回melody媽媽(about母乳)

至於melody媽媽問我地每日嘅schedule, 等我諗下先:

其實, 我地唔係好規律咖!!

大約每2-3個鐘頭食一餐人奶, 多數都係埋身餵!! 除左我地出街時, 或者我出左去或者瞓一陣晏覺, 先會奶樽餵一次!!! 呢個星期仔仔用奶樽就食5安! 上星期食4安幾! 佢夠飽就會停口咖喇~~~ 

而如果餵左奶樽, 我就會泵番一次人奶, 一黎儲定以備不時之需, 二黎好谷奶

  , 一次大概有3-5安!!! 我左邊少d奶, 多數泵到3安, 右邊最勁試過泵到6安!!

埋身餵完我就泵唔到咖喇~~ 比佢食晒咁濟, 泵都係得好少!!!

medela嘅<母乳育嬰指南>話最好泵奶時間就係朝早第一餐, 一邊埋身餵, 另一邊同一時間泵, 因為朝早係最多奶嘅時候(隔得耐d o卦), 同埋兩邊一齊會出奶出得好d!!! 比佢啜住時更加有嘖奶反應!!!!!

 不過, 下餐餵佢時, 因為泵過, 所以可能會食得少左dd, 再下一餐佢會快少少餓喎! 佢仲話如果bb食得好定時, 而又想泵定多d奶時, 亦可以兩餐中間兩邊都泵d出黎, 不過小心bb唔夠食!!

我夜晚都係埋身餵咖, 因為仔仔同我地一齊瞓大床, 所以, 由臨瞓嗰餐開始, 就係瞓係床餵, 食左臨瞓嗰餐又瞓著左就可以瞓到4-5個鐘頭(唔洗掃風都ok咖), 到佢肚餓有d囉囉攣時, 我又再餵佢(繼續瞓係度), 跟住大家又再一齊瞓囉!!! 我就覺得唔算太攰同太辛苦喇~~~ 夜晚埋身餵會上奶上得好d, 好似話如果夜晚唔餵可能會影響奶量呢!!! 不過, 我都知道好多mami都唔餵夜奶又無影響!!!

希望幫到你啦~~~melody媽媽!!! 希望你快d好番胃口, 唔好太緊張呀!!! 人奶可以當補品咁比bb食, 補奶粉都唔緊要啦~~~ 最緊要係大人同bb都身體健康, 開開心心呀!!! 

QUOTE:

Hello ! Cary, 我又有事請教。可否分享下你每日的 time schedule呀？

我近呢個星期忽然冇哂胃口，大部份時間靠粥同湯水維生，每日食得落一餐晚飯，日日精神好差，亦成身冇力。大部份湊仔工作交哂俾老公(好彩佢放假)。我亦因此由全人奶，變左做半人奶，已經好自責。望住囝囝但又冇能力去湊佢，望住老公亦覺得佢疲於奔命，所以我自己都開始有 d depress啦。

我知道你會埋身餵，加泵出來交給家人幫手餵，所以想你指教：

1.時間上編排：你半夜有冇埋身餵？我如果半夜埋身餵，第二日會好累，要瞓到11, 12點先起到身。已經冇胃口，遲起身更加食唔到早餐。其實都食唔落，不過又驚遲早暈低。

2. 幾點會泵奶？係咪半夜泵奶量會好 d？

3.如果埋身餵完後，會相隔幾耐先再泵？

4.埋身餵完後，仲有冇奶泵到出來？

5.你囝囝食到幾多呀？我囝囝仲有4日就滿月，每2小時一餐，每餐2-3 oz。但我每次未必泵到6oz。可能同我未開始定時泵有關。

其實我囝囝已經好叻，食nuk 2款奶咀(黃 &透明)，到埋身食時，都仲食得好叻。最唔叻果個反而係我......

咁多問題，唔好意思。 thanks , anyway.