今個國慶..... 好難忘.....
首先係我自己打敗仗, 尋日胃痛左成日....., 又唔敢亂食胃藥, 諗住抖下會好番..... 點知...成晚都痛..... 結果今朝去睇左醫生, 話我胃炎, 比左d唔會影響mama milk嘅藥我..... 食完之後好d, 但係藥力過左又痛番...唉..... 老公仲返night添......希望今晚同仔仔一齊瞓好d, tomorrow好d啦.....
第二樣更擔心嘅係b頭..... 師傅今朝打比我話b頭對眼有d野, 唔多ok, 最好同佢去睇下醫生!!! 個心即刻飛左過海想立即同佢check下..... 但係事實上個人就胃痛緊同揍住仔仔行唔開...... 加上好難得地約左一班朋友上黎睇仔仔(今日招呼不周真係唔好意思呀~~~ friends~~~
)..... 個人又病又亂又擔心......
結果唯有求救, 搵左5e幫手去睇下b頭點先!! 都預先book定左荃灣個好獸醫, 打算好唔掂就立即運b頭返黎睇!! 5e話佢眼底係好似損左咁, 不過又無死晒狗, 無晒心機好嚴重咁, 唔洗太擔心住, 應該唔係好緊急要即刻睇嘅!!! 咁我地就打算聽日or後日自己過去帶佢喇~~~
然後, 又通知左jojo&ben契媽契爺, 佢地又近d, 話可以落去幫我睇下b頭點!!!
等等等............到夜晚都未覆我嘅??? 哎呀~~~ 原來佢地好到帶左b頭去睇獸醫already!!! 檢查左好耐!!! b頭對眼有傷口, 獸醫話有d含膿潰瘍咁, b頭都應該好痛, 因為佢唔肯比人掂!! 
兩隻眼都有事, 一邊嚴重d!! 而有d白色野就類似青光眼??? 而且嚴重d嗰邊個傷口都幾深, 怕佢會盲, 約左星期四覆診, 可能要做個手術! 佢話係小手術!! 唉......點解會咁咖!!! 師傅話佢無比其他狗整親!! 而獸醫亦話北京狗對眼大同突都好多時有咁嘅情況
, 可能已經開始有一陣時間......
唔知道係咪仔仔出左世佢無眼睇開始, 而我又無乜時間理佢所以無一早發現....而家發現已經幾嚴重咁喇對唔住呀b頭.......
唯有搵左姑婆明天救我, 幫手睇仔仔喇~~~ 唔好意思呀姑婆~~~ 一放完幾日假又要你黎揍仔仔!! 無見你一星期發生咁嘅事........唉...............
而家b頭有藥食, 有膏搽, 希望師傅同佢準時處理, b頭舒服d無咁痛, 明天等威威放工抖陣我就會黎睇你咖喇~~~
Cary, 唔好甘擔心啦....b頭會無事, 好快好番ga....你自己都要小心身體, 胃痛真係唔好睇少佢, 要準時食藥啊~~~ 你同囝囝今晚要瞓番覺好既, 然後明天再去睇下b頭. 我相信b頭都好掛住你ga. take care ~~
回覆刪除cary：你唔好咁擔心，獸醫所講既小手術可能那用針線縫一縫埋b頭眼皮仔，等b頭對眼休息幾日唔好接觸到細菌。果陣我隻狗都試過，獸醫話潰瘍又係話會盲呀，but當佢做左呢個動作而幫佢滴專用眼藥水1-2個星期後就好翻，不過我隻狗之後隻眼有個永遠唔甩既疤痕係眼球度，係白左一韃咁。 你又要湊仔仔自己又唔舒服，你千祈唔好咁擔心，休息好佢跟住聽日再睇下b頭點樣啦。
回覆刪除你保重呀~~ 你自己未病好架 b 頭有咁多人照顧，又睇左醫生，問題唔大o既，你唔好太擔心啦！
回覆刪除唔好諗咁多, 休息好重要, 一個人有番精神先可照顧其他事嘛, 係咪?!
回覆刪除你要好好保重呀～～ 唔好太怪責自己，動物嘅病有時候唔係你留意就一定會發現，而且你已經好盡力咁去兼顧架啦！ 其實你已經做得好好架啦，係一個稱職嘅媽媽、盡責嘅主人！ 休息好先啦，有咁多親戚同朋友支持你，冇事嘅！
回覆刪除唔好唔開心啦！ B頭一定無事架！ 早排我家狗狗隻眼都有事,獸醫話應該係幫我家狗狗剪毛洗白白間shop整到佢對眼, 仲嚴重到獸醫都睇唔掂,要send我家狗狗去睇一個岩岩由澳洲黎HK講師既專科眼科到睇, 初初我都擔心要做手術架, 因為獸醫講到好嚴重,好左後來專科睇完後話只要滴眼藥水就ok咋！而家已經好番哂喇！ 而你自己都要小心身體啊！祝福你and B頭~早日康複！
回覆刪除唔好咁擔心啦～ 要保重身子呀！！
回覆刪除如果獸醫話好多北京狗都係咁, 咁 b 頭都未必有事0既, 你自己都要好好保重身體, 都唔擔心得咁多0架喇~~
回覆刪除Mo yum gung la muimui! I will hor fan B tau tau with some reiki ga la. Fong sum fong sum!
回覆刪除希望B頭快D好返,不過真係要好小心,我之前隻寵物隻眼整親,之後變佐白內障呀.
回覆刪除事情已經發生左,你都唔好責怪自己,因為根本就唔關你事,加上我相信b頭隻眼一定係近期才發生的,因眼部結構是每當有沙入眼或有任何損傷係會即刻出現的,不能拖半個月時間先浮現出來,另外北京狗的的眼睛的確係最易出事的,可能是b頭在狗場不適應環境所致(我的朋友隻北京狗也是這樣,最後發現得早無事了)現在你照顧自己就最緊要,我相信姑婆都好想湊珏霖仔啊
回覆刪除希望b頭醫得好啦 !!!
回覆刪除Hope you and your dog will get well soon! You need to take good care of yourself, your little boy needs you ah!
回覆刪除Cary,你要小心身體呀,咁健健康康至可以照顧仔仔豬同B頭架麻,至於威威爸爸,梗係照顧你啦!!!!
回覆刪除吾好咁擔心b頭,b頭應該會沒有事的.自己要小心身體.
回覆刪除傻豬B頭無事既, 唔駛擔心啦.. 做全職媽媽係咪都會有胃痛呢個毛病呢?可能太多嘢要做太多嘢要緊張啦，我諗我地真係要放鬆D呀...快D好返啦...
回覆刪除cary, 我都有試過胃炎呀, 真係要準時食藥同埋放鬆自己呀, 個時我就係太緊張, 愈來愈嚴重, 最後生胃瘜肉, 好痛苦 b頭唔會有事的, 放心放心~ 唔好太擔心佢呀, 要顧住自己身體呀~
回覆刪除唔知B頭今日睇完醫生好番未，如果有需要，我有睇開的眼科獸醫，可以介紹。
回覆刪除唔好怪自己啦! 你自己都要好好保重身體呀!
回覆刪除