跟住會點呢???

失眠.. 在我的字典裡很少出現的...... 或許未算失眠, 只是未瞓得著便靜靜地爬起身想寫低個腦入面嘅野

臨瞓和老公談了一會, 談我腦海中不斷出現的問號

, 佢話抖下先啦! 唔好急住諗啦!

我都想...... 但好似控制唔到咁......

一直以為自己的理想是"唔洗做", 但辭職十幾日就好似唔知點咁...... 唉......

可能都係放唔留d小朋友! 一直本住我好鍾意細路仔嘅理念, 讀完IT就即刻開始教書, 開頭只教電腦無得改簿仲覺得若有所失...... 到讀完cert edu.教數學, 考完基準教英文, 一步步地實踐自己嘅夢想, 每日對住好可愛嘅小學生, 都好有滿足感好開心!

但係原來教書的是要十項全能的, 要有無窮無盡的精力, 每天要極有效率地改好d簿, 做足本份教好書, 照顧好自己班的仔女, 再帶領不少課外活動, 有大function時要排戲排舞做board做服裝做佈景做司儀....... 嘩!!!!! 好累好stress!! 是我無用handle唔到壓力嗎?? 我真的會回家大喊......

加上每天晨早7:30已經開始, 最早5:00離開的工作時間, 及有時太長太沒有成效的會議......., 如果要再承擔再高一層次的行政工作, 多謝賞識了, 我真的得嗎??? 有時候真的佩服一些放工後仍要去進修或工作至很晚還未走的同事, 你們的家庭呢?? 自己的仔女呢??

年中報讀了一個master, 但放棄了, 因為想有自己的時間, 陪老公, 陪朋友, 休息...... 人的生活應該不是只有工作的, 對嗎?

一直以來也沒有想到自己會願意離開這行, 不... 也有想下, 但只是想想.... 學期尾的一連串事件竟然令我決定了! 是時候嘗試一下其他工作或用時間想清到底想點了, 時間愈長愈不可能, 唔通三四十先試....

一直想報讀"遊戲治療play therapy"的課程,就不到時間, 現在终於報了一小個, 但在香港能發展及學習的空間又實在有限, 擔心...

 要先進修psychology嗎?

想試做一些其他與小朋友有關的工作, 教自閉小朋友的firm? 補習? 開補習社?

做IT工作我不想...... 爸B替我找到一些教科書編輯的advertisement, 又好似離開我想對住想接觸的小朋友很遠, 點好呢??

um... 聽老公話...... 抖下先啦! 唔好急住諗啦!

如果睇完嘅你有提議記得留言比我呀!!