自從仔仔豬出世之後, 好耐無寫過B頭頭喇~~~ 
!!
B頭係我個大仔~~~ 由細細隻2個月大開始養喇~~ 到今年10月就8歲喇~~~
佢係BB, 所以我地就無叫仔仔豬做BB, 而叫佢做仔仔喇~~~!!
知道自己有左BB之後一直都好擔心, 因為B頭佔有慾都幾強, 又會呷醋, 之前我同威威一齊佢都唔happy, 試過咬佢呢~~~ 再細個d又試過咬親我細佬 
!!
不過, 出左院之後, 發現b頭好乖好合作呢~~~ 自己唔入我地房, 又唔會攪仔仔, 只係遠望住我地呢!!
坐月時, 佢成個月見到我夜晚不斷咁起身照顧仔仔, 眼神成日都好疑問
, 問我"做乜會帶左隻咁嘈嘅小魔怪返黎???" !!! 嘈到佢都無覺好瞓~~~ 
~~~
有好多人黎探我地, B頭都好happy咁招呼人客~~~ 好乖好好~~~
!! 叻仔, 令我&威威都好安心呢~ 
不過, 其實, 我會發現B頭眼神中, 露出一分分嘅寂寞, 一點點嘅無奈同憂鬱, 我都知道我少左好多時間陪你, 照顧你, 好彩你咁體諒同生性呢~~~
遲D仔仔大個D, MAMI得閒D先錫番你陪番你多D啦~~~ 而家請你繼續乖乖, 忍耐一下先啦~~~
我地係一家人黎咖~~~ 我愛威威, 愛仔仔, 亦都好愛你咖B頭~~~
B頭一定會好體諒你架！
回覆刪除ＢＢ真係好乖！
回覆刪除茶茶一樣丫, 起初都好怕妹妹, 妹妹一喊佢就好驚, 覺得妹妹好嘈。我有時都會覺得因為妹妹搞到茶茶悶左咁, 不過而家佢地兩個好FD就無問題啦!
回覆刪除BB真係好乖、好叻仔。我好欣賞你有了寶寶亦這麼錫自己的狗狗。 祝你們一家生活愉快!!
回覆刪除B頭一定會體諒你既....
回覆刪除B頭 is such a good boy... I hope Woody will be as good later when baby's bornt.... But Woody is always "super" excited everytime seeing me home.... *sigh*
回覆刪除你有時都要錫下b頭呀...唔可以對佢唔fair....
回覆刪除BB真係乖仔, 佢一定會明白你一樣咁錫佢o既, BB個樣一d都唔似8歲呀! 個樣重好細個仔, 我都希望將來miu miu會可以接受到小pig啦!!
回覆刪除B頭真係乖喎~~ 雖然佢咁生性, 不過你地都要俾d時間理下佢!
回覆刪除所以動物真係有性o架! 我相信佢會體諒你的。
回覆刪除b頭真係乖, 我隻bobo可能都係女仔所以爭寵, 做左走狗
回覆刪除