萬分感激~~

今次要用呢篇blog致萬分感激比bb嫲嫲同3姑婆~~~

如果無佢地每日嘅陪伴同幫忙, 我同仔仔豬真係唔知道點算呢~~~ 仔仔一定唔會重得咁好~~~ 我餵mama milk亦一定無咁成功同順利~~~ 真係好多謝好感激呢~~~

奶奶每日都黎整野比我食, 又煲好多款上奶湯水比我飲, 要係我屋企個好細好窄嘅廚房整咁多野真係好辛苦呀~~~ 而且又整左好多薑醋, 由自己屋企搬黎我地屋企, 辛苦晒呀你地呀~~~ 老爺&奶奶~~~  !! 仔仔豬大個仔要錫嫲嫲好多好多啖先得喇~~~

而3姑姐就每日日頭幫我手睇住仔仔, 等我係餵奶之間嘅空檔可以無牽無掛咁安心瞓大覺,  叉好電黎揍仔仔!!! 而且, 係我大肚時, 最擔心係同仔仔冲涼, 姑姐一早應承幫我冲!! 而家雖然我唔驚喇~~ 不過多數都係姑婆同仔仔豬冲涼咖!!! 換片, 掃風, 餵我泵出黎嘅mama milk~~~ 3姑婆都一手包辦咖~~~ 仔仔你大個又要錫錫錫3姑婆喇~~~

辛苦晒你地每日舟車勞碌黎我屋企陪我同仔仔呀~~~~ 而且, 日日有你地陪我傾計, 分享番你地嘅生仔揍仔經~~~ 唔怪之得我完全無產後抑鬱啦~~~~

總之, 唔知道點樣表達感激好~~~ 唔該晒~~~~