呢兩份單張係健康院比我嘅...... 同我引用嘅海豚媽媽一樣, 令我覺得好困擾!!!
唉~~~ 要比仔仔大喊到自己瞓為止??? 真係要咁??? 各位blogger mama, 你地係咪咁咖???
單張建議要係bb兩至三個月養成好嘅睡眠習慣!!! 即係我要快d決定點好喇~~~ 
但係, 由得佢狂喊唔理佢..., 好難忍心呢!!! 
你地睇下佢喊得幾淒涼
其實video嘅仔仔豬係扭抱, 我地而家會安慰下佢, 同佢講下野, 拍下佢, 話佢知唔得閒住, 自己瞓下先, 然後行開, 佢都係會繼續狂喊, 於是又再隔一陣再重複同佢講下野, 拍下佢, 行開.......
不過, 佢好有毅力嘅呢, 喊到聲嘶力竭, 結果我地都係會抱番佢一陣, 最多跟住又再放低佢..... 係咪真係有必要咁train佢咖???
其實而家比較起之前已經少扭抱左, 因為佢而家食飽飽可以放低係high chair同我地傾下計, 玩下先!!! 係咪大個d就會自動少d扭抱咖??? 抱下比d安全感佢都無壞??? right??
喊得好慘呀~
回覆刪除真係喊得好慘呀........ 我平時對我個囡係, 我一開始要放低佢既時候, 我就會同佢講, 我要去做d咩野, 你要自己玩住先, e.g. 我要去steam奶樽, 我就會同佢講"mami要去洗你d奶樽啦, 如果唔係你就無奶奶飲, 你要乖乖地自己玩住先啦" 雖然我唔知佢明唔明我講咩, 但好多次佢都會真係自己係度玩, 可能玩成個鐘, 一見我坐低佢先會喊........ 同埋我多數會係佢飲完11am個餐奶奶就放低佢自己一個, 去做其他家務, 可能佢習慣左知道呢段時間我係唔得閒理佢, 佢就唔會點嘈囉 到其他時間如果佢要人陪, 我又唔得閒既, 就會睇下佢有無眼淚, 有時佢只係嗌下, 我就由得佢, 見到佢有眼淚, 好淒涼我先會放低d野去睇下佢 唔知呢d方法幫唔幫到你呢? 好耐無見你online啦, 如果有咩問題得閒既就call我啦~
回覆刪除我在bb kingdom 度見到有個媽媽講，真係好「狠心」，因要train 個仔，希望佢第時唔好咁癡身，學識獨立...同埋佢話點都唔會同bb 一齊訓大人床，因為佢有兩個friend就係咁做，結果兩家人分別都係一家四口訓在一張床上，仲要係其中一家的大仔已經小學三年級，都戒唔到同爸媽同床 不過多數媽媽都唔捨得咁train bb o既 (由得佢狂喊)...宜家我老公都唔會一刀切話唔抱就唔抱，最多等佢喊多陣先抱，唔會即刻就範。同埋半夜都要哄架啦，夜晚好眼訓時，都唔想同佢糾纏咁耐，寧願佢快d 訓返。 我諗個個bb /父母的情況都唔同，而且我老公都話，健康院的單張講得好ideal，實際上執行係會有困難... 所以我諗可以按自己bb 情況要調節健康院的指引o既。
回覆刪除佢唔係哭得太狂~我都由佢哭一陣~~ 不過我都是比佢訓係我則邊~等佢訓左才抱出來~~bb~床~~~訓架
回覆刪除唉!! 我囡囡都係喊得好犀利架.......... 我都唔忍心呀
回覆刪除珏霖同蝦仔一樣, 摟計喊時都係 望住人嚟喊 , 好似講緊" 你睇我喊得幾慘~~仲唔快d氹我抱我?", 所以話點忍心呢~~
回覆刪除真係要忍心架，否則佢習慣左要抱，同埋訓教時間調得唔好，對你同佢遲d都唔好架。 嵐嵐果陣，老爺奶奶好忍心由得佢喊兼且唔比我去抱佢架。 不過玨霖仔又真係喊得好悽涼，連我老公都問我邊個bb喊得咁悽涼呀，我自己聽到都唔忍心呀，真係陰公豬。
