今日同仔仔去健康院做4個月大嘅發展檢查~~~
原本預左daddy一齊去咖, 但係daddy威威有野做, 於是得我同仔仔兩個自己去~~~
諗住成日自己帶仔去街都係咁啦, 攪得掂啦~~~ 點知....... 好鬼混亂呢........
同佢磅重就最辛苦, 開頭揹住個仔, 又揹住個袋, 要解左條揹帶, 再放好個袋, 同個仔除晒d衫, 除片片, 剝光豬, 仔仔豬又啱啱瞓著又醒... 忟到c... 係咁喊....... 跟住又要著番衫, 又要攞住個袋, 又要攞住條揹帶, 再抱住個仔........ 辛苦到傻....... 
原來我呢個烏龍mami上次自己同佢磅睇錯左
, 仔仔豬只係16磅~~~ 唔係17磅呢!! 100個bb入面排75~~ 不過都好滿意喇~~~
而發展檢查呢, 就係用件玩具試下佢會唔會睇住, 而且個頭會唔會左右轉, 再試下佢左右手會唔會揸住件玩具!!! 當然仔仔豬全部pass啦~~~ 
我又問姑娘仔仔而家有時仲係隔兩個鐘頭就扭食奶奶, 有時眼瞓又扭食奶!!! 到底比唔比佢食好呢??? 佢話都係feed on demand!! 不過可以試下盡量隔耐d, 唔好一扭就比佢食, 不過係唔會食濟嘅. 次次扭就比佢都無問題, 只係mami會辛苦d! 
姑娘問仔仔扭眼瞓食奶時係咪啜幾啜就瞓?? 我話都唔係咖, 佢都好努力啜咖, 一路啜一路瞓咖!!! 姑娘佢咁仔仔豬係"嘆奶"喇~~~
可以試下比d代替品佢, 我話我試過比奶咀.....不過佢而家乜都唔肯要喇~~~~ 死喊大喊到得到想要嘅野為止~~
佢叫我試下比毛巾佢......
而至於食唔食得粥水呀.... 米糊呀...... 姑娘話而家世衛都係話6個月先開始比bb食其他野, 因為佢地d腸胃其實未ready晒.... 咁...好啦.... 遲少少先啦
仔呀仔~~~~ 你乖乖啦~~~~ 唔好成日扭計喇~~~ 唔係mami殘忍d比你喊咖喇! 真係好攰喇! tomorrow先同你去打6合1喇!! 希望打完都好舒服好lumlum啦!!!
ps: 各位blogger mami呀~~~ 我而家好想買張bumbo比仔仔等佢可以自己坐, 唔知道會唔會乖d呢? 可以好安全咁坐定定自己玩呢?? 你地用過好唔好用呀?? 唔知道點解尋日係toysrus見唔到嘅??? 可以用幾耐呀??? 值唔值得買呢??
有時阿仔我都由得佢喊一陣...佢一喊我即抱的話，真係搞唔掂...我見forum d 媽咪都話唔好即抱，一喊就抱，第時個b 會勁癡身...
回覆刪除Bumbo seat recall !!! Be careful
回覆刪除http://hubpages.com/hub/Bumbo-Seat-Recall
我有一次都係一個人去~我就唔覺好辛苦~可能我帶得小野啦~ 只係等藥個時~軒軒哭左陣有點手忙腳亂~因為佢個時好細只可以打橫抱
回覆刪除我家妹妹呢期又好怪, 日頭可以隔好耐先食, 頭先我8點幾比佢食, 宜家11點幾佢又唔醒又唔扭食, 真係一時時
回覆刪除你一個人去健康院咁叻啊....! 我同煜昇mammy次次都兩個人去先攪得掂隻怪獸啊!
回覆刪除我個大女女以前唔係坐好耐，佢坐嘅時候都一定要我們在她視線, 無法把自己的目光從她身上移開，否則她會大喊;因此張bumbo唔係太值太耐用。
回覆刪除你好叻叻呀...可以飲媽媽奶餵到而家...我就餵左一個月咋
回覆刪除你係全職媽媽牙???? 好羨慕啊~~
Bumbo係美國好似話回收緊喎！因為好似話有幾個BB坐Bumbo跌到,仲跌到頭骨爆裂好嚴重,不過HK有無回收我就唔清楚(因為我張Bumbo既單唔見左,所以就算回收無左張單都唸住唔得)我只叫左賓賓姐姐唔好再比bebe坐,所以而家我張Bumbo都係掉埋一邊咋！
回覆刪除我諗要bb自己坐定定係好難的,
回覆刪除等過多幾個月, 可以坐學行車丫~ 佢可以周圍走就唔會扭..到時你會得閒d...
