其實到底有幾多bb而家係可以自己瞓係床仔自己瞓著, 唔洗抱佢哄佢瞓咖???
其實多數bb幾大個戒夜奶? 多唔多好似仔仔豬咁幾個月大又開始晚晚醒扭mami做奶咀? or要比番奶咀佢先瞓番?
其實有幾多bb係跟大人係大床瞓咖???
我之前睇左"The baby book親密育兒百科", 覺得"咦~~~ 係我而家做緊嘅野喎!!! 對仔仔好咖喎" goodgoodgood!!!
跟住今日睇完本"On becoming babywise從零歲開始", 又好似完全同我做緊嘅野相反晒!!!
到底....... 點先係對bb好嘅呢???
各位blogger mami們, 請分享下啦~~~
我果時未滿月餵人奶, 晚晚咪就係比小瑜做左人肉奶咀咁, 基本上佢唔係肚餓既~~~係鍾意媽媽抱住佢又有人肉奶咀食之ma~~所以我覺得因你bb係全人奶bb, 所以bb係難d介夜奶同埋好鍾意"縷"抱住訓!!
回覆刪除我小瑜滿月後, 我就開始幫佢介夜奶~~~方法其實真係用奶咀!! 試左一個星期到就成功!! 另外我係無抱住佢訓既習慣!! 總之食完最尾餐奶奶, 就放係床仔由佢自己訓著!!! 只係同佢講聲goodnite, 叫佢乖乖訓啦~~~
我一開始無比小瑜跟我地訓~~怕佢第時唔肯自己一個訓就煩啦!! 所以, 要訓練佢自己一個訓床仔!!
其實, 我又覺得湊bb無一套方程式既, 真係要就番個個bb唔同既需要!!
我都覺得每本書講D野都唔同,所以我係揀啱聽咪聽咯,哈哈.
回覆刪除一開始我老公就堅持Tama仔要自己瞓床仔,之前佢成日半夜醒,老公都係唔俾我攬佢上大床瞓,寧願暗佢瞓完,放番床仔,不過就真係好辛苦,有時一晚醒幾暈,之但係,依牌轉咗pooh pooh尿片,佢好多時都可以瞓到天光.
夜奶就3個幾月大佢自己戒咗,前牌佢成日半夜醒,都有試過俾下奶奶佢食,不過佢唔食喎,有時反而肯飲幾啖水,所以我覺得仔仔豬食你可能因為慣性同依賴.
暗瞓覺呢樣野我就真係投晒降,試過放低佢等佢自己瞓,佢就喊到拆天,再唔係就開始反身,反到醒晒,所以到依家無論日抖,夜晚都仲係要抱住暗瞓覺咯,唉.....
我都看了這兩本書, 也覺得兩本書的論點很不一樣. 但我覺得最重要的配合自己的一套, 特別是在睡和食方面, 可能霖霖已習慣了現在的規律, 所以不必太擔心是否和其他BB一樣. 到他開始另一階段再趁機調節可能會較容易. 不過, 我都只是紙上談兵, 不知到自己要實戰時是怎樣一回事.哈哈!
回覆刪除我一直堅持himhim要自己瞓床仔，就算一晚喊幾次我都係氹完佢放番落床仔。
回覆刪除夜奶大約3個幾月大已經戒咗，除非臨瞓個餐飲得好少我先會開少少奶俾佢。
新年前已經成功訓練 himhim自己瞓，方法係每次瞓覺放himhim落床仔由佢玩到夠就會自己瞓。希望可以幫到妳
阿豆仔大約兩個月大我就訓練佢自己係佢張床瞓, 從來都唔比佢係大人床瞓, 其實都比佢瞓一,兩次, 因為一次佢打完針, 另一次係佢出玫瑰疹, 因為有啲朋友比佢哋仔女瞓大人床一齊瞓到好大個都要跟住一齊瞓, 我好怕會發生係阿豆仔身上, 所以盡可能都唔比佢係大人床一齊瞓. 佢好鬼精每朝五點幾就一定扭上大人床瞓, 知佢爸爸起身返工, 大人床有位.
