連續作反兩晚嘅"反清清地dinner聚會", 繼ruby tuesday之後, 星期五晚又去左pizza hut!! 
而且仲係同另外3個大肚mami一齊去!! 
由於佢地怕羞嘅關係, 所以大家可以見到我係同大左肚嘅Hello Kitty, XO同埋MIFFY一齊去食咖~~ 
大家都係7月mami, 大家個肚都差不多40吋喇~~~, 大家一邊食一邊傾, 眨下眼就2個幾3個鐘頭喇!! 好happy~~~ 
!! 多d約埋我一齊食飯啦!!
4個咁大個肚嘅大肚婆一齊食pizza都好壯觀好驚人咖, 哈哈~~ 我地其實可以叫8人餐, 因為實際上有8個人係度!! 
而且咁啱我地4個陀住嘅係2個仔仔同2個女女, 所以一經比較, 終於明白中國人話乜野"陀仔個肚就尖d, 向前d"而"陀女個肚就橫d喇"!! 原來真係有d唔同咖!! 好得意呀!!!
我地4個都打算順產嘅會去QE生, 如果可以差不多時間一齊生一齊住同一間2等房就發達喇!! 
希望所有0707 mami都好容易好輕鬆好舒舒服服咁過埋呢幾個星期bb係肚入面嘅日子, 然後又好容易好輕鬆咁就生左bb出黎, 跟住bb又好好揍好乖食奶奶好叻..........!!!
好犀利呀! 四個孕婦去Pizza Hut踩場! 仲要大家都係七月生呢~~
回覆刪除勁呀
回覆刪除好得呀, 四個大肚媽咪一齊出動。震撼全場呀
回覆刪除其實應該叫個八人餐呀
回覆刪除好震撼既場面喎...................
回覆刪除你都係參加bk媽咪會阿？我都係阿，我地16/6都有聚會阿，有成10幾個8月媽媽添阿，到時肯定都好誇張阿，哈哈。
回覆刪除勁呀! 四個大肚婆出動 街嗰D人有無望住你哋呀
回覆刪除好勁呀，4個大肚婆一齊出動~~~
回覆刪除如果我在街上見到四個大肚婆一齊行, 我一定會讓路!
回覆刪除嘩！妳個肚大左好多好多喇！仲有一個月左右咋！
回覆刪除去威都做乜唔叫埋我呀 哼!!~
回覆刪除巨寶大寶小寶寶 : 等待你616聚會d相~~~ 騫佑媽: 咁啱嗰次係qe mami聚會嘛~~ 下次約埋係啦~~~
回覆刪除真係好勁呀!!!!!
回覆刪除