開開心心跟爺爺嫲嫲大特訓

好長嘅特訓代號呢~~~

其實原本想叫做"唔好咁痴身"大特訓嘅~~~

不過, 想positive d, 正面d, 唔係愈講仔仔愈痴身....

所以叫做"開開心心跟爺爺嫲嫲大特訓"啦~~~

呢兩日日頭, 都帶左仔仔返去爺爺嫲嫲屋企!!!

尋日mami就離開左兩個鐘頭, 返左屋企執下野, 洗下野!!!

今日mami又走左個幾鐘頭, 走左去銀行!!!

目的就係等仔仔豬試下跟住爺爺嫲嫲, 唔好剩係要mami!!!

仔仔當然有大喊搵我啦~~~ 不過, 我都唔在場, 扭都無法啦!!!

尋日喊左半個鐘頭!!! 今日好d喇~~~ 兩三個字!!!

如果我係度真係會好心痛好唔忍心呢~~~

辛苦爺爺同嫲嫲努力抱住哄住呢個一大喊就反晒腰, 合埋眼乜都唔理嘅孫仔喇~~~

希望仔仔豬會開始明白mami未必日日夜夜24小時都可以攬住佢, 但又知道mami唔見左一陣之後就會出現番抱番呵番佢!!!

遲d可以等mami放心d放低佢同爺爺嫲嫲一齊, 唔見mami嗰陣就同爺爺嫲嫲玩下先, 唔洗喊到咁悽涼, mami自自然然就會出現番咖喇!!! 乖乖~~~

我已經好耐無泵過mama milk出黎喇~~~ 可能遲d又再泵番一d出黎, 睇下我可唔可以離開長少少時間, 中間食一餐奶樽餵嘅mama milk啦~~~ 呢個係特訓嘅下一步~~~

仔仔玩緊爺爺買比佢嘅玩具~~~

而b頭係老爺奶奶度都好習慣同好乖乖咁~~~ 每次返去都會同佢玩番晒佢d特技, 佢真係好叻叻呢!!!

而樓下嘅平台又好大同埋好好行, 可以同b頭多d落去散步呢!! 今日同埋老爺&仔仔一齊散步都好lumlum~~~  加油呀!! b頭, 要做隻乖乖狗呀~~~