回覆刪除我開頭都對呢本野教的十五十六架！ 由得佢喊，無錯係唔可以寵壞佢，唔可以比錯誤訊息佢。 但係喊到一肚風又嗌破喉嚨，又於心何忍呢？喊成咁自己咪又係一樣訓唔到。 我個人選擇左日頭狂玩，夜晚唔理訓唔訓都熄燈，唔再玩。最多唱下歌仔，傾下計。 最重要比佢知道「日動夜靜」而且柔柔個多月時我仲同佢一張床訓。 係好危險的行為！但係漸漸佢越訓越長時間。不過我要好醒訓囉，只要佢郁多兩郁都會醒。 個個媽媽都有唔同的方法對付ｂｂ。 我的方法希望可以幫到妳啦～
回覆刪除卓蔚未滿月時，每晚都起身勁喊，無論食飽又喊，換好片片又喊，抱住行嚟行去都喊，我媽咪就話因為日抖瞓得太多，又或者bb跟本就冇乜活動，冇攰嘅時候，人緊有幾個鐘會清醒，唔會成日瞓覺的，所以我一俾卓蔚婆婆湊，婆婆就好忍心咁俾佢喊，當然要睇住唔會喊到窒息啦！那天晚上，卓蔚真係瞓得好好多，起碼連夜奶都食少咗餐。
回覆刪除你會唔會試下比奶咀佢食？個個 BB 情況唔同，有 d 抱夠就會好滿足地唔再要人抱 (我朋友個仔係咁)，有 d 又真係喊包又會自己訓 (我大姪女BB時就係咁)，又有 d 真係同你角力，你唔抱佢喊到面都發紫 (我細姪女BB時就係咁)，家希就安慰下佢比個奶咀佢就 OK。所以你要慢慢試下邊總方法岩仔仔豬。
回覆刪除無計0架...要狠心...拍下佢...comfort bb
回覆刪除我阿囝d作息時間都仲係好亂, 因為唔係成日o係自己度湊嘛, 等我後日去健康院又問吓姑娘點解決先
回覆刪除我估我都會咁做, 因為佢會習慣一喊就有人來見佢!!! 如果HUNGRY 果D 就另當別論!!!!!
回覆刪除熙欣同仔仔豬的情況都差唔多,我同老公都有同一個信念,就係唔可以抱咁多,費事一就得多佢,以後佢就係咁扭抱我地都大劑啦,之但係一喊得太犀利,發哂癲塊面成個關公咁的樣老公就忍唔住走埋去同佢傾下計,哦下佢,有時又會哦到熙欣訓番覺個喎(可能係熙欣覺得個老豆講野太長氣就真 ),我依家都仲係摸索緊咋!!! (註:有時我頂佢唔順會比奶咀佢食架,不過一見佢訓得"林"就會掹番出黎,唔想佢習慣哂奶咀囉 )
回覆刪除for me,我唔會由得佢喊嫁。我係一個不忍心的MAMA。
回覆刪除真係好陰公呀．．仔仔豬！我以前都試過唔理佢由得佢自己喊到攰收聲，但係唔會架，佢只會不停喊，見到佢喊到好似窒息咁又谷到面都紅晒，我真係冇辦法唔抱佢架，點解DBB仔會咁既，一抱就收聲，即時好滿足咁！
回覆刪除我果時都好狠心咁對墨魚仔, 佢扭抱時, 我地由得佢喊, 佢真係喊10幾分鐘停分零鐘, 之後又再喊, 結果係, 一個鐘後都係咁喊, 我地無辦法, 唔通由佢不停喊2、3個鐘咩?? 最後我地決定, 佢喊會去安撫佢唔即抱, 不過過0左20分鐘都係咁就會抱佢, 我怕佢咁落去遲早會失聲......
回覆刪除我果時係俾張搖搖椅阿仔瞓的(已瞓醒),佢搖搖下,又可以見到我(因為不是平瞓的),再加左幾個玩具比佢玩(玩具是放在眼前方,伸手可以掂到),佢就好開心了,我又可以做自己野,佢又唔咸囉,其實我阿仔細過係唔可以咸的,佢一咸完食果餐奶就一定噴番晒出黎(因咸而吸左好多風入肚),這是我用盡好多方法使仔仔唔使咸,而我又舒服的辦法黎,你都試下啦,張搖搖椅好幫到手
回覆刪除其實真係好難忍手嘅...喊得o禁淒涼，俾著我都唔捨得啦! 我估唔可以一下子唔抱就唔抱嘅! 慢慢來啦!
