第一次去"磡"

我地今晚第一次去"磡"呀~~~ 靚唔靚仔呀??? byebye~~~

超級扭忟柴

唉.... 仔仔尋晚又起身扭計左幾次!!! 2點, 4點, 5點~~~ !! 而且, 一放番佢落床仔就醒番!!! 終於瞓左, 隔一陣又醒左再喊!!!

真係一家3口都好慘呢!!!  不過, 仔仔都唔想嘅, 佢應該係唔舒服先會咁!!!

又希望今晚好d啦~~~

天氣太乾燥喇~~仔仔豬冲涼時已經用左墨魚媽媽介紹嘅"豬油膏"咖啦, 之後又有搽aqueous cream水份cream!!! 不過個小腿都係好"鞋"呢, 好似有少少似濕疹添呀!! 點解呢??? 各位mami, 你地點幫bb保濕咖???

我覺得仔仔豬尋晚可能係好痕唔舒服, 所以瞓得唔好呢!!!

跟住唔夠瞓嘅仔仔今日就超級扭計喇!!! 唉......

我地過左爺爺嫲嫲屋企, mami下晝想瞓一陣都比佢d超級悽厲嘅喊聲嘈醒幾次!! 扭扭扭, 成日搵mami, 要做樹熊!!!!!

唉.... 好想明白佢到底做乜....... 佢成日同我地講野, 可能講左好多比我地知... 不過我地聽唔明... 唉.......

唔知道佢係唔夠瞓, 定係唔舒服???

係太乾燥唔舒服, 定係吽牙仔唔舒服??

個肚仔又係好似唔多舒服咁, 尋日又痾左3次!!! 今日下晝扭扭扭到頭先6點痾左一大餐, 就好似個人舒服好多咁喇~~~

唔通其實今日係肚仔唔舒服?? 而家仔仔豬都只係食mama milk咋, 所以應該唔係腸胃唔舒服o卦!!!

估估估....... 唉............ 真係無計..... 唯有希望樣樣都好d啦~~~ 快d乜都舒舒服服啦!!

係咪可以食"保嬰丹"??? 醫師尋日同仔仔check過, (check手指咖), 話佢無風無火!!! 仲讚我揍得佢好添呢~~~ 佢應該ok咖~~~ ,可能真係吽牙啦~~~ 唉~~~

仔呀~~~ mami好掛住成日同人玩, 成日笑, 自己瞓係度都好lumlum嘅珏霖呀!! 仲有晚晚好安樂咁瞓天光嘅仔仔呢~~~ 相信你有得瞓番好就會lumlum番咖喇!!!

鍚晒鍚晒~~~ 今晚好好瞓, 肚仔舒服, 皮膚舒服, 牙仔舒服, 樣樣都舒服!!!!

******************

而家又點寫到blog呢???

哈~~~ 因為我揹住左隻樹熊黎寫~~~

今日無影相喇~~~ 睇番嗰日咬牙膠video先啦~~~

跌打mami

尋晚仔仔豬4點幾醒左, 仲要係好醒好醒....., 扭到6點幾先瞓番!!

mami就抱住佢係床睇天光~~~ 陰公~~~ !!

仔仔就唔舒服好陰公.... mami就凍冰冰攬住個仔無得瞓, 又係好陰公~~~ 唉~~~

希望今晚大家都好瞓d啦~~~

而今日就幾左sfcc mama團(即係ada ee, edwina ee& alva ee 加埋gloria姐姐)出旺角shopping&lunch!!!

