4月24日 - Macau之旅(day 2)

Macau之旅第二日, 我同威威一早較左鬧鐘落去食酒店送嘅早餐buffet, loulou就繼續瞓覺!!

我地一直係室內, 都唔知道原來外面行雷閃電!!

不過天雨一d都無影響到我地嘅計劃, 因為我同老公一早決定左呢個朝早要上去利澳23樓個室內泳池游水!!

個天花仲係玻璃添, 可以睇住d雨同閃電!!

成日睇書話大肚去游水好!! 不過係香港d公共泳池比人踢暈都未游到一個池!! 難得去到酒店泳池一定要游下!! 開頭覺得好大個肚, 又有妊娠紋, 好醜怪!!

不過上到泳池好少人, 而且仲有另外一個大肚婆著住三點色!! 我原本加左件背心, 最後都唔理lu!! !! 大住個肚游水同平時游好唔同feel咖, 上水抖氣好似要好用力先抖到咁!! 不過同baby一齊游水又好lumlum!!

游完水返去同lou食飽之後, 我地返左酒店房傾計! 好難得有機會同金金傾計! 影張相留念!

hea完嘅節目就係觀光塔tea buffet!! 不過d相係表姐部相機度!! 如果大家打算去食, 遁得一定要係香港買定$95一位連上塔參觀嘅ticket!! 去到walk in tea buffet要$108加tax而且唔包參觀咖!!

我地食飽飽同睇左成個澳門view都幾lum, 而且加上有阿金嘅講解!! 正!! tea buffet d野食就唔好太大期望喇!! 食view飽啦!!

上左去參觀左個圈就落番去下面個mall喇!! 都幾多野玩咖!! (其實係我地乜都玩一大餐)

入左華納shop玩啦

同jelly belly影相啦!!!

又買左d jelly beans啦!!

然後仲入左"老虎仔樂園"玩左一大輪

之後攞番車, 阿金又問我地想去邊呀? 向前望見到主教山間church喎, 於是又出發喇!!!

上到主教山影番轉頭, 又見到我地啱啱離開嘅觀光塔

爬左上去間church影相時, 已經5點55分喇!!

圖中嗰位阿伯, 行過同我地講"要鎖門喇", 跟住就自己行左落去鎖門喇!! 咁我地唯有走人啦...

落左下面個公園玩左一陣

之後, 我地去左"漁人碼頭"!! 去到6點幾, 個火山啱啱爆完, 睇唔到!! 然後發現"漁人碼頭" 好似一個死城咁!! 無人無物!! 得d名店同埋好多蚊蚊!! 咬到我傻.....!!

所以我地影左d相, 到此一遊就閃左喇!!!

"漁人碼頭"內, 我最鐘意嘅係呢個厠所牌!! 你覺唔覺得個女比個男大隻同橫好多?? 應該係大肚婆黎咖!!

又到左dinner time!! 我地今晚嘅dinner由Mr.Seon負責諗, 佢帶左我地去食我好鐘意嘅意大利餐

影漏左D咁嘅??? CEASER呢?? 仲有D咖??

庭庭小姐R晒頭問 "點解PIZZA無菠蘿嘅??"!!

大家都好攰喇!! 尤其是金金揸左成日車, 所以夜班司機轉左人, THANKS 陳老闆!! !!我D MACAU Friends真係好friend呢!! 要鍚多幾啖!!!

阿熙車左我地去新舊葡京影下相!! 阿lou仲回味番小學同family過澳門嘅葡京酒店樓梯添!!

最後, 返hotel.... 攰到傻左......... 由一早去swim到夜晚....... 就快散晒...... 三個一齊浸腳relax下