回覆刪除庭庭小姐細個0個陣都係勁扭抱架, 一放低佢就狂喊, 喊到聲沙都係咁喊, 但醫生話唔好習慣佢喊你就抱佢, 如果唔係第日佢就會更加扭計, 因為你總會有自己工作要做, 唔係永遠都24小時on call, 所以, 佢話由得佢喊10零20分鐘, 然後你走過去拍下佢, 同佢講你有0野要做, 唔可以成日抱住佢, 醫生話最緊要係你同佢講0野0既時候語氣要堅定d, 唔好俾佢覺得你係"講下唔會係真0既"又或者係你鬧佢, 然後你打開, 佢再喊你就俾件玩具佢, 佢就算唔要你都唔好取走, 更加唔好同佢玩埋一份, 等佢喊到悶0既時候就自然搵第二d事去玩... 你阿仔一睇就知佢想人抱, 一個古惑bb!!
回覆刪除真係要忍吓架，或者你可以試吓比d巾巾當係安撫囉 你睇我個仔由4/5個月到而家都係攬住d野自己瞓，比佢慣左你就好c服架喇 http://hk.myblog.yahoo.com/jw!q.rjy82REQV5dAkZZ71iBRt0a.XR/article?mid=474
回覆刪除開頭真係要忍心d先至得架...... 包包係滿月之後冇幾耐~~ 晚晚都係咁扭，一定要抱住先瞓~~~ 但係我用左一星期時間去train佢， 佢開始時真係喊成晚唔收聲架!! (喊到聲都沙埋，咁當然都要睇住佢唔好喊到變紫啦) 去到第三、四晚,,,,,佢已經開始知道喊係冇用既... 跟住好快就自己瞓左喇~~ 由果時開始到而家包包就快6個月大，佢都係一放落床仔就會瞓架喇!!! 同有呀，佢慣左係床仔瞓開始,,,,,到而家都係抱住佢係唔會瞓架!!! 其實唔係忍心唔理佢，只係想好好鍛鍊佢啫~~ 長遠黎講其實對佢係一件好事黎架添
回覆刪除開頭三個月係辛苦D啦....我囡囡o個時就係喊,就係為O左飲奶OR換片..............唔知係唔係我坐月O個時奶奶叫我唔好成日抱囡囡,所以佢可能慣O左............ 不過我阿嫂個BB一喊就收唔到聲,仲要塊面同嘴唇變哂色,O企人都好驚佢喊,因為驚佢呼吸唔到,所以抱慣O左...次次都要抱半個鐘以上先收聲....個B十幾廿磅就唔係講笑O架... 另外我想問下係,你仔仔出世,你有冇幫佢割包PI呀...因為外國個個男BB,一出世就割O左啦..唔知HK係唔係咁做呢?
回覆刪除Cary你都睇咗咁多媽媽既回應,都見各有唔同方法,就知無標準答案啦!!! 我那時都為咗bb成日喊好苦惱,也睇書,上網,問人,揾阿媽幫,問醫生,問護士......... 結果呢,我理性上知道要由佢喊,但內心又好擔心,好心痛~~~但也堅持了定時由佢喊(每隔5-10mins望一望),即係晚上一定要忍心,日頭午睡時間又忍心,其他時間bb喊就陪下玩,睇下bb有咩需要咁~~~漸漸bb每日定時兩次午睡,晚上又定時瞓啦!!!但睡之前都會扭下喊下,最多喊10mins,bb就自動瞓着!!!! 每個bb性格不同,方法可有些不同架!!!但你是媽媽,遲早定可捉摸到bb喊既原因,又識點對付bb架啦!!! 加油!!!!
回覆刪除我個仔同你果個有得揮呀．．．．不過我會抱佢．．．．因為鬼佬教法．．．咁ｂｂ 大個左先肯同你傾心事喎．．唔知係咪真呢 ？？ 你可以問下你個老外 ｆｄ 丫
回覆刪除我之前已TRAIN到我女自己訓,每晚一關燈OR一比奶咀佢就知道要訓覺豬,但係..................BB越大越SMART,佢爺爺嫲嫲每個星期六都來湊佢大半日,佢地習慣係抱同UN住佢訓................而加佢大個喇,醒目左.....唉.......佢而加唔肯自己訓啦,我嘔血呀,激死
回覆刪除