突然間發現有好多朋友仔都好耐好耐無見喇~~~
好多mami都話要襯baby未出世前好好enjoy一下自己嘅生活, 一出左世開始就會忙碌到暈, 而且一切都會以bb為中心, 瞓都唔得閒瞓, 莫講話出街, 見朋友.....
而家眨下眼已經33weeks喇, 只係仲有7星期, 我就真係做mami喇~~~
今日係度諗.... 仲有乜想做呀?? 就諗起好多朋友仔都好耐無見囉....
自從有baby開始, 就戒左夜蒲, 好多個生日party等嘅聚會都無去, 好多朋友仔都無見lu~~~ 原來人大個左, gathering嘅時間愈來愈少...., 往往都係生日, 節日....嘅理由先至會聚一聚....
喂喂... 乜原來我地只係酒肉朋友????
一唔出黎玩就連飯都唔洗一齊食餐?? 就唔記得左我喇?? 成日話搵我, 又唔見晒人??
或者人生嘅stage真係一路一路咁改變, 我呢兩三年嘅轉變都好大..... 結左婚, 搬離開左香港島, 而家有埋baby, 又無做miss....., 唔知道跟住又會點呢???
anyways, 我都好enjoy而家嘅生活, 只係突然有d掛住好多好多嘅朋友仔, 希望大家都好好地, 開開心心, 健健康康啦~~~~ 
另外仲發現自己其實多左一班一齊陀bb嘅mami朋友仔, 同埋多左好多bloggers朋友仔~~~~
人大了, 就更發現人情冷暖, 以前一大班朋友, 可能因為一次半次無出黎 gathering 之後, 就人間蒸發, 費時再搵你. 但響呢個時候, 你仲發現身邊還有一些, 少見面, 但也會打電話黎問候一下的, 就更要珍惜. 人生唔同階段, 身邊會有唔同嘅朋友, 可能有了 bb 之後, 就多了一些 mami 級的朋友仔, 因為大家有相同的話題, 話唔埋因為你班舊朋友個個也未有小朋友或未結婚, 所以開始同你無咩兩句. 又或到時佢地個個結哂婚有哂小朋友, 會再識得搵下你呢! 大肚婆, 每日都要開開心心咁過架!唔好諗太多啦!
回覆刪除結咗婚，生埋BB，真係人生另一階段的開始。以前我成日同老公同成班朋友玩天光，一個星期最少去一晚Bar，睇一兩晚戲，食一兩次飯，去吓卡拉ok添，但現在真係唔可以，一日都唔想放下卓蔚，卓蔚快四歲了，我都冇去過睇一次戲，飯就有食嘅，但一定要帶埋卓蔚，所以啲friend多數入大埔同我食。因為大部份的朋友都結婚生了BB，就更少聚會，多數只會在過年見一兩次。一聚埋，成班小朋友，真係勁嘈，但就好開心。好好享受你的生活！
回覆刪除喂喂...真架...一結咗婚就另一個階段，有埋小朋友又另一個階段架啦!!有時唔係唔想出，但人地覺得你有咗家庭後未必會出，就索性搵都唔搵呀 !! 我以前都好多朋友成日去蒲呀, 但結婚後就少咗好多出去啦，依家有埋BB，就更加啦!! 第二時BB出咗世我地真係有排忙呀，我呢排都成日約D朋友出去食飯傾下計呀!!我要好好enjoy埋呢9個星期 !
回覆刪除好似突然間比你點醒咗, 等我都要唸吓有咩地方想去,有咩朋友想見,有咩野想食,趁呢幾個星期做哂佢先得,遲d就真係唔係話咁易, 好似講到自己就咩咁......睬睬睬
回覆刪除唔緊要啦，如果真係朋友既，幾時見番都無問題。相反，酒肉朋友見唔見都無所謂啦。第時湊阿b都不知幾充實阿!
回覆刪除係呀,好似出去食飯咁,個個輪d抱阿B我先有得食咋
回覆刪除Cary...真係忙到暈呀..
回覆刪除唔好擔心咁多, 當你第時見到BB嘅時候, 你就會咩辛苦咩唔開心都唔記得嫁喇
回覆刪除唔好想咁多.....人一大了,朋友自然少了,因為你會選擇. 我同老公一指拖已經係二人世界啦....真係名符其實"重色輕友"呀!!
回覆刪除我自己自從生左ｂｂ之後，其實反而更加覺得身邊既朋友對我好好，去邊都唔介意就一就我，又肯上屋企接我車我，真係好溫暖！
回覆刪除最緊要係個心, 就算好耐冇見, 依然係關心架......
回覆刪除We all have different stages in our lives, and very often the friends we have at a certain age are different, or they come and go. Of coz, you will have a few whom you keep for a longer time. there will be time whereby when the baby is there, you will be very busy, and wonder where your old life is. Just remind yourself that the toughest time is the first few years. Afterwards, things will change. You will always be a mother, but by the time the child is older, you will have your own life back again in a certain way. But enjoy now your freedom before your baby takes control of your time
回覆刪除各位bloggers, 我呻下之後收到大家咁多咁詳盡嘅回應好窩心呀~~~ !!其實我都明白人生唔同嘅階段總會有唔同嘅朋友&生活嘅~~~ thanks~~~
回覆刪除