我地今日出左去油麻地同仔仔攞左出世紙喇! 
!!
因為要先去健康院做產後檢查, 所以, 成下晝4點先去到! 
不過, 好快就攪掂喇~~~ 我地整左3個copies, $140一張~~~ 一共$420~~~ 多謝!!! 
仔仔豬就係屋企由3姑婆&嫲嫲照顧喇~~~ thanks~~~
ps: 今日去健康院check過, 仲係未好番晒呢~~~ 溶線仲係未溶得好~~~ 唉~~~
!! 攪到我覺得唔想再生下一個喇~~~!!! 個傷口好煩~~~ 而家醫生比左d藥水我浸, 希望兩個星期後有好消息, 好番晒啦~~~ 
!!!
pps: 恭喜契媽搵到好工~~~ 契爺你悶就黎幫手揍我啦~~~ 
可以整3張咁多O既?............. 我O個時都係好耐D線都唔溶,醫生都冇開咩藥俾我....只係話D線會慢慢溶,因為我個傷口都埋得好好....不過我都到成半年都再唔痛.............條眼就慘啦..而家間唔中都痛...都唔知係唔係O個時打O左無痛分娩D針..打得唔好....搞到我而家呢個唔想再打針啦...
回覆刪除條腰.SOR...打錯O左
回覆刪除hello, 我11月都做媽咪la...你地好!!!! 唔好咁la..都係開心事......好快就無事架la 不過我都係生一個足夠, 因為經濟問題．．haha
回覆刪除我個傷口都成2個月先好番晒(用左成個月沖瓶器),生完後痛到坐唔到(一直打側坐&用水泡),之後都一直唔舒服頂唔順走左去睇私家婦科先無事咋
回覆刪除果陣我都係個幾月先好返哂咋,個傷心真係好鬼死辛苦.唸起都唔想再生呀 Katelyn囡囡 果陣我都係打左無痛分娩針,之後條腰痛左2-3年呀...耐唔耐都會痛下架 不過依家好d lu, 但係就真係一定要好好保護條腰囉,因為一坐得耐,條腰會好累的啊,同埋我幾個朋友打完果支針, 條腰都有痛架
回覆刪除咦! セ原來香港咁快有得攞出世纸架, Ryan B到現在都未收到呀, 錢就一早過咗數, 加拿大政府做事真係慢呀 你個傷口記得要浸藥水, 最好一日起碼浸４次, 我嗰時一出院便日日都有用, 一個月就好番啦!
回覆刪除bb這眼好大呀! 出世紙可以買定咁多張嫁?
回覆刪除我地整左3個copies呀.,...你仔仔隻眼好大呀
回覆刪除妳梗係一張比自己其餘兩張放喺爺爺公公度啦，我都係攞左一張咋！個傷口仲係未好都幾慘，但唔好因為咁而怕左生第二個啦！生多個囡囡好呀！ 祝妳早已好返晒！
回覆刪除我地同墨魚仔都拎0左 2個 出世紙copies~~~ 唔想生多個呀? 哈哈, 我一生完就同墨魚爸爸講, 原來生仔唔係好辛苦, 要快 d 追多個!!! (可能我傷口又埋得好啦~~)
回覆刪除我都成 2 個幾月先埋好返，因為我生左肉芽，之後仲要寫紙排期去瑪麗睇，不過去睇果陣已經埋好晒沒事呶~~~ Cary 放心啦，好快好返架喇~~~
回覆刪除你都好穩陣喎，有3張copies。我都係幫卓蔚攞左兩張，一張放左係婆婆度，但上次取passport時，我寄左一個copy去申請，但到我帶卓蔚去攞時，個職員同我講，小姐你呢張出世紙同申請那張number唔同喎！咁你係度俾錢copy呢張啦！
回覆刪除...我今日都返咗QEH睇Dr. Wong呀, 仲剪咗幾個線頭出來...痛到死咁滯呀 希望無手尾跟啦~ 我都拎咗2張出世紙呀, 你拎三張咁多呀?
回覆刪除Cary 辛苦你啦，估唔到順產的傷口更痛... 反而我係開刀，肚上個傷口在出院前已拆線，貼多一星期防水膠布，再返醫生診所度洗多次傷口就無野lu，唔使再理。宜家只係間唔中感到肚裡仲有少少痛 (因為肚裡的傷口要幾個月至半年先會埋哂) 你唔好咁擔心啦，我相信你會好快好返o既！
回覆刪除唔想生呀？我一生完出黎就唔記得個種痛了，hehe!不過當你睇住珏霖 健康，快樂成個陣，你可能諗法又唔同架啦！
回覆刪除我今日同貓貓一齊返 qe, 都拆左一條線出嚟呀......
回覆刪除hope your wound will get better soon la. I also had the same problem at the time!
回覆刪除我個傷口呢幾日都好痕呀 見到你地個傷口都有問題, 搞到我有d擔心
回覆刪除Me too ! 你都好d, 當我睇完余醫生,佢話我側面個傷口(吾知點解係側面)爆左線 ! , 所以勁痛. 線頭凸左出黎, 佢同我拆左線, 但要浸藥水(1日浸3次) 同要食抗生素 ! 已經睇左2次, 希望吾好要再聯番針 ! 因為驚驚,勁痛 ! 祝大家傷口 快d 好番 !!
回覆刪除cary - 妳真係要好小心處理個傷口, 我相信枝藥水是紫色加水稀釋, right 我上次因傷口太深加身體對d線不okay, 要拆線+洗傷口 (因傷口已發炎, 係醫院住足14日, 才可以再做手術-重新聯過 ). 妳現在要make sure下身常清潔及乾爽, 否則好易發炎. 我個時係病床日日照燈, nurse幫我洗傷口及自已勤d浸藥水, 好艱苦捱過住院非常沉悶的日子.
回覆刪除cary, 唔好因為個傷口而唔生第2個呀........睇妳地, 都係qe 既手勢差咋, 下次去第2間生咪得囉....... 不過政府既野, 真係好睇彩數
回覆刪除HI，第一次留言 你有无试过浸盐水呀？ 搵D粗盐溶 喺 温水里，然后个伤 口 浸入D盐水度，好快会好返架喇！我 喺 两个B坐紧月时都系用呢个方法都OK 你不如试吓
回覆刪除係邊間人民入境處呀...好小人既....我果次真係好慘/......等好耐呀,又非非非常多人........
回覆刪除ｂｂ個眼好大啊，仲有黑眼珠好大好大．．．．．好得意
回覆刪除