哈哈~~~ 結果我地今日都去左bb展呢~~~
又再一次唔該晒奶奶同埋3姑姐幫我地睇住仔仔豬, 我地先可以去拍左一陣拖~~~ 
!!!
呢次係我第一次去bb展呢, 都幾多野睇!!! 仲有好多贈品添~~~ 不過行一陣就好攰喇~~~
都無心機行晒咁多個counter!!!
我地都買左玩具, 羊皮鞋仔, 整bb手腳仔嘅kit, 儲奶袋, 熱呼墊, 奶樽...... 都唔得閒同d戰利品影相喇~~~ 總之, 都行得好happy啦~~~
!!!
離開左仔仔豬一個下晝, 除左見到好多其他bb好掛住佢之外, 另一樣就係谷奶谷到好痛呀~~~ 
!!! 全職奶媽係咪應該帶埋個奶pump出街呢??? 
!!!
滿月酒嘅相有好多都想post呢~~~ 不過未有時間, 各位親戚好友等我啦~~~ 
我又要去餵奶喇~~~ bye!
! 而家眨下眼就一個月喇~~~ 我諗好快就兩個月, 三個月......希望仔仔豬健健康康, 快快樂樂咁快高長大~~~ 而我就快d修身, 傷口快d完全好番晒, 揍仔仔愈來愈輕鬆同得心應手~~~ 哈哈~~~ 威威就返工輕鬆d, 做個愈來愈好嘅dadi啦~~~ 
嘩！仲可以去bb展，已經好勁啦！我聽d friend講今年好多安排今去的人怨聲載道喎！ BTW，你用邊隻奶pump？我用 medela swing，當日上奶時部機真係救左我一命呀！
回覆刪除我都係用swing呀~~~
回覆刪除勁啊, 你竟然有去, 都買到好多野 !!! 呢段時間好快會谷, 如果你學會用手整奶, 咁就唔洗帶咁多野, 不過 swing 都好正, 我建議你租機, 租個d勁d ~~~
回覆刪除中間果個字係咪讀"各"字丫?!^^
回覆刪除我都好想去啊,係咪好多收穫 ?係咪真係平好多呢 老公要返工無得去
回覆刪除好聽呀，改o左英文名未呀？
回覆刪除個珏唔識讀添~唔係玉, 咁係咩呀? 衛姓好特別呀!
回覆刪除係咪讀 "角" ?
回覆刪除諗日都算幾多人.我地本來想睇下日本奶粉有冇discount ,但都係同出面差唔多...只係拎左好多記念品就真..
回覆刪除好想去bb展呀~~~~~ 我以前比個b婆婆揍時,真係帶埋奶pump出街架!!!盡量去附近有朋友住的地方,要pump就去朋友家!!!或者在育嬰室!!再無地方就在自己架車裡~~~~pump咗舒服好多!!
回覆刪除個名邊個改架好特別呀！
回覆刪除嘩....我都有去到呀....一早去到....勁多人....多人到都無心機行呀....好多野都想睇o架....唉...
回覆刪除"珏"字讀"角"係咪?? 你就好啦.去BB展..
回覆刪除I don't know how to read wor!! I thought having a 'rain' at top of name means this person will be emotional and crying ga bor, was it just 8 por gossips?? Ay ya, tell me how to read it ma!!!
回覆刪除我番工時都係靠個奶pump整d奶出黎,但如果你全職,有時出街耐左要放奶,可以試下去washroom用手擠緊部份人奶出黎,叫做放一放唔使谷到咁痛~ 我而家都煩緊買邊隻奶泵,之前2胎都係用avent手泵,係好好泵,但就泵到手都痛埋.... 而家諗緊買電泵,但又唔知咩野牌子好...
回覆刪除唔好意思呀﹐Cary﹗ 近排我真係忙到訓都唔夠時間訓﹐又積聚左好多家務未做﹗少左黎探妳&玨霖﹗早幾日唸起BB滿月啦﹗但都係抽唔到時間黎恭喜妳﹗響度補祝妳地一家健健康康﹗玨霖快高長大﹐聽教聽話﹗ 見到妳有咁多親友黎探訪﹐真係好凳妳高興﹗有咁好既麻麻&姑婆﹐我感動到差D標眼淚哩﹗(真係架﹗)湊BB咁辛苦﹐佢地都肯日日不辭勞苦﹗我唸我有產後抑鬱架﹗妳無講錯﹐湊仔女湊到我癲架﹗不過依家正常番咋﹗雖然無人黎探我﹑幫我﹐無人陪我傾偈﹐好彩有個blog﹐有妳&一班blog友陪我傾﹐聽我呻﹗響度真係要多謝妳添呢﹗ 關於餵奶﹐我相信佢所講既「猛長期」呢個講法﹐不過時期就因人而異﹐總之BB想食就應該餵﹐唔好睇鐘﹗儘量唔好俾自己再谷奶﹗每谷一次就收一次﹐整整下就越黎越少奶架啦﹗我就係因為咁餵正軒餵唔到一歲﹐後悔莫及﹗ 我覺得塊面有出過豆豆既BB﹐皮膚係靚D架﹗唔係因為D豆豆整靚左D皮膚﹐而係因為皮膚太靚﹑太嬌嫩﹐所以會出豆豆囉﹗咁妳就要特別留意濕疹﹗記得唔好用爽身粉﹐容易滋生細菌架﹗所以接觸到皮膚既嬰兒產品﹐以無色無味既最好﹗ 條老鼠尾真係好搞笑﹗﹗﹗﹗
回覆刪除你就好啦，有得去bb 展...我無得去，太遠啦！ 咁橋我又係用 medela swing 奶泵！朋友俾o既！不過我覺得泵唔清，因為試過泵完再用手擠，仲有奶！唔怪得之咁多人話用手擠... 但我唔識用手擠，因會搞到成手都係。 你囝囝已滿月，祝佢快高長大 ，最緊要做個開心bb！係呢，你仔仔個名中間個字點讀？我覺得佢大個都會有好多人讀錯佢個名做「玉霖」，你唔講我都以為係讀「玉」... 同埋佢呢個名有無咩特別意思架？
回覆刪除個名改得好好呀! 又好聽又夠響，最緊要係唔會同人撞名! 雖然你好精神同埋有老公同你行bb展，但你日常都要休息多d，如果唔係，病咗bb就無milk milk食喇!
回覆刪除見到妳宜家嫋似一個慈母咁呢！
回覆刪除我查咗字典啦！讀"角"字，係咪？祝珏霖快高長大！
回覆刪除你都買左"羊皮鞋仔"呀? 你買邊隻款呢? 真係好靚..
回覆刪除仔仔豬個名好特別, 唔怕同人撞
回覆刪除very good name~~~ 真係登你o地一家開心呀!! 我都有去bb展, 重用o左小宇宙, 由頭行到6點, 自己都估唔到比平日o既我勁o左咁多.
回覆刪除