B頭手術中....

19:40 等到獸醫電話, b頭抽左膀胱d小便, 然後照左超聲波, 應該唔係有腫瘤, 即係唔係cancer, 而係前列腺發炎, 有膿, 阻塞左尿管, , 抽血驗左白血球好多, 怕佢會敗血症, 今晚就要做緊急手術!!!

20:45 5e都過左黎陪我去vet度睇b頭, 抽左d小便b頭無咁辛苦喇, 都ok精神, 吊緊鹽水!!  我地呵左佢同叫左佢乖乖!! 快d好番做完手術, 醒番休養完自己可以vv就跟mami返屋企做廚房男, 我地間個廚房比佢跟番我地住!!!

21:30 聽獸醫講解左2個手術詳情!! 

(1)係肚皮插喉入膀胱放小便, 因為比前列腺塞左, 要醫好左前列腺發炎先可以自己小便, 到時就可以拆番!!

(2)前列腺洗膿放膿, 然後做內部引流, 用肚膜引入去前列腺度, 因為肚膜有血管可以比白血球入去幫手打仗, 又可以幫助吸收d膿!!!

醫生好好心機用本醫書d圖像好詳細咁解釋左比我地聽, 雖然好大手術, 不過佢同其他partner獸醫一齊做過幾次, 好成功!!! 而且會切部分組織再send去化驗, check前列腺嘅細胞o唔ok!!!

21:45 cary簽左兩份form(手術及住院), 比左$$$!!!

然後就返屋企等............ 等醫生睇完症, 等佢電話話比我知開始做手術!!!

唔該晒老爺奶奶今日一路揍住仔仔, dadi威就夜晚10點揍仔仔返home等我, 多謝5e過左黎陪我聽手術詳情, 多謝天主比個好獸醫我地, 比個我仲afford得到嘅價錢我可以醫b頭!!!

回家揍仔冲涼奶奶瞓覺........ 終於0:09接到vet電話!!! 

0:09 b頭開始做手術

希望b頭乖乖, 打開個肚仔醫好晒d唔good嘅野, release晒d唔開心唔健康唔lum野, 獸醫手勢好好, 手術好順利, 傷口好快舒服舒服, 埋口又快又靚!! 前列腺好快回復正常, b頭可以出院!!!!!!

我地又再繼續等...... 等獸醫打比我話b頭手術成功完成, 等獸醫再打比我話b頭麻醉藥過醒左我先去瞓!!!!!

b頭, 乖乖呀~~~ 你係叻仔黎咖, mami等緊聽日探病時間2pm黎呵番你咖!!! 做完手術記得要醒呀!!! 然後就好舒服咁休息, 瞓一覺好嘅就見到mami黎探你咖喇!!! 乖仔呀!!!!