香港愛嬰熱線

尋日覺得好困擾, 唔知道仔仔個肚仔唔舒服關唔關自己餵mama milk事~~~ ~~~

餵mama milk真係唔容易,

一黎:  開頭要餵得密, 個人好攰!!

二黎: 要靠自己, 老公夜晚想幫下手都無乜可以做....

三黎: 唔知道bb到底食左幾多落肚, 唔知道佢食左幾多前奶, 幾多後奶.... 到底飽唔飽.... 又會唔會太多??

四黎....五黎.....

哈哈~~~ 諗下真係幾懊惱~~~

不過, 我係唔會咁輕易放棄嘅, 為仔仔豬好嘛~~~  但又唔知道可以做d乜咁喎~~~

結果, 我打左去d母乳求助熱線~~~ 哈哈~~~

香港家庭健康服務部 : 29618868 , 竟然係錄音only

香港愛嬰熱線: 28387727, 打到去, 有人聽, 請留低電話, 我地d母乳專家要6pm之後先覆大家!! 於是, 就留左no., 搵張紙寫低想問嘅野先~~~ 等~~~~

打完熱線都係無人立即開解到我... , 於是又上網搵下資料喇~~~

baby kingdom又再一次幫左我喇~~~ 見到好多餵人奶嘅mami嘅求救同留言!!!

見到人地個bb食得唔好, 攪到損晒痛到發顛都係咁堅持.....

見到好多mami話開頭係真係餵得超級密, 不過會愈來愈好.....

見到好多bb都有肚風, 好平常, 好normal.....

睇下睇下個人又好番喇~~~~~~~~~ 仔仔豬同我都已經好叻好努力喇~~~ relax~~~~

然後繼續努力做奶媽~~~ 到左夜晚9點幾10點~~~ 有人打比我, 原來係"香港愛嬰熱線"嘅人覆我呢~~~~~

乜覆到咁夜咖??? 我諗應該係義工呢~~~~

佢問我仔仔幾時出世? 7月6日

出世幾重? 3.34kg

邊間醫院? QE

出院幾重? 3.3kg

最近一次磅幾重? 17/7 3.48kg

有幾多大小便?? 我話3-4次大大, 6-7條小便片片

佢話我已經餵得好好喇, 仔仔已經夠食喇~~~

跟住到我問佢問題:

會唔會食得太密??? 佢話而家仔仔仲係咁細, 唔緊要, 有番一個月大應該好d, 隔耐d

bb肚仔好多風, 咕嚕咕嚕, 關唔關mamamilk事?? 佢話可能bb食得太多前奶, 有少少輕潟作用, 如果我鐘意可以試下按走少少前奶先餵, 兼可以等佢食飽d多d後奶!! 而且又叫我順時鐘方向按下仔仔個肚仔, 同bloggers所教嘅一樣

我問佢一邊有奶奶滴出黎, 一邊無, 會唔會一邊上奶好d? 一邊少奶d?? 佢話應該唔係咁分, 只係一邊鬆d~~所以d奶奶會易d漏出黎

仲有好幾個問題, 總之佢好好心機咁同我傾左一輪啦!! 佢話佢地要放工先開始覆電話~~~ 真係辛苦晒~~

而仔仔豬尋晚經過按摩之後, 好似真係好d喇~~~ 尋晚都好瞓左d~~~ LUMLUM

希望今晚都好好啦～～～～