珏霖16個月大發展記錄 ^.^ part 1

原本想打個15個月記錄嘅, 點知諗吓打吓, 都差不多成個月喇, 都係出個16個月大嘅發展記錄啦~~~

mami呢排日日都好攰咁呢~~~ 真係無乜心機打好多字呢~~~ sorry呀!!珏霖豬~~~

睇番呢幾個月都無打過仔仔豬而家識d乜~~~ 上次好似係10個 月大時喇!!! 原來已經半年喇~~~

仔仔豬呢半年真係比左好多好多驚喜我地呢~~~

好叻叻豬呀~~~繼續努力呀!!  love you baby~~~

(1)首先係學識左行啦~~~

1歲3/4個月大時, 踏出你人生嘅第一步!! 其實係因為你好大膽豬, 唔怕跌, 所以一平衡到你就好快放晒手自己行喇!!!

行左3個幾月, 而家你已經平衡得好好,好叻!!! 前排成日都跌低, 原來係因為婆婆買比你嘅波鞋仔已經太細喇!!! 買左對新鞋就無乜再跌過喇~~~ ^.^

雙手攞住野周圍行都無問題喇~~~ 甚至係好重嘅野都行到好穩lu~~~

(2)食野

而家每日早晚都會飲300ml明治奶奶!!! 10月27日(15個月零20日大), 夜晚開始戒左人奶喇!!! 遲d得閒先寫番個戒奶report先~~~ ^.^

早餐同下午茶都會食吓面包, 餅餅同生果~~~ 有時下午茶會飲包鈣思寶!!! 仲未試過益力多同維他奶!!!

午餐同晚餐而家多數都係食飯加清清地嘅餸!!! mami就多數蒸吓瓜,菜,肉, 蛋咁比佢撈飯!!! 如果去嫲嫲home就多數食蒸魚撈飯!!! 

午餐有時會食吓上海面, 通粉, 麥皮等~~~

每餐大約一碗飯撈餸!!! 有時好胃口就食晒, 有時食一半話飽飽唔食, 我就由得佢!!!   

(3)作息schedule

多數都係晨早7點幾起身!!! 飲奶玩吓到10點幾11點瞓一覺!!! 起身食lunch!!! 然後玩玩玩~~~ ^.^

下晝有時會瞓多一覺~~~ 有時就捱到夜晚8點幾先冲涼瞓覺~~~

6點半至7點dinner~~~  

夜晚9點幾bath完飲支奶奶, 跟住係大床同我地一齊碌碌吓, 玩吓唱吓歌祈吓禱錫吓攬吓, 大約10點瞓著!!! 然後就比我地放番落床仔!!!

整體上都瞓得幾好, 會自己瞓到天光, 有時半夜會醒左搵我地(我覺得可能係d牙仔唔舒服), 我地就會抱左佢落大床一齊瞓!!!

(4)理解

其實仔仔豬而家已經明白好多野, 人仔細細, 好似乜都知道同埋識咁!!!

-認得好多動物, 狗, 貓, 鴨, 雀仔, 魚, 龍蝦, 牛, 羊, 豬, 象, 老虎, 獅子, 長頸鹿, monkey, frog, kangaroo, rabbit...... 見到好多動物都有動作做埋, 好似一見到elephant就會大踏步, 見到rabbit就會扮跳.....  

-見到食物or食物圖片時, 會扮放入口or真係放左入口!!!

-聽barney隻i love you song會走埋黎hug & kiss我地!!! (心情好時)

-明白好多物件用法, 見到圖片都會扮點用!! 例如見到牙刷圖都會扮刷牙, 見到眼鏡又會扮戴..... 仲有梳, 筆, 電話, 襪, 鞋, 衫, 帽, 杯, 叉, spoon, 琴, 太陽........

-動作指令: clap your hands, touch your nose(eyes, ears, month, hair, head, fingers, toes, tummy.....), poke out your tongue, turn around, 扮hop hop hop, peekaboo, kiss, 排排坐

-兒歌動作: 一聽到就會跟住做動作嘅有if you're happy, the wheels on the bus, twinkle twinkle little stars, row row row your boat, yummy yummy food, elephants, mr sun.....

-家人稱呼:

你問佢"媽媽呢??? ", 佢就會即刻指住!!!

仲認得爸爸, 爺爺, 嫲嫲, 公公, 婆婆, 姨姨, 舅父, 小吉 ^.^

(5)表達

-叫人, 識叫嘅大概同上 ^.^, 而家會跟住我地叫人!!!

-跟住我地講"謝謝"!! 之前教左佢唔該個手語, 而家教埋佢想攞野, 想我地比野佢同埋幫佢時, 要講"謝謝, 爸爸", "謝謝, 媽媽",  "謝謝, ....."  

-想mami抱時, 會講"媽媽, 抱" ^.^

-食飽飽唔想再食時, 會拍拍個大肚dum, 講"飽飽"

-聽兒歌有時會跟住一齊哼or有時會唱到幾個音, 如: abc song, baa baa black sheep, i love you song, little bunny hop hop hop...

-雖然未識講好多野, 不過表達自己嘅意思都好清楚喇!!!

例如成日指吓我地大人, 再指吓自己隔離個地下, 就係叫我地坐係佢隔離同佢排排坐!!!

-會指住罐奶粉叫"奶奶"or指住d香蕉叫"nana"....問我地攞黎食...

( 都係出住part 1先啦~~~ 仲有好多打緊~~~ ^.^ )