之後仲book左睇跌打!!! 因為mami手腕成日都痛~~~!! 多謝老爺特登出左黎旺角抱住仔仔陪mami睇跌打~~~

黎師傅好勁呢!!! 話其實大肚時d筋骨都會鬆晒~~~ 之後先慢慢復原, 不過好多mami都因為揍仔用錯力仲傷!!! 幫mami醫手腕之餘仲推拿埋膊頭同頸~~~ 舒服左好多呢~~ 哈哈!!! 生左仔仔之後無得上大陸按摩, 去師傅度推拿真係又平又正~~~ $180包好番~~~ hehe~~~

之後叫我去萬寧買個護手腕嘅野戴番3個月, 唔好比自己用錯力, 比d筋骨快d復原喎~~~ 戴左都唔係好習慣, 不過好似抱仔都舒服d呢!!! 唔知道其實仔仔而家有幾重呢???

黎師傅仲係中醫師, 一邊推筋, 一邊同我講左好多揍仔嘅野!!! 教我煲糙米水比仔仔飲, 好有營養又唔會涼!!! 我可能tomorrow會試下~~~ 有無mami試過呀???

要早d去瞓喇~~~ 好攰喇~~~ good night!!!

ps: 各位0707 mama記得留個日子, 星期六定日, 上晝定下晝!!! 幾大幾細!!! 我有時間就會組織同搵場地咖喇~~~ ^.^

pps: 今期baby-mo有gloria姐姐, 仲有2張相係同仔仔豬一齊嘅呢!!! 而且仲見到blog友大眼仔昇仔添呀~~~ 仲有玩具送!! 哈哈!! 有興趣就買本睇下啦~~~  

 

真係好痕呀~~~

仔仔豬嘅發牙痕真係超級嚴重~~~ 每晚一天黑就開始發作喇!!

個人仲好忟憎添呀~~~ mami買左好多款牙膠!!!  呢隻軒媽送嘅pigeon就最好咬喇~~~ 佢可以自己揸得好好同放到入口!!! 多謝晒呀~~~軒媽~~~

開始咬喇~~~

眼都大埋

好用力呢~~~

樣都變埋喇~~~

好似唔多止到痕咁喎~~~

再大力d~~~ 

好忟憎呀~~~  大家睇珏霖個樣feel唔feel到幾痕幾辛苦呢!!!

比個牙膠嘅樣大家睇下~~~ 真係好good咖~~~ 我見到千見店有得賣!!!

痕到想咬人添呀~~~

成晚都囉囉攣扭人抱住!!! 真係抱到手都斷喇!!! 好彩有ada mama借比我條sling!!! 可以借下力~~~

唉~~~ 好彩而家夜晚都瞓到天光, 無再辛苦到半夜要起身咁陰公!!! 希望快d吽到啦~~~ 呵番~~~ 鍚晒~~~ 乖~~~~

0707 BB Gathering??

哈哈~~~ 有好多0707嘅mami, 係bk比我吸左過黎yahoo blog一齊玩呢!! 而大家都成日想黎一次多人d 嘅gathering!!!

唔知道點解個個都話等我攪喎.....

其實我都未知係邊度攪好咖!!! 唔該大家比d意見先~~~ 我見有d bk嘅gathering好大型, 仲有sponsor添呢.....

好啦~~~

就暫時預定係1月攪啦~~~ 0707 bb們半歲聚一聚啦!!!

weekend嘅話, dadi威都可以嘅就係1月6(sun) or 20(sun) or 26(sat)~~~ (之前睇錯左)

um... 到底星期六定日好d呢??? 你地鐘意上晝定下晝???

0707mama你地自己報名先啦~~~ 睇下邊日最好啦~~~ 

記得寫埋邊日ok呀~~~

特別鳴謝蝦仔媽媽同gemini mama將0707mama大起底!! 因為bk個名同blog名唔同, 好多時都攪唔清楚d人呢~~~ 哈哈~~

hehe!!! link埋你地兩篇起底blog先~~~

0707大起底

0707mama yahoo blog友大起底

失敗的半天假

寫完仔仔豬吽牙仔無得瞓篇blog之後, 仔仔可能唔想mami做熊貓, 所以, 一覺瞓到大天光!!!!!! 果然係舒服舒服番~~~ 真係好喇~~~

由於有得瞓成7個鐘頭, 所以, 有好多mama milk, 咁就泵左出黎, 打算試下教番仔仔用奶樽飲milkmilk啦~~~

有得瞓番好覺嘅仔仔豬一早起身, 心情超級靚靚呢~~~

爺爺嫲嫲過左黎同我地食早餐, 玩得幾happy~~~

於是, 早餐後, mami就打算放半天假同dadi威威抖下~~~ 珏霖仔就跟爺爺嫲嫲返左屋企!!!

