健康院見醫生

今朝我地又一早出發去健康院!! 今次係見醫生~~~

9:10 booking, 去到好快就可以入去見醫生, 女醫生好好人, 好詳細, 好有經驗咁~~~

仔仔亦都算合作, 雖然都有大喊~~~ 哈哈~~~

仔仔豬嘅黃疸指數又再比前日低左, 以人奶bb黎講係好好!!

頭圍係35cm, 重量已經回復出世嘅磅數喇~~~ 3.34kg!! 唔知道點解無度身長呢???

眼仔, 肚仔...... 所以野檢查完都係goodgoodgood~~~ 醫生檢查口仔時仲話佢啜得好大力~~~ 叻仔~~

我又求救仔仔成日好似好唔夠食, 所以我唔忍心補奶粉比佢, 但又想全人奶嘅困擾!!  醫生話仔仔算係大隻b, 所以大食d一d都唔出奇, 叫我去母乳餵哺角, 佢叫左個助產士教我~~~

其實我前日已經去過, 姑娘話我餵mama milk嘅姿勢, 仔仔食嘅口型都好ok~~~ 所以, 今次再睇都係好好~~~ 而我亦都上左奶喇~~~ 仔仔都飽左好多!!! 個midwife今次教我試下唔好等到仔仔好肚餓, 喊要食milk milk時先餵佢, 試下個半鐘頭叫醒佢食一次, 每次只比佢食半個鐘頭!!

咁仔仔就唔會因為太餓而食唔飽要補奶粉, 又唔會養成當我係奶咀, 成日要食住先ok嘅壞習慣~~~

咁我今日就試下啦~~~ 佢真係唔再食完仲勁喊勁肚餓咁嘅樣!!! 見到佢食飽飽, 自己放口, 好滿足咁瞓得好好個樣, 好lumlum, 好安慰!!! 希望今晚我都可以唔補奶粉而餵飽飽佢, 一齊瞓好覺啦~~~