4月10日 - 食食食&買買買^^

老公返完night一早返黎同我食完早餐就瞓覺

!! 瞓飽飽下晝我地就出發去食同shopping同research去澳門嘅package喇!!! 去左好多站, 行到腳仔軟!!!

第一站 -  深水"土步"好好味維記豬潤通! 同baby kingdom d mami傾開好想食, 所以老公就陪我去食喇!!

仲有個加央西多士都好好味!! 當然又偷飲左少少好滑奶茶啦

第二站 - 食飽飽同老公行下玩具店, 然後經過北河街... 咦!! 咁熟嘅, 好似好多mami話d bb衫仔好平好抵喎!! 所以就行下喇!! 其實有好幾間嘅, 呢間就係要自己慢慢摷嘅!! 另外有兩間就買左少少和尚袍!!

T shirt仔同背心仔!! 你估下幾錢一件!!

另外長短和尚袍各幾件!! 都係100% COTTON好軟身, 仲平過花園街

第三站 - 去旺角銀行中心睇澳門酒店同船票package!! 不過唔洗咁快book住, 格下價先!! 原來油麻地旅遊仲平過中旅社少少!! 不過我地去上環出發好似方便d, 又可以就埋loulou, 所以應該會book番中旅!!

第四站 - 行左陣女人街睇大肚裙仔! 因為發現著大肚短裙仔好舒服! 唔洗cool住個肚!! 不過都係九龍城ee抵d!! 一樣款都平幾十蚊, 所以無到野!!

第五站 - 去左波鞋街買brikenstock拖鞋!! 因為開始覺得著有鞋帶嘅鞋好麻煩, 個肚頂住lu, 而且天氣都開始熱, 所以買定對拖鞋舒服d, 方便d!!

第六站 - 去左百老匯電器睇"手提攝錄機"!! 又係research階段!! 我地睇大約5000蚊嘅款, 用DVD嗰D! SONY同CANON比較, 老公好似鐘意CANON多D, 顏色靚D咁!! 有無人有經驗可以比D意見呀???

但係又有D朋友話唔洗買啦!! 用番digital camera都可以拍片啦!! 唔會成日攞咁大部野出街喎??? 而且話會食電d, 影相又無咁靚??? 攪到我同老公都好疑惑, 開頭諗住可以拍多d baby所以不如都投資一部啦咁嘛.....!! 又有無mami可以比d意見??? 買唔買好呢???

第七站 - 行兆萬!! 原本係陪老公睇星矢嘅, 點知到買左bebechhichi比我! 我媽咪陀住我攬monchhichi(

可以click去睇下隻陪我大嘅monchhichi), 我就陀住baby攬bebechhichi! 多謝威威!!

第八站 - 行到腳仔軟喇!! 快d搵個地方坐下!! 我地去左女人街嘅某日本餐廳!!

威威食左半磅三文魚sashimi!! 我都被配給左兩舊, 少少唔怕嘅!! 仲有omega 3添

威威嘅魚生飯, 我有份食青瓜, 旦同飯!!

我就好乖咁叫左個椰菜炒牛肉定食!! 食多d菜好!! 都好好味

最後一站 - 返屋企, 攰到傻左lu.................