雖然話坐學行車唔係咁好.. 不過真係好方便ga
其實六個月大先餵糊仔係真係最啱! 係經驗之談, 姐姐弟弟都係足六個月先餵cereal, 完全無其他大人食物, 否則怕食咗有味嘢咁d無味cereal, 無味奶奶就無食得咁好, 基本上媽媽連現成嘅baby foods都慳返, 怕防腐劑, 終之其實一歲前的bb最主要都係奶奶, 你有breast feeding 仲好啦! 仲有Bumbo seat recall 呀, 慳返! 其實你張high chair 都好好呀!不過最好只係食嘢先俾佢坐, 養成以後食嘢坐定定! 好似太長氣啦! 得閒再傾過啦!
回覆刪除張bumbo好似好細張咁，隻肥脾肥d都坐唔到喎!
回覆刪除我仔仲未識拎玩具喎！！！咁點算呀！！！
回覆刪除開頭個b一識坐,都想買架,但諗下諗下,又過多排,個b已識爬爬,佢都唔想只係坐喺度玩,所以好在無買,慳咗D錢買張地墊仲好!!!
回覆刪除我下個星期都要去健康院打針啊, 原本都唸住一個人搞得掂,但後來唸唸下都係唔好啦, 佢要食奶我就會好lei hai ,邊有咁多隻手啊, 同埋又要等攞藥,所以都係叫奶奶陪埋去好d,睇完你咁寫就一定要tim la
回覆刪除我個Tama仔4個月大係健康院磅都係16磅喎,不過睇落你個仔仔就好似高好多喇....
回覆刪除我係pump出嚟餵,1日4餐,每餐210-220ml,佢day time飲奶好準時,一定係9點,13點,17點,個tolerance係within 30 min,不過臨瞓嗰餐奶就可以係2100-2200時段任何時間,仲要好難餵.
個日我都有問過我mami, 佢話人奶bb真係會痴身d, 你試下搵條毛巾你揼少少奶上去, 俾佢索住, 可能會好d........ 有時bb真係可能想聞下你既味道得到慰藉
回覆刪除6個月先俾bb食其他食物.........小吉婆婆已經開始俾小吉試食糊仔了, 一日俾一兩匙佢試, 佢話等佢慢慢學下, 宜家佢都食得好好, 仲開始自己揸匙食, 不過當然食到一面都係~
我都唔可以自己帶bb去健康院!!
回覆刪除因為打完針又完拎藥......太多野要整唔可能我一個人攪得掂!!
好彩我到一歲先要再帶bb返健康院
bumbo我係荷花見有得買,但千祈唔好買,好細張+唔穩陣,我見另外有隻仲好,係綁住張 大人椅度的,又有安全帶又可以+枱,昇仔都有張,但坐唔得耐,因為bb鐘意四圍爬四圍企四圍"煜",都係學行車好d
回覆刪除我本來都打算買Bumbo Chair.....但宜家要考慮先lu...
回覆刪除好危險呢~
回覆刪除http://www.youtube.com/watch?v=6BtdKa4ybTQ
Cary- Bumbo呢排在美國要回收番晒,所以要全部收起停售.
回覆刪除所以遲d至買,啦..一定有更安全的新設計
嘩....... 張bumbo好危險喎!
回覆刪除你餵人奶個仔都咁大隻, 算係咁... 係呀自己同阿仔出街, 隨時遇著佢扭計都幾難頂, 有人仲要用好衰0既眼神"啤"你, 好似暗示你好抱0下個仔啦...喊到嘈生哂... 我都試過幾次...成個癲婆咁...
回覆刪除其實SHEENA 4個月時我已經有比佢食米糊, 你可以試下, 一日一兩匙咁...... BUMBO 就唔好買啦, 因為坐得唔耐, 最衰我果張借左比人 ~~~~
回覆刪除