瞓得好差.......SOS.....

好辛苦....  瞓完好似無瞓過咁....

係咪仲未習慣到側睡呢?? 定係個枕頭矮左d呢??

總之就向左瞓向右瞓都係唔舒服, 瞓唔'諗", 已經用左側睡枕同有好幾個枕頭比我攬同夾!!

點算好呢?? 好多書都話個肚愈大愈瞓得唔好, 但係仲有3個月喎, 一定有辦法o卦

跟住今日老公返中, 9點起身時我又醒左, 瞓得咁辛苦不如起身啦!!

然後babyplus完自己去左食早餐, 同落去圖書館還書借書, 係library又覺得頭開始有d暈..., 好似上次係church咁嘅感覺! 個胃又有少少頂住, 不過又未至於嘔!! 由於有上次嘅經驗, 第一時間走人返屋企, 返左黎抖左一陣又好似好d喇, 係屋企有安全感好多, 起碼唔怕暈係條街嘛!!

我已經唔係再去上次嘔嗰間茶餐廳早餐喇, 因為上次嘔完賴佢污漕!! 其實老公話我地食過咁多次, 應該唔關人地事!!

唔通我唔夠瞓出街會暈同作嘔?? 我都唔知呀!! 我都打算去而家迫自己瞓個晏覺, 抖下先!!

好彩而家全職陀bb咋, 如果要返工點算好???

其他mami, 你地瞓得好嘛??? 又瞓得唔好, 又要去返工, 點頂呀???