b頭今晚20:55離開左我地, 去左一個好快樂好舒服好多好朋友好多野食好開心嘅地方~~~ 
尋晚等到嘅電話, 竟然唔係手術成功, 係開左刀先發覺到情況係到左無可挽救嘅地步, 獸醫甚至建議不如比佢係手術中離開, 唔好咁痛苦.....
我選擇左一定要再見到清醒嘅b頭頭, 再傾計, 抱抱完再算!
今日下晝見到嘅b頭, 仲好努力地比一個精神靚仔樣我睇, 我地傾計, 錫錫, 摸摸左好耐! 同醫生傾完計再去望下先見到佢其實好攰喇!!
好唔想做嘅決定, 亦問過其他獸醫嘅意見, 我知道為bb好, 我應該咁做!!
今晚再同5e, 威威&loklok一齊去陪b頭......
同b頭講左好多好多嘅sorry, sorry我因為仔仔放低左佢, sorry我疏忽左佢嘅身體狀況, sorry我以為會有好多時間可以再陪佢對佢, sorry我帶唔到佢返屋企做廚房男..........
sorry到佢不斷錫我, 我知道佢好愛我唔會嬲我.....
摸佢, 抱佢, 攬佢, 比左d包包佢食...... 我睇到佢比今日下晝攰左, 但係仍舊係眼大大, 唔肯休息....
或者佢知道好快就可以拋開呢個咁痛咁辛苦嘅舊皮囊, 可以好舒服咁休息, 所以由7pm一直陪住我地....
直到差不多9pm...... 再見喇b頭..... 我知道你只係離開左你個身體, 你個soul一定會成返黎陪我探我~~~
你係咪即刻成個輕鬆晒? 舒服晒呀?
simbaba 一定黎左接你? 係咪呀? 佢一定會guide住你, 陪住你周圍去玩~~~ 有無見到你d屋企人?
你而家係邊呀?? 有無睇住我打blog? 我地同你影左好多相, 張張都好靚仔呢, 我遲d post番好唔好?
好多人都好鍚你同愛你咖b頭頭~~~ 希望我嘅決定真係令你舒服左, 好過左....... 我地一定會再見咖........
永遠愛你....... 我最靚仔最可愛最乖乖嘅b頭(8.10.1999 - 18.3.2008)
F
回覆刪除