4月20日 - 改早左見仔仔!!

原定去完macau返黎, 4月26日先再去dr.wong度見仔仔嘅, 不過我近期都係唔係咁舒服咁!!

之前嘔過幾次啦, 然後又覺得暈左幾次啦, 跟住今個星期仲加多左一樣野,   就係下半身前前後後都有d痛!! 有時大痛, 有時少痛, 又唔係假宮縮, 因為摸個肚無變硬!! 有d擔心自己唔知道做乜

, 雖然知道仔仔應該無乜事, 因為佢成日都有踢我!! !! 但係又唔知道仲去唔去macau好, 所以都係改早左, 星期五見左dr.wong先!

一早10am就去到, 醫生未返,  大約10點40分就到我喇, 都好快!!

呢排成日都同仔仔講即叫佢

乖乖地比dr.wong照下個樣, 可以留番$700買野比佢, 唔洗再特登去照4d! 點知......!! 照嘅時候,醫生話佢好似隻樹熊仔咁攬住我!! 所以塊面同全身向住我地, 背住部u/s!! 剩係見到一隻耳仔...仲少過上次

....而家都考慮緊4月30日去唔去dr.lam度睇真d呢個神秘bb樣!!

 雖然無醫學價值, 但係過左30週就會太迫, 唔夠羊水around, 睇唔真bb個樣, 所以我地都考慮緊!!

其他u/s量度:

(1) baby頭嘅直徑= 7.43cm

 

(2) baby肚圍= 24.26cm

(3) baby嘅大脾仔長= 5.2cm

 

(4) 總結個報告!! baby今次有1240g~~ !! 喇

!! 2.7磅喇!! 比預產期大個左1 week!!

關於我唔舒服嘅野:

(1)about暈!! 醫生話大肚覺得暈係好常見!! 唔係突然黑晒暈低左就ok!! 因為個心要供血比全身加bb會咁... 要定時食野同埋空氣要流通d!! 一見暈就坐下, 瞓下!!! 唔知道我監考o唔ok呢??

(2)關於我個下半身painful, 佢話照過無腫瘤, 又無胎盤低, 所以係因為bb大個左, 個子宮會聚向下, 同有d腫, 所以下半身就痛!! 而有d人就會向上扯住, 咁就會變左胸對落, 心口頂住同痛!! 老公問咁我會唔會好番唔痛, 醫生話都預左會繼續痛..., 因為子宮會愈來愈聚....

唔係呀化???

(3)about側睡, 我話唔習慣, 瞓得唔好唔林...!! 醫生話唔洗全身90度側晒一邊!! 個肚仲唔舒服!!
用枕頭或豆豆袋放係右邊身下面, 咁瞓上去咪會微斜左向左邊, 咁就會似仰睡, 但又唔會成個bb壓住靜脈以致血液唔流通!! yeah!!

我尋晚試過, 好瞓d喇!! 大家都試下啦

另外問左醫生我下星期可以照去macau!! !! 少少暈唔怕嘅 !! 小心d就ok喇!! 下面痛就無計喇!! 希望bb會向上游番d!! 唔好太聚住!!所以威威已經book左hotel同tickets喇