今日又係返去QE覆診嘅日子~~
老公要返工, 表姐陪我去
!!
2pm booking, 2:40已經走得喇! 
出奇地快呢!!!
今次個醫生大年紀少少, 仲好好人, 起碼都有望下我
!!
我問佢會唔會同我check血糖, 因為我見好多0707mami都有做飲糖水test, 醫生話我咁嘅年紀, 又無家族遺傳, 而且check小便都無超標, 所以血糖高嘅機會好微, 唔會check喇!!
而我手腳又有少少水腫, 手指d關節有少少痛
, 佢話唔怕咖, 生完就無事咖喇!!
之後約兩星期後再去check up!! 嘩...好快又要再去喇.....!!
離生bb嘅日子愈來愈近, 見醫生就愈來愈密喇.......!!
好多人問我地點解見左bb咁多次, 照咁多u/s怕唔怕咖!! 我地問過醫生, 超聲波係完全無問題嘅!! 放心!
而照baby嘅次數其實都係照住醫生嘅吩咐之嘛, 之後連私家醫生都係要2星期一次, 嘩... 好貴呀
!!!
你幾時開始2星期睇一次呀?唔知點解我已經要2星期睇一次啦!! 原來你驗小便無超標果D, 就唔會再幫你驗架啦! 咁我老豆都算好帶挈囉!!
回覆刪除美女阿，你book左生產知多少未阿？還有位嗎？我聽日準備殺上去报架啦。
回覆刪除蘋果媽媽生妹妹之前，都成日要去贊育檢查，不過啲醫生成日都好快，有時只係睇一眼就已經知道無事 ；所以媽媽都有去照私家，爸爸話媽媽生我之前最少每個月去私家照一次，始終安心啲 ～
回覆刪除Cary ,您係o米係QE 生 ar ~
回覆刪除你驗左小便無事就唔會再叫你檢其他野, 我果時都係檢左2次血糖之麻, 至於腳腫就一定會, 話晒你個肚都有番咁大, 生完好快就會無. 你而家2個星期睇一次, 你會覺得時間好快, 好快就可以見到你個 bb 喇~~~
回覆刪除但係唔知點解我o果時要驗三次的....我第三次結果都無事o架.... ？唉....但係我四個月就驗到有糖尿....要我介口介到生為止.....都唔知幾辛苦呀....見到想食咁野.....都唔食得.... ﹗ 不過我覺得驗o左無事....其實都要注意一下飲食的....最好都係唔好食太甜野啦.....如果唔係現在無事....可能將來就麻煩o架啦.... ﹗
回覆刪除我06年10月時0係健康院做糖水test時, 姑娘話孕婦7個月左右就要做喎~~~可能 e+ "資源唔夠", 政府慳番唔做啦~~~
回覆刪除我果時d手指痹到不得了, 生完之後都隔左差唔多個幾月先好返咋......真係好辛苦架.
回覆刪除CATCAT, 係呀!! 如果屋企人有糖尿就要test! 不過test左安心d喇!
回覆刪除巨寶大寶小寶寶: 我book左5月29日!! 你電話book都ok咖!!
蘋果媽媽: 所以我都係私家政府兩邊睇!! 政府去咁密好似有d waste time! 不過無所謂啦!! 去多幾次就生
欣琋爸：如何順產就應該係喇！！
katherine: 希望今晚去yoga會無咁腳腫啦!!
墨魚媽媽: 都有可能!! 而家太多人生bb喇!! 希望到時有得陪產...
money: 我都好怕要被迫介口, 自己守下行為好d!!
藍藍媽: 手指痹同痛真係好辛苦 !!你幾時開始痛？？
你有冇用大枕頭墊住小腿以下既部位呀？果時我有左，成日都墊住小腿，「long」高對腳少少，連坐住都會「long」高對腳，所以陀左咁耐對腳一d都冇腫過呀，你試下丫﹗仲有，食少d鹽都冇幫助架﹗
回覆刪除食少d鹽都有幫助至真，又打錯字。
回覆刪除cary : 政府樹係咪已經冇得照u/s呀? 我都話啦...好waste time.
回覆刪除政府真係好鬼晒時間, 我決定3個星期先去睇一次, 寧願c+睇密d.......... 你試下sleep既時候"long"高對腳, 我個日又係腫到行路都覺得對腳重, 夜晚long高對腳, 去左幾次toilet vv, 對腳就無咁重了.........
回覆刪除cary：我今朝一早未看得切你的留言已殺左上去，哈哈，不過都好開心，因為我book左16/5，星期六來架，老公可以不用請假～
回覆刪除我生小瑤B之前都係QE覆診, 但每個月都去私家照一次, 生之前個幾月都係2星期一次 ... 唔見下BB好似唔安落嘛!
回覆刪除我兩次懷孕都試過小便有糖﹐兩次都要飲糖水驗血﹐陀軒軒果次仲fail左﹐要響診所坐幾個鐘頭飲糖水抽幾次血﹐妳真係唔好恨呀﹐好慘架﹗ 如果妳隻結婚戒指本身已經好緊的話﹐考慮除左出黎先﹐我果陣一腫起上黎﹐除一定除唔到﹐幾乎鉔到隻無名指無血到﹗ 我地呢邊對超聲波既講法有少少唔同﹐通常人地係話﹕無證實到有害就假設係安全﹐但美國既講法就係要證實到真係一D影響都無至算係絕對安全﹐加上燕梳關係﹐無必要既話只准做一次超聲波﹐其實我都同意架﹐受埋受埋D超聲波﹐可能令BB蠢左少少﹐或健康差左少少﹐實際上係證實唔到個喎﹐就好似使用微波爐一樣﹐未證實到有害﹐係咪等於完全安全呢﹖我陀BB時一開著微波爐會即刻彈開﹐以防萬一﹗所以我自己覺得少照為妙。呢個純粹我個人想法﹐無咩根據﹐希望無嚇親妳﹗
回覆刪除