢瞓咁多，但係卓蔚就好少理，成屋人不停攪佢，轉手抱佢，佢都係咁瞓，開埋燈諗住光啲唔好瞓，佢就搵隻手遮住對眼，真係俾佢激C。之後我帶咗卓蔚俾我媽咪，然後就要去街走轉，因為困得太耐人都顛。跟住我媽見到卓蔚喊就由得佢，咁當然睇住佢啦！唔好俾佢喊到C。那天晚上可能卓蔚好攰，咁就食少咗一餐夜奶了。媽咪話小朋友冇乜嘢令佢攰，咁又點會瞓吖！冇幾耐卓蔚就俾我媽咪教到乖乖唔飲夜奶了，然後仲訓練到由晚上十一點瞓到朝早十一點添呀，幫我省返啲錢，因為卓蔚比其他BB食少一餐奶，但她也是一個大碼BB，因為瞓得都會長肉的。希望囝囝快啲乖乖配合你啦！記住囝囝瞓你就瞓啦！多休息。
回覆刪除aiya! I thought he would sleep at night because of baby plus tim! maybe he'll be adjusting and sleep at night soon ga la! lets hope!
回覆刪除試下比D輕音樂BABY聽呀.可以舒緩下嫁
回覆刪除