回覆刪除我都想知點同佢戒夜奶, 不過又時覺得都想佢佞比食夜食到大啲, 辛苦啲多幾個月, 無所為....
另外想問吓呢, 香港啲商場容唔容易搵breastfeeding room, 因為我哋三月會返香港探親, 怕會好難搵....
你好,我個bb而家6個月都係訓大人床, 其實唔知呢d係唔係叫訓慣左, 因為bb一出世個時係同我奶奶一齊訓, 一個月後我將佢放番係我間房佢張bb床就成日訓得唔"林", 好易醒, 我個時又要開始番工, 又好怕佢成日喊醒會嘈到佢其他屋企人, 所以將佢放係大床一齊訓, 咁不特止, 佢仲要好強烈既安全感, 即係我每晚都要攬住佢訓, 佢先可以連續訓到2-3個鍾到, 就算如果放大床, 唔攬住佢, 佢都係訓得好差, 訓下醒下, 仲有, 就係bb到而家6個月都仲要食夜奶, 仲儘時個朝頭早, 我其實由bb出世到而家都未試過一晚訓天光, 我都好想知有大家媽咪有咩解決方法, 可以去我個blog到留言, 大家共同努力!
回覆刪除做人媽媽甚艱難呢! 加油呀! Cary!
回覆刪除1
回覆刪除等我又分享下關於戒夜奶同埋訓練欣欣自己一個係床訓的小小經驗......
其實佢個幾月就已經戒左夜奶啦,當時係臨訓前比多些少奶佢飲,但半夜三更佢想飲奶的時候一係比水佢飲,一係就比奶咀,可能要狠心D架啦,唔理佢囉,好快阿欣姐半夜就零願訓都唔起身飲奶啦(不過佢係飲奶粉的,同人奶B情況截然不同)!!!!
至於佢自己訓,其實佢一出世返到屋企的時候,我地就已經比佢一個訓high chair,直至床仔到手就訓番床仔,咁多個月以黎係有幾日時間比較難訓得著,成日係樹依依哦哦,不過多數就係比個奶咀佢,等佢自己攪掂,呢樣野係老公同我都好安慰的!!!!!訓大人床都係試過一次咁大把,不過儘可能都唔會比佢再試囉,我地都係為將來唔駛咁辛苦著想咋!!! 我見你屋企擺左好多本有關育嬰的書喎,可能你對照顧仔仔豬都幾緊張啦,不過睇得多就會越來越混亂架啦,而且佢地講的係大多數情形姐,每個BB都係獨立的個體,有住唔同個性與發展,你要黎參考一下好啦!!!!!
想補充少少,仔仔豬飲人奶係會痴身D,所以我的意見未必幫到你啦,梳利梳利!!!!
回覆刪除我呀b依家都要抱佢/哄佢瞓... 仲未可以自己瞓著呀~
回覆刪除至於夜奶... 佢好快就自己戒咗囉... 不過有時都會醒咗要食奶咀...
其實d書本本都有d唔同... 好難全部跟足... 最重要就番自己&BB o姐~
我條仔都唔 like 瞓床~ 好多時跟 4姐瞓~~~唉 ~~
回覆刪除Halo~~
回覆刪除我就唔係餵人奶!但我仔仔都好痴身......有時近早上都要同大人一齊訓先肯訓
但佢晚上都係自己訓床仔!!你可以咁諗啦!佢仲細冇咩安全感...咪要痴住你...到大個左想佢痴住都幾難~佢有佢玩唔理你了!
我個b就來2個月...佢都冇起身食夜奶了!但唔知佢大d會唔會要食返?
now最煩就係佢嘔奶!
有時間去我個blog睇睇~我都想請教你點樣湊bb!我覺得你好叻,自己湊大仔仔豬!
