尋晚老公返夜, 我自己一個瞓得好差
!!
瞓唔著眼光光好耐, 瞓到又瞓唔林....., 好快就天光6點幾要起身去監考....
... 好似無瞓過咁.....
我習慣去食一個早餐先去監考, 以免餓親仔仔
, 今日都唔例外, 不過就唔多有胃口...
食完就去試場啦!! 去到都係例行公事咁派下LABEL..., 派下卷, 然後又係坐係度睇住佢地考BIO!!
好悶, 好眼瞓, 加上個胃頂住頂住, 好唔舒服, 最後決定去TOILET試下嘔....結果好容易就嘔番成個早餐出黎喇
!!
嘔完舒服番好多喇!! 下晝返去同老公瞓左個晏覺, 夜晚去yoga都ok喇!! 
我發現我每次嘔都好似係瞓得唔好唔夠
, 再加上baby又真係愈來愈大, 頂住個胃, 所以解決辦法就係.... 瞓多d!! 
!! 威威, 辛苦你喇!!
唔知道第日bb出左世, 要揍住佢, 無得瞓我又會唔會嘔呢 ??? 
AIYA,你休息多d喇.....
回覆刪除如果食完野個胃成日頂住頂, 不如試下少食多餐丫...咁樣會好d架! 你放心啦... 當bb出左世, 你會發覺自己會突然變成女超人.... 唔駛瞓唔駛食都有無限精力去照顧bb! 我奶媽而家諗番都唔明點解當時咁勁!不過有人話餵人奶的媽媽會分秘一d 神奇激素(唔記得個名)令奶媽就算好小休息都可以好有力能去照顧寶寶, 唔知係咪真! 你有考慮餵人奶嗎!? 真係有無限個好處呀!!
回覆刪除我都好耐毋嘔啦，你休息多d啦。
回覆刪除你仔仔都好錫你喎，要你唔好咁辛苦，休息多啲。
回覆刪除我當初又係一唔夠訓就會想嘔，又成日訓唔好。 唯有自己好想訓的時候就訓多ｄ啦～ ｂｂ未出世之前真係要爭取多ｄ時間休息架！
回覆刪除咁你試吓唔好食咁飽睇吓會唔會好d!!
回覆刪除做乜眼光光呀?? 心情緊張?
回覆刪除咁大個肚仲有得嘔??
回覆刪除cary: 要休息多些呢. ..嘔又真係好辛苦! 我上星期六先又嘔完.
回覆刪除你試下少食多餐會好d架，每餐唔好食到飽晒，7分飽就可以，果陣我都試過飽過龍，個胃頂住頂住就成日去嘔。
回覆刪除好開心你有睇我個blog呀...!! 其實你而家BB幾大呀...??
回覆刪除msquare/ ISABEL mama: 知道!! 我一定會申請瞓多d!! 哈哈!! 乜都唔做
回覆刪除巨寶大寶小寶寶/雅妮媽: 我反而開頭一次都無嘔過呀!! 係7個幾月先試過嘔一兩次咋! 可能真係比bb頂住 !
卡娃囡王奶媽: "當bb出左世, 你會發覺自己會突然變成女超人" !! 講得好好呀!! 我都好希望會係咁!! 我會喂人奶咖!! 希望會成功啦!
墨魚媽媽: 唉....陀左bb之後其實成日都唔係幾瞓得好... !! 遇著要一早起身就好辛苦.....
豬媽媽/sasa: 我已經試緊"少食多餐"咖喇!! 唔係食得好飽, 不過可能瞓得唔好, 個胃根本未開
卓蔚媽: 哈哈!! 仔仔知道佢出左世我會全力照顧佢, 所以要我而家抖定多d
peony: 你又嘔呀?? 你成日失眠, 可以攰到嘔!! 希望你飲完中藥好d啦
sze: 你好呀: 我睇左你個blog好耐咖喇!! 希望你同仔仔都健康開心!! 我bb而家31week喇!!
我未致於嘔呀, 但呢排好多胃氣同我胃開始成日都唔舒服啦, 我諗我好快步你後塵....
回覆刪除嘩 ～ 搞乜呀 ．．．．無陰功囉
回覆刪除頂多陣子啦..bb出世後就舒服晒傢喇~~~~ 加油!!
回覆刪除oh.... no...... 呢期可能我地個肚大左, 個胃頂住左, 搞到食飽飽個胃都有d痛, 老公話可能阿b踩我個胃
回覆刪除到時你得閒c都唔得嘔架, 仔仔出左世只會越來越無時間, 所以坐月之後wet多幾個月又困身返, 因為bb到時唔單止食奶, 又要粥仔, 糊仔咁 ~~~ 而家, 有得訓盡訓啦, 你見到我就知幾慘 ~~~
回覆刪除Sheena媽講得arm呀﹗
回覆刪除hihi...long time no see la... agree with Jessica: 依家有得訓盡訓啦....第曰湊可能連都嘔唔得閒...
回覆刪除哈哈...出左世, 到時忙到嘔就有你份...
回覆刪除