發酒癲???

尋晚仔仔發酒癲???

唔係奶媽偷酒飲呀~~~ 唔好鬧我住呀~~~

事情係咁嘅:

尋日我地一家人係老爺奶奶屋企dinner, 爺爺好高興, 臨食飯前倒左杯陳年xo嘆下~~~

當時仔仔同我地一齊係飯枱, mami抱下, dadi抱下, 爺爺又抱下咁~~~ 嫲嫲煮好飯我地就一齊食啦~~~

點知..... 仔仔豬發晒脾氣大喊, 平時mami出手就會收聲咖啦!!! 但係今次mami抱住都唔掂 , 好忟好惡c咁!!!

情況愈來愈嚴重!!! 唔只大喊, 仲不停一聲又一聲咁尖叫添~~~ 咁mami就抱佢入房以為佢扭眼瞓or扭唔知乜啦!!! 扶住佢坐係床佢仲忟添~~~ 發脾氣meet自己d腳指!!!

繼續一聲又一聲咁尖叫.......嚇到我地c..... 唔知道佢係咪整親或者唔舒服.....

突然....

爺爺話: 死喇~~~ 唔知道係咪飲完酒又抱佢又同佢玩, 整醉左個孫呢???

我地睇真d, 阿仔又真係有d似發酒癲喎!!! 咁就比d水水佢飲啦, 都係唔冷靜到!! 最後就比mama milk佢飲, 安撫番佢, 慢慢就瞓左喇~~~ 

然後返home冲涼涼瞓覺都ok喇~~~ 今日再觀察左一日都完全正常, 無事發生過咁喇!!!

其實都唔sure係咪真係發酒癲咖~~~ 可能佢只係唔鐘意酒味好忟!!! 又可能咁啱唔知道有乜令佢唔happy!!!

不過, 真係從未試過見到仔仔咁樣...... 真係嚇到我地呢.......

可能幾十%嘅酒精真係會影響到bb呢~~~ 大家mami都係小心d啦~~~ 如果飲左酒就唔好抱bb&同bb咁親密住喇~~~ 到底酒精會唔會through空氣or皮膚傳到去bb度呢??

唔知道呀~~~ 總之無事就好喇~~~ 爺爺都唔好內疚啦~~~ 大家都唔知亦無人想!!! 下次小心d咪得囉~~~ 

仔呀仔~~~ 乖乖~~~ 鍚番~~~

咁驚嚇嘅時間我地無影過相呀~~~ post番之前放仔仔係佢自己晚晚都瞓嘅床仔個角落頭嘅相先~~

好傻瓜樣呀~~~

咁樣打開件衫好"麻甩"呀~~~ 哈哈~~~

睇街街食手仔~~~ 幾嘆~~~