2007年3月12日(註冊2週年) - 迪士尼(2nd) + dinner

平時我地兩個傻人都會周圍去影相同玩, 註冊2週年咁大日子當然唔例外啦!!

都唔知道去邊度好, 老公就提議不如去多一次 迪士尼啦, 上次都未玩晒!! 又好!! 所以我地又出發喇!!

又係係青馬收費廣場轉車, 好大風呀

認唔認得Wedding Monchhichi爬嗰座山呀!!

去到disney門口, 等待中......!!

等乜呀!! 等maggie小姐帶我地入去囉!! thank you!!!

佢話我唔似大肚婆喎!! 嘩!! !! 已經好大個肚喇喎, 比你摸下啦

一入到去就見到pluto同高飛狗喇!!! 即刻過去同佢地影相先!! 見唔見到我掂高飛條鬍鬚??

即刻就比高飛捉住我隻手喇!! 其實我之前仲拉布魯圖條脷!! 哈哈, 臨走比高飛打patpat!!

之後去同donald duck & daisy影相, daisy好眼利, 排隊時已經用手勢問威威我係咪有bb!! 所以一行過去就比佢兩個係咁摸baby喇!!

仲捉埋老公摸baby添!! donald duck仲用手勢表達要威威好好地對我同baby!! 老公你鈎左手指尾咖, 記住呀

跟住我地去左睇米奇個show!! 然後就去睇stitch喇!!

哈哈!! 好似樣

跟住又去左睇winnie the pooh!! 坐hunny pot!!

之後, 我又肚餓喇!! 所以食左一隻20蚊雞脾!!

叉完電繼續玩!! 去左睇3D!!



玩左旋轉木馬!! 原來好多年都無玩過喇, 不過好似有D暈暈地

跟住見到POPCORN又好似好好味, 為食貓又食喇!!

再行埋"幻想世界"! 影下合照

最後, 臨走見到CHIP & DALE!! 又影一張相 

跟住我地就離開左DISNEY喇!! 下次去應該係帶埋BABY喇!!!

點解我地唔睇埋煙花呢?? !!因為老公同我去Candle light dinner!!

佢帶左我去銅鑼灣Galano!!

首先有生蠔, 我試左少少咋

頭盤有芒果汁三文魚同我嘅至愛 ceaser salad!!

哈哈!! 睇下威威個樣就知道個三文魚味道如何啦!!

.

到main course喇

老公叫左個"荷蘭牛仔扒", 都幾嫰口, 幾好味

我有個大蝦帶子意大利飯, 好正!!

最後嘆埋杯drink就返home lu!!! !!

下年有baby一齊過lu!! 唔知道我地仲有無得出去二人世界呢!! 或者同baby三人行一齊慶祝啦