珏霖仔四個月大喇!!

今日就係仔仔4個月大嘅日子喇~~~ 仔呀~~~ 你已經1/3歲喇~~~ 哈哈~~~

今次我地唔食蛋糕喇~~~ 出去shopping+dinner~~~ 係樓下影下全家幅先~~~

等dadi威威瞓醒(今朝先放工呀~~~ 陰公~~~), 就撘mtr出發去尖沙咀喇~~~

襯仲未天黑~~~ 係星光大道影下相先~~~ 阿仔坐車仔都好嘆呢~~~

不過有時都會扭抱番, 所以我而家開始向前揹佢~~~ 仔仔好鐘意咁揹呢~~~ 可以睇好多野~~~ 好興奮咖~~~

晚餐我地去左呢間~~~ 之前銅鑼灣嗰間無左.... 今日見到TST呢間, 即刻行過去試下... 點知.... 都無晒我以前鐘意嗰D野lu....

不過一樣食得咁happy~~~ 食飽飽仲放左仔仔上枱添~~~ 哈哈~~~ 仔呀仔~~~ 咁影法你好"細粒"呀~~~ 哈哈~~~

之後去左行"反斗城", 太多野行喇~~~好多玩具都想買比仔仔呢, 不過好多佢都未啱玩~~~

最後, 我地買左呢樣小玩具~~~ 仔仔豬呀~~~ 大個仔喇~~~ 有時要自己玩下玩具比mami抖下咖~~~ 知嘛??  

4個月喇~~~ 聽日會去健康院檢查, 又要去醫生度打針針喇~~~

仔仔而家大個仔左好多, 好多野講, 好鐘意笑, 好墜手, 好大個肚dum, 哈哈~~~!!!

亦都好痴身...... 我地實驗過好多次, 佢真係一定要mami抱先安樂!! dadi, 爺爺嫲嫲.....等等個個抱佢一陣就ok, 過一陣就要大喊到我抱番佢為止...... 唉.....

而佢唔肯食奶樽同奶咀都一排喇~~ 因為得我自己揍, 佢埋身慣左... 所以... 我已經好耐無得離開佢抖下喇~~~ 不過, 同佢成日一齊周圍去我都好lumlum!!! 仲學識左遮住就周圍餵奶添~~~ 哈哈~~~

希望仔仔學識自己同自己玩多d同埋比其他錫你嘅人陪你玩耐d, 唔好我一行開一陣又大喊!!! 仔呀~~~你一需要mami, 我一定會即刻出現咖, 唔洗痴得咁實咖~~~  

至於瞓覺方面, 佢而家每晚都食11-12點奶奶瞓著, 到6-7點再食奶繼續瞓~~~ 之後食下瞓下到11-12pm至完全醒!!!我已經好滿足咖喇~~~ 希望愈瞓愈好喇~~~

嘩~~~ 打左好耐blog喇~~~ 要快d瞓喇~~~ 而家已經2am喇~~~ gd night