尋晚出去dinner完, 老公話佢個胃唔係好舒服, 頂住頂住咁
, 所以大家都好早瞓左!!
今朝一早老公起身返工, 我爬起身睇下佢好番d未!! 佢話ok, 咁就走左去返工喇!!
我同baby仔就7點幾醒左瞓唔番lu!! 同baby仔玩左一陣, 佢踢下我, 我又按下佢, 佢又踢番我咁
!! 然後同baby聽babyplus, TM完, 再上陣網就出發去樓下茶餐廳食左個早餐, 食飽就出發去CHURCH望11AM嘅復活節彌撒!!
今日仲有4個BABY領洗添, 我開頭仲睇得好高興
!! 點知...... 企企下有D頭暈
......我仲諗唔知道係咪企得太耐呢, 於是我就坐下啦!!
然後...... 愈來愈唔對路..... 好暈好暈.....!! 頂唔住喇......眼花到好似就快會成個暈低咁.....唯有扶住離開聖堂, 走左去TOILET度嘔
!!
今次嘅嘔又唔同上兩次飽到頂住嘅嘔... 係暈到嘔!! - >!!
嘔完仲係暈, 坐左係個馬桶上面抖番順條氣....
!! 好鬼辛苦....
!! 打比老公睇下佢會唔會係仁濟醫院, 可以過黎救我......點知佢地架車係九龍灣? 
嚇C老公..... 叫我抖陣先, 睇下可唔可以撘到的士返HOME!!
我抖左陣就去打的啦, 好彩一出聖堂門口就有TAXI!! 5分鐘就返到HOME!! 
返到去又嘔!! 阿B頭都入厠所睇下我做乜
!! 嘔完就攤上床, 差不多瞓著又反胃, 又要爬番出去嘔多一次.... 救命..............!! 心諗再嘔真係要CALL老爺奶奶救我......!! baby仔又勁踢我, 我都唔知道佢係咪唔舒服!! 好擔心!
再攤上床好似好D喇!! 仲係有少少頭暈... ,不過無咁辛苦! ! 臨瞓著仲好叻咁打左比"騫佑媽"話佢知我今日下晝個TEA BUFFET GATHERING去唔到!!因為又暈又嘔, 仲問佢baby仔係咁踢有無事咖.......!! 佢話應該無事嘅... 大肚有d人係會頭暈作嘔, 抖下先啦!! 真係唔掂就去睇醫生啦!!
zzzzzzzzZZZZZZzzzzzzzzzz!!! 然後我就瞓左!! 大約12點半..... 瞓下瞓下仲發夢出左去buffet同d mami傾得好開心.....!! 到我醒嘅時候已經3點半喇!!!!!!!
打比老公..., 話比佢知瞓完好似好d喇!! 佢話我嘔晒d野, 快d去食番少少野啦, baby可能肚餓所以係咁踢......我一諗起又落樓下食野就已經唔開胃喇!! 我話人地原本明明有得出去tea buffet好好味, 好開心, 好期待咖.......而家........!
諗諗下, 不如照出去啦!! 3點3至5點半tea buffet!! 我出朗豪坊都係半個鐘! 出到去食一個鐘都飽啦! !! 即刻打比"騫佑媽", 話我瞓醒好番好多喇, 而家出黎搵佢地!!
"騫佑媽"都話: 唔好啦!! 你嘔完喎... 又得番咁少時間....!!
我話: 但係我發夢都出左黎喇....
"騫佑媽"話: 哈哈
!! 你都係心野咖喇!(真係明白我
)!! 小心d啦!! 一陣都有mami可以同你一齊撘車返去嘅...
hehe!! 於是我是但著件衫就9秒9出左門口喇!! 上到小巴打比老公, 你估下我係邊?? 哈哈!! 佢都估到我會趕出去見下成班係forum傾左咁耐嘅mami!! 
結果我4點半前就去到喇
!! 報左名嘅13個大肚mami齊晒!! 哈哈!! 好happy!! 一齊食野, 傾計~~
! 個tea buffet都好簡單!! 不過有好多我見到就流晒口水嘅甜品
, 食左好多款朱古力dessert!! lumlum! 一個嘔左幾次嘅cary就好似無事發生過咁食buffet食得好lum喇
見到好多成日一齊打字傾計嘅mami們, 要將個login name代番落個人度, 再link up番佢之前share過嘅野, 再試下記番個英文名, 都幾高難度!! 
! 不過link唔到都唔緊要啦!! 我地都傾得好happy!
我地成班都係7月預產期嘅mami!! 一齊由知道有bb開始, 睇邊個醫生好, 去邊度做oscar好, 去邊度做結構&4D好, 有乜唔食得, 請工人注意乜, 買BB野去邊度抵...........等等等等......不知不覺已經傾左幾個月計喇!! 之後我地D babies出世後仲可以一齊出黎玩, 一齊開生日會........!! lumlum!!
呢d就係Internet嘅威力!! !! thanks baby-kingdom!! 哈哈!!!! 其實我地個0707 mami會應該有幾十人!! 今次有好多mami都唔得閒, 希望下次gathering再多d人一齊出黎, 一齊傾啦!!!
下面嗰張係到臨走先記得影嘅合照!! 唔該晒唯一一位陪老婆出黎嘅好hubby揸機!!
13個大肚婆一齊!! 好多人望住, 唔知係咪以為我地係大陸生仔團呢
!! 大家d肚都唔同大細, 可能同著裙著褲都有關!! anyways, 最緊要大家個baby都健康平安, 陀bb陀得舒服lumlum!!下次再見～～～
沒有留言:
張貼留言