我都有看<On becoming babywise從零歲開始>, 因為我不是全職媽媽, 很難要求奶奶or婆婆跟著照做, 所以都沒有什麼規律.
回覆刪除戒夜奶 : bb 一個月左右自己戒夜奶, 但大約6 個月時生病, 又開始晚晚醒要夜奶, 試過三個小時一次, 直到現在都沒有完全戒到. 我沒有比奶咀佢, 好似都冇問題
自己瞓著 :聽過bb直到大概9 個月先識自己瞓著(not sure), 熙熙通常飲下奶會自己瞓著. 不過有1/4時間要抱佢哄佢瞓(even彎低腰做勢擺佢落床仔, 佢都會知,會喊)
跟大人係大床瞓 :冇,
嗱!!!個個bb都唔同架,即使兄弟只妹性格都唔同啦,所以無得一概而論,不過我反而認為bb初生時候抱得太多,真的難湊好多,那時我老爺日抱夜抱昇仔,喊又抱瞓又抱,抱左成個月,搞到昇仔成日扭抱,後尾我堅持自己湊返,唔比佢再亂抱昇仔,之後的確有所改善,自己瞓覺,即使我地出街食飯,昇仔從來都係自己玩架.
回覆刪除我都覺得係.. 每個baby都唔同..
回覆刪除我個大女, 2歲半都一晚最少醒3次(好彩的話, 唔好彩over10次添!),
都要我拍返哄返佢訓.......
而個仔差不多7個月都仲飲緊夜奶.. 其實冇問題架, 醫生話其實係大人辛苦d 0者, 飲夜奶無問題架!!
我bb就係可以自己瞓著唔洗抱(當然有時要比較耐先瞓得著), 我bb都唔食奶咀, 不過佢啜衫袖or 毛巾囉! 奉星期五, 六 佢都會同大人瞓大床架! 其實bb係一張白紙, 係你安排佢既生活模式!!
回覆刪除我仔仔向個半月時已自己戒咗夜奶, 初時佢都喺自己訓, 直到我個工人來咗之後, 我工人就成日抱住來氹佢訓, 初頭我都唔覺有d咩, 但依家就慘啦, 唔抱唔訓, 雖然佢都喺好快訓著個隻, 但就一定要抱先肯訓, 咁的話, 我就唔敢比佢返全日學, 我怕佢中午覺唔可以自己訓呀, 依家我要諗下點可以幫佢戒呢樣嘢, 希望佢可以自己訓, 唔駛人抱住訓....
回覆刪除我湊囡方法係參考一本書叫"the new contented little baby book",好work下!我個囡由出院開始自己訓床仔,滿左月後,夜晚放佢係床仔,佢就識自己訓,而且個囡個半月就戎左夜奶,由夜晚十一點訓到第二朝六、七點!到依家我都無比奶咀佢食！
回覆刪除不過，因為我要返工,所以先早早同佢戎夜奶！
我亞媽成日都話要比個開心嘅童年亞B, 所以我依家好多野都無迫佢啦~ 佢like咀咀咪比佢囉......佢like幾點食奶咪食囉......雖然我有d同事話我對個女仁慈即係對自己殘忍; 咁又有邊個媽咪為左對自己仁慈而令到自己個B辛苦嫁
回覆刪除哎呀！做乜學埋我d衰嘢呀？俾d育兒tips點到陀陀擰 ....慘慘，我好明白呢種感受。anyway，baby-mo 2月號有講入睡方法，有1招我都有用，就係掃耳仔。
回覆刪除行行除非好唔舒服，多數都唔使抱住就瞓到。bb一晚醒幾次好正常，行行就一俾奶咀就ok，佢自己瞓bb床又得，老公on duty時同我瞓又得。人奶b戒夜奶時期應該真係好唔一致，但霖霖仔似乎係要你做奶咀，而唔係真係肚仔餓呢！可唔可以solid food果餐盡量夜d食呢？
相信瞓覺同抱抱呢樣習慣，係好難改變呢！因為由一出世已經係咁啦！所以真係冇得同其他b的情況相比。
如果真要改變，相信要好狠心呢！
good luck & 加油！
集體回應：
回覆刪除多謝大家比咁多意見!!! 我諗我都係用番"阿媽辛苦d, 阿仔開心d"嗰套!!!