特訓完嘅仔仔而家好跟爺爺咖~~~ 不過, 奶媽之前最多都係出去兩個幾鐘頭就要趕返去餵奶奶!!!

如果可以係爺爺嫲嫲屋企食一樽mama milk, mami就可以離開最少5個幾鐘頭, 可以做下facial, 做下yoga!!!

我地諗... 如果mami唔係度, 而仔仔又真係肚餓, 應該都會肯食啦~~ 點知.................

4點20分, 電話到....... 奶媽當時係屋企瞓緊晏瞓!! 仔仔豬已經喊左一輪喇!!! 嚇到立即9秒9換衫飛的過去.....

原來1點幾食飽飽先離開我嘅仔仔豬......... 4點幾就搵mami喇!!! 應該係肚仔餓喇, 爺爺嫲嫲就比樽奶奶佢食啦!!! 哎呀~~~ 仲喊得悽厲!!! 試下用餵食瓶即係spoon餵啦!!! 都唔肯...... c都要大喊大喊.... 係咪以為奶媽唔要佢呢??

趕到過去, 喊到攰晒嘅仔仔就係嫲嫲懷抱中瞓左~~~ 好陰公咁呢.....

 

咁點好呢??? 無理由就咁放棄咖!!! 於是醒左之後, mami抱番呵番, 再試下用奶樽餵佢!!! dadi又試下, mami又試下!!! 唉~~~佢就係喊到傻左.....

睇下.......... 眼仔都腫晒.............

同佢講"唔好浪費mami d mama milk啦~~~ 好辛苦泵出黎比你咖"!! 佢個樣就係咁悽慘喇~~~

唉~~~~ 攪下攪下都成6點喇!! 成5個幾鐘頭無食奶奶嘅bb, 都仲係咁堅持~~~  明明肚仔餓到傻都唔肯~~~

結果..... 奶媽唯有屈服啦~~~ 入房埋身餵佢!!! 佢即刻食咖喎!!! 真係識分嘅呢~~~

mami諗起要倒左樽奶奶就心痛喇~~~ 不如試下"移形換影"啦!! 甩佢咀然後比個奶樽佢食, 話佢知兩樣都要食咖!!! 埋身又係mama milk, 奶樽入面又係mama milk!!! 呀~~~ 好d喇~~~ 肯啜喇!!

咁就再進一步, 過手比dadi餵!!! 都好好喎~~~

可惜..... 個奶樽入面得2安....(因為我地試左幾款奶樽... 唉)

咁再入番滿呢個樽再比佢啦........ 又喊過........... 唉..........

最後.......... 都係奶媽埋身餵番........... 佢仲好似有少少confuse, 當我奶咀咁咬左下添呀.............

都係唔好攪喇~~~~ mami等你遲d食糊仔先至再諗下放半天假啦!!! 而家都係做番full time奶媽, 最多離開你兩三個鐘頭啦!!!

ps: 我諗仔仔係有d吽牙仔, 因為真係發牙痕得好緊要, 而且又真係一日多左好多次便便, 有d bb好早就出牙咖喇!!! 唔一定6個月後, 而且唔知道吽幾耐先出到呢???

不過, 最緊要夜晚瞓得到, 日頭扭計d都唔怕啦!!!

仔呀仔, 加油呀!!! 我期待你第一隻牙仔~~~  舒服舒服!!!