今日係我第一次去監考嘅日子, 監會考嘅中文卷一同二!!
今朝8點就要去到試場報到, 所以較左鬧鐘6am開始babyplus, baby上堂, 我就meditation同繼續瞓! 7am起身梳洗換衫同老公去食早餐, 然後準時去到試場
!!
我監考嘅試場今日有250個考生, 有2個試場主任係台上面, 另外連埋我有6個監考員!
6個監考員入面有4個係原校嘅老師, 所以得我同另一個miss係考試局另外請嘅!!
250個考生分成15行, 3個監考員監3行, 另外3個監考員監2行!! 9+6 = 15!! 試場主任見我帶埋baby去, 所以就安排左我監最last嗰2行, 坐唔滿, 得29個students!! 
!!
監考員負責派卷, 收卷, 點名同埋處理特殊情況!! 而我就連最用神嘅點名部份都比人skip左
!! 因為得5張點名紙, 得5個監考員需要去對id card, 准考證同點名!! 所以又好順理成章咁比左其他5個監考員做!! 我就好似好得閒咁喇!! 淨係派卷同收卷!!
我之前一直最擔心嘅係要企成個上晝, 唔知道會唔會頭暈, 點知.... 原來係可以坐咖!!!! 
!! 個個監考員都坐係度, 除左有學生舉手同派卷&收卷之外, 就係坐係前面望住佢地考!!!
所以我今朝其實就係去坐左3個半鐘喇!!!!! 雖然賺到少少錢, 但係都幾悶咖!! 好彩, 有baby仔陪住我
! 佢由頭到尾都好活躍咁同我玩, 又踢又轉身, 仲打c益添!!
其實都唔sure佢係乜野動作咖, 不過佢大腳踢時, 我個肚皮會彈下彈下!!
而有時我個肚皮會好似波浪咁, 好似比佢左推下右推下咁, 我就估係baby轉身卦!! 
跟住近期有時baby會好有節奏, 好細力咁, 連續, 慢慢咁跳好多下!! 應該就係佢自己玩吞羊水時, 攪到自己打c益喇!! 我之前都係forum見其他mami話佢地個bb會打c益, 仲唔明白添, 而家到自己個baby咁就明白喇!!
好似好得意咁!! 不過唔知道baby會唔會好辛苦呢?? 頭先監考時, 佢仲打左成15-20分鐘!! 我已經試下轉下位, 行下, 摸下佢, 但佢都唔停咁打呢, 有乜計呢??
而家baby就已經瞓左lu, 我都可能要去瞓下!! 因為尋晚雖然11點跳上床開始叫自己瞓, 但係都瞓唔到, 瞓唔林!! 明天會去監中文listening! 跟住就係下星期五六!!! total有7日會去監考!!
baby, 我地繼續努力啦!! 你記住要陪我玩等我唔洗咁悶呀!! 
!!
甘早起身仲要babyplus阿？你一定係一個好媽媽喔~~
回覆刪除CARY, 真係 happy , 聽落都幾輕輕鬆鬆賺外快啦
回覆刪除聽你講bb係度打c益都幾得意咁喎~~ 唔知我幾時至感覺到呢~~
回覆刪除＾＾ 加油 ＾＾
回覆刪除會考監考....... 有 d 懷念讀書0既日子, 仲有辛苦到死0既考會考日子！ bb打 c egg 好平常0既, 唔洗擔心~~~
回覆刪除第一次留言^^ 下,真係睇到個肚係到郁架??? 仲會打事益,個感覺唔知係點,好難想像呀!!!
回覆刪除搞咗一大輪先login到個Blog.... 我都有曾經覺得BB有規律咁跳跳下, 原來就係打C益呀! 你呢個監考外快又幾好賺喎....舒舒服服咁就搞掂嘞~
回覆刪除bb係肚入邊郁郁下好開心嫁。
回覆刪除我今日都在自己學校監考會考 , “ 偷睇 ” 考生作文內容 , 其中一個寫檸檬茶好好笑 !
回覆刪除我胎住我囝囝嘅時候, 佢又係成日打c嗌嫁, 我初初以為佢抽筋添呀
回覆刪除我在媽媽肚裡面時，時時踢媽咪． 媽媽日日都要監考，佢要做試埸主任
回覆刪除cary: 仲有咁多日要監考,記得帶見外套呀!唔好凍襯呀! 我都未知bb點叫打c益呢...
回覆刪除BB係媽咪肚入面的感覺真係好正，嗰種感覺係要做過或將會做媽咪先feel到，嗰時老公問都好難話佢知，最多可以摸吓BB郁的感覺咋！
回覆刪除我都好懷念sheena係我果肚係日子, 實在太美好啦
回覆刪除巨寶大寶小寶寶 : 我都希望我係 騫佑媽/catcat: 我唔係輕輕鬆鬆賺外快咖!! 好乖咁當正職搵$買尿片咖!! 坐係度唔睇得書, 乜都唔做得3個鐘頭其實都幾悶.... 幸福張師奶 /peony: feel唔到都唔緊要啦!! 我諗bb打c egg都唔係好舒服!! arlin: thanks!! 墨魚媽媽 : 我睇住佢地考試都有回想番自己考會考同 a level嘅日子!! 眨下眼就咁多年lu!!! 恩言: 我都有偷睇到!! 2san: 真係好開心好難形容比你知!! nan/恩恩媽/卓蔚媽/sheena ma: 第時bb出左世之後一定會掛住呢d咁得意嘅feeling!!
回覆刪除ＢＢ咁細個，就帶佢去試場！你第日可以話俾佢聽，佢咁細個已經想考會考！
回覆刪除一口氣看完妳"my dream"系列, 我之前都是教書的...看了很有同感. 謝謝分享
回覆刪除