辛苦都係呢一兩年, 好快bb就會大個, 唔再係咁baby!!! 哈哈!!!
不過, 本書都提醒左我, 要以家庭為中心, 兩公婆都要開開心心, 唔好樣樣以晒bb為中心!!! ^.^
仔仔仍然都係晚晚都搵我做人肉奶咀, 唉~~ 佢又唔肯食奶咀, 又唔肯用奶樽, 比唔到水水佢戒夜奶呢!!! 而家唯有希望佢出到牙仔之後舒服d, 就可以瞓天光啦~~~ ^.^
各位mami, 一齊努力加油呀~~~
我個BB未足月出世，到依家2個半月都未戒夜奶。如果數返正常嘅出世時間BB只係剛剛滿月，我有心理準備BB要好耐先戒夜奶，我重需要返工潻。做媽媽真係好辛苦及好偉大，一切都係值得嘅，大家齊齊努力吧！
回覆刪除cary, 其實仔仔幾時戒夜奶, 真係無得講架, 好似小吉滿月之後都戒夜奶, 但前排天氣凍, 佢好多時都2am/4am要飲奶奶架 (辛苦晒婆婆~~), 婆婆就話bb仔係因為自己有需要, 先會叫食奶, 所以佢要食就俾佢食, 佢唔想食你迫佢都迫唔到喎~~
回覆刪除至於瞓床仔問題, 可能仔仔聞慣左你既味道, 無你係身邊就會無安全感 (你睇仔仔就算清醒時都要搵你就知道喇~), 不如試下係床仔掛晒你既衫係旁邊試下呀~
講漏左, 小吉宜家係婆婆屋企係同婆婆一齊瞓大人床, 不過佢weekend返黎我到又識自己轉返channel, 瞓bb床都無扭計, 不過我知佢係鐘意瞓大床多d架, 因為每晚佢返黎我到, 臨瞓前我地都會係大床玩下遊戲先瞓, 咁佢一見我一齊上埋大床, 佢就會好開心笑晒+郁手郁腳咁, 玩到佢累我就抱返佢入床仔俾奶咀佢熄燈瞓覺, 不如你又試下臨瞓玩到仔仔豬攰晒, 睇下會唔會好d呀~~
回覆刪除不如我分享吓大囝ge情況:
回覆刪除大囝本身性格好痴身,滿月後將last餐奶推到12點,食完佢半夜唔醒就唔再餵,醒試吓食奶咀,飲水,慢慢推遲吓佢會早上5,6點食奶,再慢慢會變6,7點先食奶.
平時睡覺要食奶咀抱住哄睡,後來差不多1歲唔夠力抱便放大人床陪他拍他入睡,睡著了抱番bb床睡到天光.到佢差不多歲半換了張單人小童床,到依家睡前都是陪他在旁邊拍他入睡,佢睡著我就起身走人lu.
亞囡依家都用類似方式.
睇書各有各說法,我覺得主要方便自己生活方式同bb性格,放鬆d啦
臭B係半人奶，佢係朝早同臨瞓食，因為我要番工。五個月之前佢都要抱加埋啜先可以瞓到，半夜如果醒都會抱上大人床比佢瞓住啜嘅。不過佢其實唔係肚餓，只係想啜咋。後來因為佢愈來愈重，我覺得膊頭好痛，同埋唔想佢含住啖奶瞓怕佢會註牙，所以試吓比奶咀佢，又ok喎！我會抱一陣，等佢有睡意時就放佢落床仔，我就係側邊比佢知道我係度陪佢，唱吓歌咁，佢慢慢就會瞓到啦！而家都可以瞓天光架啦！
回覆刪除